From Wikipedia, the free encyclopedia
Madrid (uf spanisch [maˈðɾið]) isch d Hauptstadt vo Spanie und vo dr Autonome Gmäinschaft Madrid.
Madrid | ||
---|---|---|
![]() Von oobe linggs: Puerta de Alcalá, Campo del Moro und Palacio Real, Palacio de Cibeles, Straßen Alcalá und Gran Vía, Prado Museum, Statue Oso y el Madroño (dr Bär und dr Äbbeeribaum) in der Puerta del Sol, Hauptsitz vom Instituto Cervantes, Blick uf e Palacio Real und Almudena-Kathedrale. | ||
Wappe | Charte vo Spanie | |
![]() |
||
Basisdate | ||
Autonomi Gmäinschaft: | ![]() | |
Browinz: | Madrid | |
Comarca: | Metropolitana de Madrid | |
Koordinate | 40° 25′ N, 3° 42′ W | |
Hööchi: | 667 msnm | |
Flechi: | 605,770 km² | |
Iiwooner: | 3.266.126 (1. Jan. 2019)[1] | |
Bevölkerigsdichdi: | 5.391,69 Einw./km² | |
Bostläitzaal: | 28001–28080 | |
Gemeindenummer (INE): | 28079 | |
Nächster Flughaafe: | Flughaafe Madrid-Barajas (12 km vom Stadtzentrum) | |
Verwaltig | ||
Amtssprooche: | Kastilisch | |
Bürgermäister: | José Luis Martínez-Almeida | |
Website: | www.madrid.es | |
Lage der Stadt | ||
D Metropolregion Madrid het öbbe siibe Millione Iiwooner und isch äini vo de grösste Metropole in Öiropa. Madrid ooni Vorort het öbbe 3,2 Millione Iiwooner und isch noch London und Berlin die drittgrössti Stadt in dr Öiropäische Union und die grössti Stadt in Südöiropa.
Madrid isch sit Joorhunderte dr geografischi, politischi und kulturelli Middelpunkt vo Spanie und dr Sitz vo dr spanische Regierig. Au dr Köönig residiert doo, e katholische Erzbischof und wichdigi Verwaltigs- und Militärbehörde. As Handels- und Finanzzentrum het d Stadt nazionali und internazionali Bedütig.
In Madrid befinde sich säggs öffentligi Uniwersidääte und verschideni anderi Hoochschuele, Theater, Museum und Kulturiirichdige.
Dä Iiwooner vo Madrid säit mä „Madrilene“ (spanisch madrileños) oder „Madrider“.