From Wikipedia, the free encyclopedia
City Girls ìsch a US-àmerikàànisch Hip-Hop-Duo üss Miami, Florida, wo üss dr Yung Miami (Caresha Romeka Brownlee, * 1994) un dr JT (Jatavia Shakara Johnson, * 1992) b’schteht.
![]() | ||
![]() | ||
Allgmeini Informatione | ||
Härkumft | Miami, Florida, USA | |
---|---|---|
Genre | Hip-Hop | |
Gründig | 2017 | |
Website | 305citygirls.com | |
Aktuelli Bsetzig | ||
Rap | Yung Miami | |
Rap | JT |
Dialäkt: Mìlhüüserdiitsch |
D’ baida Bàndmìtglììder Yung Miami un JT sìnn z’ Miami uffgwàcksa un hann sìch därt ìn ìhra Jugendsjoohra känna lehra. Vor ìhrer Hip-Hop-Kàrriar ìsch d’ Yung Miami Mooda-Influencerin uff Instagram gsìì.[1][2]
Noh ìhrer Grìndung hann d’ City Girls ànna 2017 ìhr äärscht Liad Fuck Dat Nigga uffg’numma, wo-n-a Sample vum Liad My Neck, My Back (Lick It) vu dr Sangera Khia änthalt. Firs Liad färdra ìsch a groossa Promozioonskàmpàània gsìì; domìt ìsch s’ Liad ìnnerhàlb vun a pààr Taaga mehrera hunderttoisiga Mol ìm Internet g’loost worra. Doo druff hàt d’ Grupp a Plàttavertrààg mìt’m Läibel Quality Control vum Hip-Hop-Trio Migos b’schlossa. Àm And 2017 ìsch Fuck Dat Nigga uff dr äärschta Kùmpilàzioon vum Läibel, Quality Control: Control The Streets, Volume 1, veräffentligt worra. Ìm Janner 2018 ìsch s’ Liad àls Sìnggel mìt’ma Müüsikvideo ärschììna.[3]
Ìm Mai 2018 hann d’ City Girls ìhr äärscht Mixtape Period veräffentligt. S’ Wark hàt d’ Müüsikzittschrìft Rolling Stone uff Plàtz 26 vu da bäschta Hip-Hop-Àlba vum Joohr 2018 g’lischtet.[4][5] Kurz noh dr Veräffentligung vum Mixtape ìsch d’ JT waaga Idantiteetsdiabschtààhl inhàftiart worra. Sa ìsch ìm Jüüni 2018 züa 24 Moneeta Hàft verurtailt worra. Ìn dara Zitt hàt d’ Yung Miami àwwer witer d’ Müüsik vu dr Gruppa g’färdert un hàt ìm Àuigscht 2018 a Kurzdokumantàzioon ìwwer d’ City Girls veräffentligt.[6]
Ìm Jüüli 2018 sìnn d’ City Girls uff’m Drake siinera Sìnggel In My Feelings z’ loosa gsìì, obwoohl sa nìt àls offiziäll Feature ààgaa worra sìnn. Ìhr Debüü-Àlbum Girl Code ìsch ìm Nowamber 2018 ärschììna. Druff sìnn d’ baida Sìnggels Twerk un Act Up z’ loosa, wo ìn dr Top-30 vum Billboard Hot 100 g’lunga sìnn.[7]
Ìm Septamber 2019 hàt äbber uffs Auto g’schossa, wu d’ schwàngera Yung Miami drìnn gsìì ìsch. Sa ìsch nìt verlätzt worra, àwwer dr Taater kännt m’r noch hìtt nìt. Ìn dr Wucha z’voor hàt ìhr Ex-Frììnd, dr Rapper Kodak Black, a Diss-Track veräffentligt, wu-n-’r ìhra gedrooht ghàà hàt.[8][9]
Ìm Oktoower 2019 ìsch JT vorzittlig üss dr Hàft äntloo worra. Ìn’ma Interview biim Apple-Music-Radiosander Beats 1 hàt d’ Yung Miami gsajt, àss s’ Duo a näi Schtüdioàlbum fìrs Friahjoohr 2020 plàànt.[10]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.