From Wikipedia, the free encyclopedia
D’ Belcalis Marlenis Almánzar (
[ˈbɛlkəliːz ɑːlˈmænzɑːr](info) uff Àmerikànisch Anglisch, [alˈmansaɾ] uff Schpànisch; * 11. Oktoower 1992 z’ Manhattan, Nöi York), bass’r bekànnt unt’r ìhrem Kìnschtlernamma Cardi B [kɑː(ɹ)di biː](info), ìsch a US-àmerikànischa Rapperin, Liaderschriiwera un Schàuischpììlera. Bekànnt ìsch sa fìr ìhra ààgriffenda Gsàngsrytmus un ìhra uffaharziga Liadtäckschta. Sa ìsch z’äärscht a Internet-Schtar worra dànk ìhra Inhàlta-n-uff da soziààla Nätzwark Vine un Instagram. Vu 2015 bis 2017 ìsch sa uff a reegelmaassiga-n-Àrt àls Gàscht ìn dr TV-Reality-Seria Love & Hip Hop: New York uff’m Kànààl VH1 z’ sah gsìì. Doo hàt sa ìwwer ìhra Luscht grädd hàt, a Müüssikkàrriar ààz’fànga. Doo druff hàt sa ìhra zwai Mixtapes Gangsta Bitch Music, Vol. 1 (2016) un Vol. 2 (2017) veräffentligt.
| Dialäkt: Mìlhüüserdiitsch |
Ìhr äärscht Schtüdio-Àlbum Invasion of Privacy (2018) ìsch ìn dr äärschta Wucha-n-uff Plàtz 1 vum àmerikànischa Chart Billboard 200 gsìì. ’S ìsch vu dr Zittschrìft Billboard àls s’ bediitendschta wiibliga Rap-Àlbum vu da 2010er Joohra ärnännt worra. S’ Àlbum hann d’ Kritiker globt; dànk em Wark ìsch d’ Cardi B d’ äärschta Fràuija worra, wo-n-àls Solokìnschtlera a Grammy Award fìrs Bäschta Rap-Àlbum gwunna hàt. Uff’m Àlbum sìnn zwai Nummer-Ains-Sìnggel gsìì. Mìt Bodak Yellow ìsch d’ Cardi B d’ äärschta wiibliga Rapperin worra, wo ìn da USA-n-a Diàmànt-Schàllplàtta fìr a Sìnggel bikumma hàt; s’ Liad ìsch àui zitter 19 Joohra d’ ainziga Nummer-Ains-Sìnggel vun’ra wiibliga Rapperin ìn da àmerikànischa Charts gsìì. Mìt I Like It ìsch d’ Cardi B d’ äärschta wiibliga Rapperin worra, wo mehrera Liader uff’m Schpìtzaplàtz vu da US-Charts ghàà hàt. Mìt Girls Like You zamma mìt dr Band Maroon 5 ìsch sa d’ äärschta wiibliga Rapperin, wo ìn da USA mehrera Diàmàntschàllplàtta bikumma hàt. Zitterhar hàt sa zwai Sìnggel veräffentligt — WAP (2020) un Up (2021). Baida sìnn bis àm Schpìtzaplàtz vum Hot 100 ànakumma, wia àui àm Schpìtzaplàtz ìn mehrera üüsslandischa Charts.
D’ Cardi B ìsch vu dr Zittschrìft Forbes àls aina vu da iiflussriichschta wiibliga Rapperinna vun àlla Zitta bezaichent worra. Fìr a wiibliga Rapperin hàt sa mehrera Rekorda gebrocha. Sa ìsch unteràndrem d’ Rapperin mìt d’ maischta Nummer-Ains-Sìnggel ìm Billboard Hot 100. Züadam hàt sa zàhlriicha Priisa bikumma, drunter a Grammy Award, àcht Billboard Music Awards, säcks Guinness-Waltrekorda, säcks American Music Awards, viarzeh BET Hip Hop Awards un zwai ASCAP-Priisa vu dr „Liadermàchera vum Joohr“. Ànna 2018 hàt sìe d’ Zittschrìft Time bii da 100 iiflussriichschta Litt ìn dr Walt glischtet.[1] Ìm Joohr 2020 ìsch sa vu dr Billboard-Zittschrìft àls „Fràui vum Joohr“ üüszaichent worra. Naawa-n-ìhrer Müüssikkàrriar ìsch d’ Cardi B ànna 2022 Kreàtiivschäff vu dr Vergniagungszittschrìft Playboy worra. Zitter 2017 ìsch sa mìt’m àmerikànischa Rapper Offset verhiiroota. Mìt em hàt sa zwai Kìnder.
D’ Belcalis Marlenis Almánzar ìsch àm 11. Oktoower 1992 ìm Viartel Washington Heights z’ Manhattan (Näi York) uff d’ Walt kumma.[2][3] Ìhr Vàtter Carlos ìsch Dominikààner un ìhra Müatter Clara schtàmmt üss Trinidad und Tobago un Schpàània. D’ Almánzar hàt sìch salbscht àls „Àfro-Làtiinisch“ bschrììwa.[4][2][5][6] Sa ìsch ìm Viartel Highbridge ìm South Bronx uffgwàcksa.[7][8][9] Ìn ìhrer Kìndhait hàt sa vììla Zitt ìn ìhrer Groossamüatter vàttersitts z’ Washington Heights verbroocht — waagadam hàt sa gsajt, àss sa a „seehr grooss Àkzant“ hàt, wo ìn dam Viartel hüüfig z’ heera-n-ìsch.[10] Ìhr Kìnschtlernàmma „Cardi B“ hàt sa üss dr Màrka Bacardi äntwìckelt; friahjer ìsch „Bacardi“ ìhr Schpìtzanàmma gsìì.[11] Sa hàt a jìngera Schwäschter, d’ Hennesy Carolina, wo ànna 1995 uff d’ Walt kumma-n-ìsch. Sa hàt gsajt, hàt sa mìt 16 Joohra Mìtglììd ìm Gang vu dr United Blood Nation worra-n-ìsch,[12][13] àwwer hàt ìn da Litt ämpfoohla, nia ìn’ma Gang Mìtglììd z’ waara.[14] D’ Almánzar ìsch ìn d’ Renaissance High School for Musical Theater & Tehnology ìm Bronx gànga.[15]
Ìn ìhra Jugendsjoohra hàt d’ Cardi B ìn’ma Laawesmìttelgschaft z’ Tribeca gschàfft.[16] Sa ìsch àwwer äntlooh worra un ìsch d’rnooh Àbblättertanzera ìn’ma Strip-Club àn dr gliicha Schtrooss worra.[17][5] Sa hàt gsajt, àss ìhr Ärlaabniss àls Tanzera-n-a positiiwa-n-Iifluss un ìhr Laawa ghàà hàt: Sa hàt gnüa Gald gsàmmelt, fìr ìhra Schüalüssbìldung bezààhla.[18][19][20] Sa hàt gsajt, àss sa Tanzera worra-n-ìsch, fìr vor Àrmüat un hüüsliga Gwàlt flììha — naamlig hàt ìsch sa ìn’ra gwàltliga Beziihung gsìì, nohdam àss sa s’ Äältrahüüs fàraloo ghàà hàt.[21][22][23] Sa ìsch ìns Community College vu Manhattan gànga,[24] àwwer hàt doo kää Àbschluss bschtànda.[25]
Àb 2013 ìsch d’ Cardi B mìt ìhra Videos uff da Soziààla Nätzwark Vine un Instagram bekànnt worra.[26]
Àb 2015 hàt d’ Cardi B àn dr Reality-Farnsahsandung Love & Hip Hop: New York mìtgmàcht.[27] D’ Websitta Jezebel hàt sììe àls dr näija Schtar vu dr 6. Schtàffel bschrììwa.[28] D’ Zittung The New York Times hàt gschrììwa, àss sa gmäkt worra-n-ìsch fìr ìhra „wìtziga B’märkunga, wo sa ìmmer plätzlig gschpäjt hàt“.[29] Ìn dr 6. un 7. Schtàffel wìrd ìn dr Cardi B ìhra schtaiganda Popülàriteet ärzeehlt, wia àui ìhra unriahwiga Beziihung züa ìhrem Verloobta, wo ìn’ma Zuchhüss iigschpärrt gsìì ìsch. Noh zwai Schtàffel hàt d’ Cardi B bekànnt gaa, àss sa d’ Sandung wurd fààraloo, fìr a Müüsikkàrriar ààfànga.[30]
Ìm Nowamber 2015 hàt d’ Cardi B ìhr Müüsikdebüü ìm Remix vum Liad Boom Boom vum jamaikàànischa Reggae-Kìnschtler Shaggy ghàà — ìm Liad ìsch àui dr jàmàikàànischa Dancehall-Sanger Popcaan z’ loosa.[31] Ìhr äärscht Müüsikvideo ìsch àm 15. Dezamber 2015 ärschììna: ’s ìsch s’ Video zem Liad Cheap Ass Weave, ìhrem Remix vum Liad Queen’s Speech 4 vu dr britischa Rappera Lady Leshurr.[32][33] Àm 7. März 2016 hàt d’ Cardi B mìt dr Mixtape Gangsta Bitch Music, Vol. 1 ìhr äärscht grooss Projakt uff dr Màrkt gebrocht.[34][35] Ìm Nowamber 2016 ìsch sa uff dr digitààla Tìtelsitta vu dr Zittschrìft Vibe z’ sah gsìì.[36][21] Àm 12. Septamber 2016 hàt d’ KSR Group d’ Kùmpilàzioon Underestimated: The Album veräffentligt, wu d’ Cardi B naawa àndra Kìnschtler wia dr HoodCelebrityy, dr SwiftOnDemand, dr Cashflow Harlem un dr Josh X z’ loosa-n-ìsch. Àm Ààfàng hann numma d’ Züaschàuijer vu dr àmerikàànischa Tournee s’ Àlbum känna kàuifa. Ìwwer dr Sìnggel What a Girl Likes üss’m Àlbum hàt d’ Cardi B gsajt: „Ìch hàà-n-a Liad wälla màcha, wo d’ Maidla zem Tanza un Twerka wurd brìnga, un gliichzittlig sììe ärmüatiga, dàs drackiga Gald bikumma“.[37]
Àm 9. Dezamber 2015 ìsch d’ Cardi B ìn dr Farnsahsandung Uncommon Sense with Charlamagne iiglààda worra.[38] Àm 6. Àwrìl 2016 ìsch sa ìn dr 12. Folga vun dr Khloe Kardashian ìhrer Sandung Kocktails with Khloé ufftratta. Doo hàt sa ärzeehlt, wia erfààhrt hàt, àss sa àls Àbblättertanzera gschàfft hàt.[39][40] Ìm Nowamber 2016 ìsch bekànnt worra, àss d’ Cardi B ìn dr BET-Seria Being Mary Jane wurd schpììla. D’ TVLina hàt ìhra Rolla vu dr Mercedes àls a „Scheenhait üss dr Nochberschàft mìt’ra groossa Frisuur, groossa Drìttla un ema groossa Àrsch, wo ìhrer groosszììgiga Pärseenlikait äntschpraacha.“[41][42][43] Ànna 2016 hàt d’ Cardi B ìhra äärschta Pàrtnerschàft mìt dr Näi Yorker Unterwäsch- un Säxschpììlzigglamàrka Romantic Depot ghàà. Fìr d’ Màrka ìsch sa ìn’ra Warbakàmpàània ìm Radio un àm Farnsah ärschììna.[44][45]
Àm 20. Janner 2017 hàt d’ Cardi B ìhra zwaita Mixtape Gangsta Bitch Music, Vol. 2 loo veräffentliga.[46][47] Ìm Hornung 2017 hàt sa zamma mìt da Màrka MAC Cosmetics un Gypsy Sport a Pàrtnerschàft unterzaichent, fìr àn dr New York Fashion Week mìtmàcha.[48] Àm And Hornung hàt sa ìhr äärschter Vertrààg biim Müüsikläibel Atlantic Records unterschrììwa.[49][50] Àm 25. Hornung 2017 hàt sa zamma mìt da Näi Yorker Rapperinna Lil’ Kim un Remy Ma vor jeedem Konzärt vu dr Hip-Hop-Grupp The Lox uff dr Tournee Filthy America... It's Beautiful Tour ufftratta.[51][52] Ìm Àwrìl 2017 ìsch sa ìm Video „A-Z of Music“ vu dr Zittschrìft i-D ufftratta — s’ Video hàt dr Marc Jacobs sponsoriart.[53] Üsserdam ìsch sa àm 13. März un àm 3. Àwrìl 2017 zwaimol ìn dr Farnsahsandung Hip Hop Squares iiglààda worra.[54][55] Üsserdam hàt sa d’ Freestyle Red Barz veräffentligt.[56] Ìm März 2017 ìsch d’ Cardi B bii da BET Awards àls „Bäschter Näijer Kìnschtler“ un „Bäschta Wiibliga Hip-Hop-Kìnschtlera“ nominiart worra.[57][58] Obwoohl dr Chance the Rapper un d’ Remy Ma ìn dana Kàtegoriia üsszaichent worra sìnn, ìsch d’ Cardi B ìm Afterparty-Show vu dr Priisverlaihung uff dr Bììhna ufftratta fìr mehrera Liader sìnga.[59][60] Àm 11. Jüüni 2017 ìsch sa uff uff’m Faschtschpììl Summer Jam ìm Show vu dr Remy Ma naawa dr The Lady of Rage, em MC Lyte, em Young M.A, dr Monie Love, dr Lil’ Kim un dr Queen Latifah uff d’ Bììhna ufftratta, fìr àlla wiibliga Rapperinna eehra. Zamma hann d’ Kìnschtlerinna d’ Sìnggel U.N.I.T.Y. gsunga, fìr Fràuija-n-ärmaachtigung loowa.[61][62] Ìm Jüüni 2017 ìsch bekànnt worra, àss d’ Cardi B uff’m Tìtelblàtt vu dr Summer-Müüsiküssgààb vun The Fader (Jüüli-Àuigscht 2017) wurd ärschiina.[63] Àm 19. Àuigscht ìsch d’ Cardi B àm MoMA PS1 ìm Queens vor 4.000 Litt ufftratta.[64]
Àm 16. Jüüni 2017 hàt Atlantic Records ìn dr Cardi B ìhra äärschta Sìnggel Bodak Yellow uff da Online-Plàttforma veräffentligt.[65][66] D’ Sìnggel hàt d’ Cardi B ìn da Farnsahsandunga The Wendy Williams Show un Jimmy Kimmel Live! gsunga.[67][68] S’ Liad ìsch mehrera Mooneta làng ìn d’ Charts gschtììga, un àm 25. Septamber 2017 ìsch’s uff’m Plàtz 1 ànakumma. Domìt ìsch d’ Cardi B d’ äärschta wiibliga Rapperin worra, wo zitter dr Lauryn Hill mìt Doo Wop (That Thing) ànna 1998 a Solo-Sìnggel àm Schpìtzaplàtz plàtizart hàt.[69] S’ Liad ìsch dräi Wucha làng àm Schpìtzaplàtz blììwa — zamma mìt dr Taylor Swift ìhrer Sìnggel Look What You Made Me Do ìsch’s s’ längschta Nummer-Ains-Hit ìm Joohr 2017 gsìì.[70][71] D’ Cardi B ìsch domìt d’ äärschta Kìnschtlera mìt dominikàànischa Vorfààhra, wo dr Ärschtällung vum Hot 100 ànna 1958 a Nummer-Ains-Hit ìm Chart plàtziart hàt.[72] S’ Liad ìsch vun The Washington Post un Pitchfork àls Bäscht Liad vu 2017 üsszaichent worra;[73][74] a Kritik vu dr New York Times hàt s’ Wark àls „Rap-Hümna vum Summer“ bschrììwa.[64] Bordak Yellow ìsch schliasslig ìn Àmerikà vu dr RIAA mìt’ma Plàtiin-Schàllplàtta üsszaichent worra. Üsserdam ìsch s’ Liad bii da 60. Grammy Awards ìn da Kàtegoriia „Best Rap Performance“ un „Bäscht Rap-Liad“ nominiart worra.[75] Àn dr BET Hip Hop Awards 2017 ìsch’s àls „Sìnggel vum Joohr“ üsszaichent worra.[76] Mìt ìhra Kollàboràzioona No Limit (zamma mìt’m G-Eazy) un MotorSport (zamma mìt da Migos un dr Nicki Minaj) hàt d’ Cardi B àls äärschta wiibliga Rapperin ìhra dräi äärschta Liader ìn dr Top-10 vum Hot 100 plàtziart.[77] Dàs hàt sa àui ìm Chart Hot R&B/Hip-Hop Songs gmàcht.[78] Ìm Oktoower 2017 hàt sa z’ Brooklyn a Konzärt uff’m Faschtschpììl Powerhouse gaa, naawa-n-em The Weeknd, da Migos, em Lil Uzi Vert.[79] Ìm Dezamber ìsch s’ Liad La Modelo vum puertorikàànischa Sanger Ozuna üssagànga, wu d’ Cardi B àls Gàschtkìnschtlera z’ loosa-n-ìsch.[80] Ìm saalwa Moonet hàt sa àui s’ Liad Bartier Cardi uff dr Màrkt gebroocht, àls Sìnggel vun ìhrem äärschta Àlbum.[81] Àm 3. Janner 2018 ìsch d’ Cardi B ìm Remix vum Bruno Mars siim Liad Finesse z’ loosa gsìì;[82] sa ìsch àui ìm Video zem Remix z’ sah, wo ìm Schtiil vu da 1990er Joohra dräijt worra-n-ìsch. S’ Liad ìsch uff Plàtz 3 ìn Àmerikà, Kànàdà un Näiseelànd ànakumma. Àm 18. Janner 2018 hàt d’ Cardi B àls äärschta wiibliga Rapperin gliichzittlig fìmf Sìnggels ìm Top-10 vum Chart Hot R&B/Hip-Hop Songs ghàà.[83] Witterscht hàt sa àm 30. März 2018 d’ Sìnggel Be Careful veräffentligt, ainer Wucha vor dr Ärschiinung vum Àlbum.[84]
.jpg)
Ìhr äärscht Schtüdioàlbum Invasion of Privacy ìsch àm 6. Àwrìl 2018 üssagànga.[85][86] ’S hàt sehr positiiwa Kritik bikumma: Schurnàlìschta vu Variety un The New York Times hann’s bschrììwa àls „ain vu da kräftigschta Debüü vum Joohrtoisig“ un àls „a Hip-Hop-Àlbum, wo wia kää zittgeneessiga üsssììht“.[87][88] Schuu ìn dr äärschta Wucha-n-ìsch s’ Àlbum uff Plàtz 1 vu da àmerikàànischa Charts gsìì. Àm 21. Àwrìl hàt d’ Cardi B àls äärschta Fràui gliichzittlig 13 Tìtel ìm Hot 100 ghàà.[89] Uff dr Plàttform Apple Music ìsch Invasion of Privacy s’ Àlbum vun’ra Fràui worra, womm’r ìn dr äärschta Wucha-n-àm maischta g’loost hàt;[90] ’s ìsch àui d’ greeschta Streaming-Wucha fìr a Àlbum vun’ra Fràui gsìì[91] — ànna 2019 hàt sììe d’ Ariana Grande mìt ìhrem Àlbum Thank U, Next gschlààga.[92] Dr Àlbumtìtel bediitet wärtlig „Iigrìff ìn d’ Prìwààtsfäära“: D’ Cardi B hàt gmaint, àss vììla Litt ìn ìhrem Prìwààtlaawa-n-iigrìffa säjga, wu sa bekànnt worra-n-ìsch.[16] Noh dr Veräffentligung vum Àlbum hàt d’ Cardi B ìn dr Sandung Saturday Night Live bekànnt gaa, àss sa schwànger gsìì ìsch — doo drìwwer hann d’ Meedia vììl schpeküliart ghàà.[93] Üsserdam hàt d’ Cardi B amol àn dr Moderàzioon vu dr Farnsahsandung The Tonight Show Starring Jimmy Fallon mìtgmàcht.[94]
Mehrera Mooneta schpeeter, ìm Jüüli 2018, ìsch s’ viarta Sìnggel üss’m Àlbum, I Like It (zamma mìt’m Bad Bunny un em J Balvin) uff’m Plàtz 1 vum Billboard Hot 100 ànakumma; ’s ìsch àlso ìn dr Cardi B ìhra zwaita Nummer-Ains-Plàtziarung ìn dam Chart gsìì. Domìt hàt d’ Cardi B àls äärschta wiibliga Rapperin mehrera Nummer-Ains-Plàtziarunga ìn mehrera Wark ghàà.[95] D’ Sìnggel hàt eewafàlls sehr güata Kritik bikumma,[96] un d’ Rolling Stone hàt sììe ànna 2020 zem „bäscht Summerliad vun àlla Zitta“ ärnännt.[97] Ìhra Kollàboràzioon mìt Maroon 5 Girls Like You ìsch eewafàlls Nummer-Ains-Hit ìn Àmrtikà worra — domìt hàt d’ Cardi B ìhr aiganer Rekord gschlààga[98] un ìsch d’ säkschta wiibliga Kìnschtlera worra, wo ìn da 2010er Joohra dräi Nummer-Ains-Hits ìm Chart ghàà hàt.[99] S’ Liadvideo ìsch uff YouTube mehr àss 3 Millioona Mol glüagt worra. S’ Liad ìsch d’ fìmfta Sìnggel gsìì, wo ìm Joohr 2018 uff dr Walt àm maischta verkàuift worra-n-ìsch.[100] Mìt Girls Like You àls Nummer-Ains-Hit hàt d’ Cardi B àls äärschta wiibliga Rapperin zwai Nummer-Ains-Plàziarunga ghàà, wo uffanànder folga.[101] D’ Sìnggel ìsch sììwa Wucha làng àm Schpìtzaplàtz blììwa; domìt hàt d’ Cardi B àls wiibliga Rapperin d’ maischta Nummer-Ains-Wucha ìn dam Chart ghàà, mìt ìnsgsàmt 11 Wucha.[102][103] D’ Sìnggel ìsch 33 Wucha làng ìm Top-10 blììwa — naawa-n-em Ed Sheeran siim Liad Shape of You un em Post Malone un em Swae Lee ìhr Liad Sunflower ìsch’s bis zu doo d’ längschta Top-10-Plàtziarung ìn dr Gschìcht vum Chart gsìì.[104][105] Ìm Oktoower 2018 ìsch Invasion of Privacy ìn Àmerikà mìt’ra zwaifàcha Plàtiin-Schàllplàtta üsszaichent worra; ìm Joohr druff ìsch’s dräifàch Plàtiin worra. Üsserdam hann àlla Liader üss’m Àlbum mìndeschtens a guldiga Üsszaichnung ìn da USA ghàà; dàs ìsch ìn dr Cardi àls äärschta Fràui glunga.[106]
Bii da MTV Video Music Awards 2018 hàt d’ Cardi B d’ maischta Nominiarunga bikumma (12, drunter ìn dr Kàtegorii „Video vum Joohr“), àwwer hàt numma dräi Priisa gwunna.[107] Bii da American Music Awards 2018 hàt sa zamma mìt’m Drake d’ maischta Nominiarunga ghàà. Sa hàt ìn dr Zeremonii uff dr Bììhna gsunga un ìsch dräimool üsszaichent worra.[108][109] Mìt ìhrer Sìnggel Money hàt sa ìhr viart Video Music Award gwunna — ìm Video ìsch d’ Cardi B ìn mehrera Orta z’ sah, wia ìn’ma Kunschtmüsee, ìn’ma Bànk un ìn’ma Strip-Club.[106] Naawadràà ìsch ìhr Liad Taki Taki zamma mìt’m DJ Snake ìn mehrera schpàànischschproochiga Lander Nummer-Ains-Hit worra. Mìt dam Liad ìsch d’ Cardi B àls äärschta wiibliga Rapperin uff’m Plàtz 1 vum Chart Spotify Global 50 ànakumma[110] un hàt ìnsgsàmt mehr àss 2 Milliàrda Züaschàuijer ìm Internet ghàà. Baida Sìnggel hàt d’ RIAA mìt mehrfàcha Plàtiin-Schàllplàtta üsszaichent.[111] D’ Zittschrìft People en Español hàt d’ Cardi B zem „Schtar vum Joohr“ ärnännt,[112] un Entertainment Weekly hàt sììe àls a „Popkültüür-Fenomeen“ bschrììwa un sììe bii da „Unterhàlter vum Joohr 2018“ glischtet.[113]
Àm 30. Nowamber 2018 ìsch d’ Cardi B uff’m joohrliga Power 100-Gala zamma mìt àndra àfroàmerikàànischa Kìnschtler g’eehrt worra.[114] Ìn dr joohrliga Billboard Top-Kìnschtler-Chart 2018 ìsch d’ Cardi B uff Plàtz 5 gsìì. Uff Apple Music ìsch Invasion of Privacy s’ maischtgloosta Àlbum gsìì;[115] Üsserdam ìsch d’ Cardi B d’ masichtgloosta wiibliga Kìnschtlera vum Joohr ìn da USA uff Spotify gsìì.[116] D’ Kritika vun Apple Music un Billboard hann d’ Sìnggel I Like It àls „Bäscht Liad vu 2018“ ärnännt.[117][118] D’ Zittschrìfta Time un Rolling Stone hann Invasion of Privacy àls bäscht Àlbum vum Joohr üsszaichent.[119][120] Àui ànna 2018 ìsch d’ Cardi B vu dr Zittschrìft Time bii da 100 iiflussriichschta Litt uff dr Walt glischtet worra.[121] Àm And vum Joohrzehhnt hàt NME behàuipta, àss d’ Cardi B ìn a pààr Joohra d’ „Kroon vu dr näija Rap-Keenigin“ verdiant hàt.[122]
Bii da 61. Grammy Awards hàt d’ Cardi B fìmf Nominiarunga bikumma, drunter ìn da Kàtegoriia „Àlbum vum Joohr“, „Bäscht Rap-Àlbum“ so wia „Uffnamma vum Joohr“ fìrs Liad I Like It.[123] Sa ìsch noh dr Lauryn Hill un dr Missy Elliott d’ drìtta Fràui worra, wo fìrs Àlbum vum Joohr nominiart worra-n-ìsch.[124] Àm 10. Hornung 2019 hàt sa àn dr Zeremonii gsunga. Ìm Làuif vu dr Zeremonii hàt sa dräi Ààzììg vum Thierry Mugler trajt un hàt àls äärschta wiibliga Solo-Rapperin dr Priis vum Bäscht Rap-Àlbum gwunna.[125] Bii da Billboard Music Awards 2019 hàt d’ Cardi B d’ maischta Nominiarunga ghàà (21) — numma dr Drake un The Chainsmokers hann amol 22 Nominiarunga ghàà.[126] Sa hàt ìnsgsàmt säcks Priisa gwunna, drunter ìn da Kàtegoriia „Top Hot 100 Song“. Domìt ìsch sa d’ wiibliga Rapperin, wo àm maischta bii da Billboard Music Awards üsszaichent worra-n-ìsch.[127] Ìm Jüüli 2019 hàt sììe a Schurnàlìscht vu dr Omaha World-Herald àls „d’ greeschta Rapperin uff dr Walt“ gnännt worra.[128]
Àm 15. Hornung 2019 hàt d’ Cardi B ìhr Liad Please Me ìn Zammaschàffa mìt’m Bruno Mars loo veräffentliga. S’ Liad ìsch bis uff Plàtz 3 ìm Billboard Hot 100 glunga — dàs ìsch ìn dr Cardi B ìhra sììbta Top-10-Plàtziarung ìm Hot 100 gsìì.[129] ’S ìsch àui ìn dr Cardi B ìhra zwaita Kollàboràzioon mìt’m Mars, noh-n-em Liad Finesse ìm Joohr 2018. Zwai Wucha schpeeter ìsch s’ Müüsikvideo ärschììna.[130] Àm 1. März ìsch d’ Cardi B uff’m Livestock Show and Rodeo z’ Houston vor 75.580 Fans ufftratta — dàs ìsch a Rekord gsìì uff dam Faschtschpììl.[131] Mìt ìhra Liader Backin’ It Up, Twerk (zamma mìt da City Girls) un Money ìsch d’ Cardi B àls äärschta Fràui ìn dr Top-3 vum Chart Billboard Mainstream R&B/Hip-Hop glunga.[132] Ìhra Sìnggel Press ìsch àm 31. Mai 2019 üssagànga.[133] S’ Müüsikvideo, wo sa salbscht reschiart hàt, ìsch àm 26. Jüüni 2019 ärschììna. S’ Liad hàt dr Cardi B zem äärschta Mol uff da BET Awards 2019 gsunga — bii dara Verlaihung hàt sa dr Priis vum Àlbum vum Joohr gwunna.[134] Ìm Summer 2019 hàt sa a Tournee ààgfànga.[135] Ìm Septamber hàt sa d’ maischta Nominiarunga bii da BET Hip Hop Awards ghàà (10).[136]
Naawadràà hàt d’ Cardi B ìm Film Hustlers vu dr Lorene Scafaria ìhra Kiinodebüü ghàà; doo hàt sa zamma mìt dr Jennifer Lopez, dr Constance Wu un dr Lili Reinhart gschpììlt.[137] Dr Film ìsch àm 13. Septamber 2019 üssagànga.[138] Üsserdam ìsch sa àb’m 9. Oktoower 2019 zamma mìt’m Chance the Rapper un em T.I. Mìtglììd ìm Jury vu dr Netflix-Seria Rhythm + Flow gsìì, fìr näija Raptàlanta äntdäcka — d’ Seria hàt sa salbscht produziart.[139][140] Ìm Dezamber 2019 hàt d’ Cardi B ìhra äärschta Tournee ìn Àfrìkà gmàcht, mìt Konzärta ìn Nigeria un Ghana.[141] Ìhra Kollàboràzioon zamma mìt’m Offset uff’m Liad Clout ìsch fìr a Grammy Award nominiart worra.[142] Ànna 2019 hàt d’ Streaming-Plàttform Spotify bekànnt gaa, àss d’ Cardi B d’ maischtgloosta wiibliga Rapperin ìn Àmerikà gsìì ìsch.[143] D’ Zittschrìft Consequence of Sound hàt sìe àls „aina vu da iidrucksvollschta Hip-Hop-Kìnschtler vum Joohrzeehnt“ bschrììwa.[144] Ìm März 2020 hàt d’ Cardi B a Dischkussioonsvideo zem COVID-19-Pàndemii dräjt. Dr DJ iMarkkeyz üss Brooklyn üss dam Video a Liad gmàcht, wo-n-a groosser Ärfolg ìm Internet ghàà hàt.[145] Ànna 2021 ìsch d’ Seria Rhythm + Flow uff Netflix z’ruckkumma.[146]
Àm 7. Àuigscht 2020 hàt d’ Cardi B d’ Sìnggel WAP zamma mìt dr àmerikàànischa Rapperin Megan Thee Stallion veräffentligt. ’S ìsch d’ Hàuiptsìnggel vun ìhrem kìnftiga Schtüdioàlbum.[147] S’ Liad hann d’ maischta Kritiker globt, wial’s a positiiwa Ààschàuijung vu dr Säxüàliteet tailt.[148] S’ Müüsikvideo, wo dr Colin Tilley reschiart hàt, hàt dr Züaschàuijerrekord vu jeedem wiibliga Zammaschàffa uff YouTube gebrocha.[149] Mìt dam Liad hàt d’ Cardi B àls ainziga wiibliga Rapperin mehrmols d’ Spotify-Chart mehrmols getoppt.[150] Schuu ìn dr äärschta Wucha-n-ìsch WAP uff Plàtz 1 vum Billboard Hot 100 gsìì — dàs ìsch ìn dr Cardi B ìhra äärschta Nummer-Ains-Hit ìn Àmerikà gsìì.[151][150] S’ Liad ìsch ìm Internet mehr àss 93 Millioona Mol verkàuift worra un hàt dr Rekord vum maischtgloosta Liad ìn dr äärschta Wucha ìm Internet gschlààga — vorhaar hàt d’ Ariana Grande daa Rekord mìt ìhrem Liad 7 Rings ghàà.[152] ’S ìsch viar Wucha làng àm Schpìtzaplàtz vum Hot 100 blììwa. D’ Sìnggel ìsch eewafàlls mehrera Wucha làng Nummer-Ains-Hit ìn wittera Lander gsìì, wia zem Biischpììl ìn Àuischtrààlia un Groossbritànnia. D’ Neil Shah vu dr The Wall Street Journal hàt s’ Liad àls a „groosser Ärfolg fìr wiibliga Rapperinna“ bschrììwa un àls dr „histoorischa Bewiis d’rìfr, àss wiibliga Kìnschtlerinna wia nia z’vor Hip-Hop düan prääga.“[153] WAP ìsch Nummer-Ains-Hit vum Chart Billboard Global 200 ìn dr äärschta Wucha noh dr Grìndung vu dam Chart worra.[154] Noh era Ranking-Sàmmlung vu dr BBC ìsch WAP s’ bäschta Liad vum Joohr nooh da Kritiker gsìì.[155] D’ Zittschrìfta Pitchfork[156] un Rolling Stone[157] hann’s àls Nummer-Ains-Liad vum Joohr glischtet. Bii da Billboard Music Awards 2020 ìsch d’ Cardi B àls „Bäscht Wiiblig Rap-Kìnschtlera“ üsszaichent worra.[158] Ìm Dezamber 2020 ìsch sa àls äärschta Rapperin bii dr Verlaihung Billboard Women in Music àls „Fràui vum Joohr“ üsszaichent worra.[159] Mìt WAP hàt sa zem zwaita Mol dr American Music Awards vum Liablìngs Rap/Hip-Hop-Liad gwunna — dàs hàt bis zu doo kää Kìnschtler gmàcht ghàà.[160]
.jpg)
Àm 5. Hornung 2021 hàt d’ Cardi B s’ Liad Up àls zwaita Sìnggel vun ìhrem kìnftiga-n-Àlbum loo veräffentliga. Mìt dr Sìnggel ìsch a Müüsikvideo zem Liad ärschììna. S’ Liadtäckscht hàt d’ Zittschrìft NME gloobt: ’S säjg a güata Noohfolg zem Liad WAP gsìì.[161] Ìn dr äärschta Wucha-n-ìsch Up uff Plàtz 2 vum Billboard Hot 100 gsìì — dàs ìsch d’ heechschta Plàtziarung fìr a wiibliga Solo-Rapsong gsìì zitter Doo Wop (That Thing) vu dr Lauryn Hill ànna 1998.[162] Ìm Chart Rolling Stone Top 100 ìsch’s schuu ìn dr äärschta Wucha uff Plàtz 1 gsìì — domìt hàt d’ Cardi B ìn dam Chart àls äärschta wiibliga Rapperin a Nummer-Ains-Plàtziarung fìr a Solo-Song ìn dr äärschta Wucha ghàà.[163] Noh-n-em Ufftratta bii da 63. Grammy Awards ìsch Up uff dr Schpìtzaplàtz vum Billboard Hot 100 glunga — zem äärschta Mol hàt a wiibliga Rapperin mehrera Nummer-Ains-Hits mìt Sololiader ghàà.[164] Züadam ìsch d’ Cardi B bii da Brit Award ìn dr Kàtegorii „Ìnternàzionààla Wiibliga Solokìnschtlera“ nominiart worra.[165]
D’ Cardi B ìsch àui uff a unärwàrtana Àrt ìm Liad Big Paper vum DJ Khaled z’ loosa gsìì, wo àm 30. Àwrìl 2021 ärschììna ìsch.[166] Bii da BET Awards hàt d’ Cardi B fìr ìhra Liader Up un WAP zwai Nominiarunga ìn dr Kàtegorii „Video vum Joohr“ bikumma. D’rbii ìsch s’ Liad WAP üsszaichent worra; domìt ìsch d’ Cardi B d’ äärschta wiibliga Rapperin, wo àls Hàuptkìnschtlera dia Üsszaichnung bikumma hàt.[167] Wu sa uff dr BET Awards 2021-Priisverlaihung ìhr Liad Type Shit uff dr Bììhna gsunga hàt, hàt d’ Cardi B ìhra zwaita Schwàngerschàft verkìndigt.[168] D’rzüa ìsch sa ìm Film F9 ufftratta, wo àm 25. Jüüni 2021 vu Universal Pictures veräffentligt worra ìsch.[169] Àm 16. Jüüli 2021 ìsch d’ Cardi B ìn dr Normani ìhrem Liad Wild Side z’ loosa gsìì.[170] Üsserdam hàt sa zamma mìt dr Lizzo s’ Liad Rumors uffgnumma, wo ìn dr äärschta Wucha uff Plàtz 4 vum billboard Hot 100 gsìì ìsch. Dàs Liad ìsch àui ìhr sììbta Nummer-Ains-Plàtziarung ìm Top-10 vum Chart Hot R&B/Hip-Hop Songs gsìì.[171] Bii da MTV Video Music Awards 2021 hàt d’ Cardi B säcks Nominiarunga bikumma, drunter zem zwaita Mol fìrs video vum Joohr.[172] Sa hàt àui zamma mìt dr Megan Thee Stallion d’ maischta Nominiarunga bii da BET Hip Hop Awards 2021 bikumma (9).[173] Baida Kìnschtlerinna hann doo d’ maischta Priisa bikumma, dänn s’ Liad WAP ìsch d’rbii dräimol üsszaichent worra. Domìt hàt d’ Cardi B àls äärschta Fràui zem zwaita Mol dr Priis vum Bäscht Hip-Hop-Video gwunna (ànna 2019 un 2021).[174]
Àm 28. Oktoower 2021 hàt d’ Cardi B uff Instagram a Vorschàui vun ìhrem zwaita-n-Àlbum veräffentligt.[175] Àm 2. Nowamber ìsch verkìndigt worra, àss sa d’ American Music Awards 2021 àm Microsoft Theater z’ Los Angeles wurd moderiara.[176] ’S ìsch d’ Live-Sandung ìm Joohr 2021 gsìì, wu d’ Züaschàuijer àm maischta uff da Soziààla Nätzwark reàgiart hann.[177] Bii dara Verlaihung ìsch s’ Liad Up ìn dr Kàtegorii „Liablìngs-Hip-Hop-Song“ üsszaichent worra. Domìt hàt d’ Cardi B àls äärschta Kìnschtlera dia Üsszaichnung zem drìtta Mol gwunna.[178] Witterscht ìsch sa ànna 2021 ìm Liad Bitter uff’m Summer Walker siim Àlbum Still Over It z’ loosa gsìì.[179] Àm 19. Nowamber hàt d’ Warner Records d’ Müüsik vun dr Halle Berry ìhrem äärschta Film Bruised veräffentligt, wu d’ Cardi B naawa àndra wiibliga Kìnschtlerinna — wia H.E.R., City Girls, Flo Milli, d’ Saweetie un d’ Latto — z’ loosa-n-ìsch.[180]
Ìm März 2022 ìsch d’ Cardi B uff dr Extended Version vum Liad No Love z’ loosa gsìì, wo zamma mìt’m Summer Walker un dr SZA uffgnumma worra ìsch.[181] Ìm Moonet druff hàt sa àm Kay Flock siim Liad Shake It mìtgmàcht, wo uff’m Tàkt vum Akon siim Liad Belly Dancer (Bananza) uffgnumma worra ìsch.[182] Àui ìm Àwrìl hàt d’ Cardi B àls Gàscht ìn dr Nickelodeon-Seria Baby Shark's Big Show! d’ Schtìmma vun ìhrem „Alter-Ego ìm Wàsser“ Sharki B gschpììlt — ìn dr Folga hàt sa àui a nàmmensgliicha Liad gsunga.[183] Àui ìhr Ehamànn Offset un ìhra Tochter hann ìn dr Folga gschpììlt.[184] Àm 1. Jüüli 2022 hàt d’ Cardi B s’ Liad Hot Shit veräffentligt, wo sa zamma mìt da Rapper Kanye West un Lil Durk uffgnumma hàt. ’S ìsch d’ drìtta Sìnggel vun ìhrem zwaita Schtüdiuàlbum.[185] S’ Liad hàt sa z’äärscht wahrend’ra Warwapàuisa bii da BET Awards 2022 verkìndigt ghàà.[186] Àm 8. un 9. Jüüli ìsch d’ Cardi B uff’m Wireless Fesitval z’ London un Birmingham ufftratta.[187] Witterscht hàt sa zamma mìt ìhrer Küsiinä GloRilla gschàfft, fìrs Remix vun ìhrem Liad Tomorrow uffnamma, wo ìm Septamber 2022 ärschììna ìsch.[188][189] Dr Remix ìsch ìm Billboard Hot 100 bis zem Plàtz 9 ànakumma un ìsch domìt ìn dr Cardi B ìhra älfta Top-10-Sìnggel ìn dam Chart.[190] D’ HipHopDX hàt s’ Wark àls „Bäschta Hip-Hop-Kollàboràzioon“ vu 2022 glischtet; àui noh-n-em Billboard ìsch’s s’ bäschta Liad vun’ra Fràuij ìm Joohr 2022 gsìì.[191][192] Àm 1. Oktoower ìsch d’ Cardi B uff a unärwàrtana Àrt uff’m Konzärt vum puertorikàànischa Rapper Bad Bunny z’ Inglewood (Kàlifornia) ufftratta.[193] Ìm Moonet druff hàt sa a Vertrààg biim Irving Azoff siinera Firma Full Stop Management unterschrììwa.[194] Ìm Dezamber 2022 hàt sa 35 Mìnüüta làng àm Miami Art Basel gsunga — fìr dàs hàt sa 1 millioon Dollar bikumma.[195][196] Schpeeter ìm Dezamber hàt sa àm Remix vum Liad Despechá vu dr schpàànischa Sangera Rosalía mìtgmàcht.[197]
Witterscht ìsch d’ Cardi B àm Ààfàngsjoohr 2023 uff a unärwàrtana-n-Àrt uff da Konzärta vu dr SZA un dr GloRilla z’ Näi York ufftratta.[198][199] Ìm Àwrìl ìsch sa àls aina vu da Hàuiptkìnschtler uff’m äärschta Rolling Loud Thailand z’ Pattaya ärschììna — d’ àndra Hàuiptkìnschtler sìnn dr Travis Scott un dr Chris Brown gsìì.[200] Ìm Moonet druff ìsch sa ìm Remix Put It on da Floor Again vun dr Latto z’ loosa gsìì.[201] S’ Liad ìsch bis àm Plàtz 13 ìm Hot 100 glunga un ìsch domìt ìhra zwànzigschta Top-20-Plàtziarung ìn dam Chart gsìì.[202] Àm 4. Jüüni ìsch d’ Cardi B àls Hàuiptkìnschtler uff’m Faschtschpììl Summer Jam 2023 z’ Elmont ìm Bundesschtààt Näi York ufftratta.[203] Ìm Jüüli hàt sa àm FendiDa Rappa siim Remix Point Me 2 mìtgmàcht.[204] Schpeeter ìm saalwa Moonet ìsch sa ìn zwai Liader vum Offset — Freaky un Jealousy — z’ loosa gsìì, wo uff’m Àlbum Set It Off ärschììna sìnn.[205] S’ Liad Jealousy ìsch àls Hàuiptsìnggel vum Àlbum üssagànga un hàt dr Tàkt vum Liad Jealous Ass Bitches vu dr Three 6 Mafia bnutzt.[206] Àm 8. Septamber 2023 hàt d’ Cardi B zamma mìt dr Megan Thee Stallion s’ Liad Bongos veräffentligt, àls viarta Sìnggel vun ìhrer kìnftiga Schtüdioàlbum — ’s ìsch noh WAP ìhra zwaita Kollàboràzioon gsìì.[207] S’ Müüsikvideo ìsch vum Tanu Muino reschiart worra[208] un hàt biim Dräih äbba 2 Millioona Dollar koschta.[209] S’ Liad ìsch uff Plàtz 14 vum Hot 100 ànakumma.[210] Ìm saalwa Moonet hàt d’ Cardi b b’schtaadigt, àss ìhr zwai Àlbum ànna 2024 wurd ärschiina — ’s hàt normààlerwiis ànna 2023 solla üssageh.[211][212][213] Sa hàt gsajt, àss sa Verschpeetung ghàà hàt, wial sa „mìt a pààr Dìnga vermìsst“.[214] Witterscht hàt sa nochamol d’ Schtìmma vu dr Sharki B ìm Kìnderfilm Baby Shark's Big Movie! gschpììlt, zamma mìt’m Offset un ìhra zwai Kìnder. Dr Film ìsch ìm Dezamber uff Paramount+ un Nickelodeon üssgschtrààhlt worra.[215] Àm 10. Dezamber ìsch sa bii da Hàuiptkìnschtlera vum Faschtschpììl In the Mix z’ Mesa (Arizonaf) gsìì, wo vu dr Soziààla Nätzwark TikTok orgànisiart worra ìsch.[216] Ìhr Ufftrìtt ìsch àm 15. Dezamber àls Sùndersandung uff Disney+ un Hulu veräffentligt worra.[217] Üsserdam hàt d’ Cardi àm Silvaschter 2023 zamma mìt’m DJ Gryffin àm Fontainebleau Miami Beach gschpììlt. Dr Ufftrìtt ìsch ìn dr Sandung Dick Clark’s New Year’s Rockin’ Eve üssgschtrààhlt worra.[218][219]
Àm 1. März 2024 hàt d’ Cardi B d’ Warwasìnggel Like What (Freestyle) loo veräffentliga. Mìt’m Liad ìsch a Müüsikvideo ärschììna, wo dr Offset reschiart hàt.[220] ’S ìsch ìhr äärscht Solosong zitter Up (2021) gsìì. Ìm Liad düat sa fräi uff’m Tàkt vun dr Missy Elliot ìhrem Song She’s a Bitch (1999) rappa.[221] D’ Sìnggel ìsch bis ìn dr Top-10 ìn da USA glunga.[222] D’rnooh ìsch àm 15. März d’ Sìnggel Enough (Miami) ärschììna,[223] wo eewafàlls ìn dr àmerikàànischa Top-10 glunga-n-ìsch.[224] Àm gliicha Tààg ìsch a Remix vum Flo Milli siim Liad Never Lose Me ärschììna, wu d’ Cardi B naawa dr SZA z’ loosa-n-ìsch.[225] Àm 11. März ìsch d’ Cardi àls Gàscht bii dr Madonna ìhrem Konzärt z’ Inglewood ufftratta.[226] Witterscht ìsch sa zamma mìt dr Shakira ìm Liad Puntería ärschììna, wo àm 22. März 2024 àls àchta Sìnggel üss ìhrem zwelfta-n-Àlbum Las Mujeres Ya No Lloran üssagànga-n-ìsch.[227]
Ìn’ma Interview geega-n-ìwwer d’ Zittschrìft Billboard hàt d’ Cardi B gsajt, àss sa ìn ìhra Jugendsjoohra-n-a pààr Àlba vu dr Missy Elliott un vu dr Tweet kàuift hàt.[10] Sa hàt àui gsajt, àss sa bsunderscht vu dr puertorikàànischa Rapperin Ivy Queen[228] un vu dr jàmàikàànischa Dancehall-Kìnschtlera Spice[229] beiiflusst worra-n-ìsch, wia àui vu dr Beyoncé,[230] dr Lady Gaga,[231] dr Lil’ Kim,[232] dr Madonna[16] un dr Selena.[233] Üsserdam hàt sa sìch fìr ìhra Kunscht vum Drill-Rap üss Chicago loo beiiflussa.[234] Ìn’ma Interview hàt sa behàuipta:
“When I first started rapping [...] I liked certain songs from Khia and Trina, and they [were] fighting songs. I haven't heard fighting songs for a very long time. "a lot of girls they cannot afford red bottoms, a lot of girls they cannot afford foreign cars [...] but I know that every girl has beef with a girl [...] I know that every bitch don't like some bitch, and it's like 'that's what I wanna rap about.”
„Wuni z’äärscht mìt’m Rap ààgfànga hàà [...] hàni ainiga Liader vu dr Khia un dr Trina gmeegt, sa sìnn Kampfliader gsìì. Zitter làngem hàni nìt Kampfliader gloost ghàà. [...] Vììla Maidla känna sìch nìt Louboutins odd’r groossa Wààga laischta [...], àwwer ìch waiss, àss jeeds Maidla-n-a Schtrait mìt’ma àndra Maidla hàt. [...] Ìch waiss, àss jeeds Wiib a ànder Wiib nìt meegt, un doo drìwwer wìlli rappa.“
Sa hàt àui gsajt, àss ìhra Jugendsjoohra-n-ìm South Bronx un ìhra Ärlaabnissa-n-a wìchtiger Iifluss un ìhra Kunscht ghàà hann: „Ìch wurd nìt ìwwer dia bschtìmma Dìnga rappa, wänni nìt därt uffgwàcksa säjg.“[16]
Ìm Làuif vun ìhrer Kàrriar hàt d’ Cardi B zàhlriicha Üsszaichnunga bikumma, drunter a Grammy Award, àcht Billboard Music Awards (drunter dräi uffànanderfolganda Üsszaichnunga àls „Top Rap Female Artist“), säcks Guiness Waltrekorda,[237][238][239][240][241] säcks American Music Awards, viar MTV Video Music Awards, säcks BET Awards (drunter ainer fìrs Àlbum vum Joohr) un viarzeeh BET Hip Hop Awards. Mìt ìhrem Àlbum Invasion of Privacy ìsch sa d’ äärschta Fràui worra, wo àls Solokìnschtlera dr Grammy Award fìrs Bäscht Rap-Àlbum g’wunna hàt — s’ Wark ìsch àui s’ äärschta Àlbum vun’ra Fràui gsìì, wo ìn da vergànga 15 Joohra fìr daa Priis nominiart worra ìsch.[124][242]
Ànna 2018 hàt d’ Zittschrìft Time d’ Cardi B bii da 100 iiflussriichschta Litt uff dr Walt g’lischtet.[121] Üsserdam ìsch d’ Cardi B ànna 2019 àls äärschta Fràui mìt’m ASCAP-Priis vum Liaderschriiwer vum Joohr üsszaichent worra.[243] Ànna 2020 hàt sa zem zwaita Mol daa Priis g’wunna.[244] Ìm saalwa Joohr ìsch àui d’ Cardi B d’ äärschta Rapperin worra, wo bii da Billboard Women in Music Awards àls „Fràui vum Joohr“ nominiart worra ìsch.[159]
Ìnsgsàmt ìsch d’ Cardi B d’ Fràui mìt da maischta Nummer-Ains-Hits ìm àmerikàànischa Billboard Hot 100 (5 Sìnggels)[164] un d’ Fràui, wo-n-ìhra Wark àm längschta ìn dr heechschta Posizioon ìn dam Chart blììwa sìnn (ìnsgsàmt 16 Wucha).[102][164] Ìhr Liad I Like It ìsch s’ ääschta wiiblig Liad, wo uff Spotify mehr àss ain Milliàrda Mol g’loost worra-n-ìsch. Ìnsgsàmt sìnn dräi vun ìhra Wark uff dr Plàttform je mehr àss Milliàrda Mol g’loost worra.[245][246] Mìt ìhra Sìnggels Taki Taki un WAP ìsch sa bis hìtt (Schtànd Mai 2024) d’ ainziga wiibliga Rpperin, wo mehrmols àm Schpìtzaplàtz vum Spotify-Chart gsìì ìsch.[150] Zitter Àuigscht 2020 ìsch WAP s’ Liad, wo ìn dr äärschta Wucha noh dr Veräffentligung ìn da Verainigta Schtààta àm maischta-n-ìm Internet g’loost worra ìsch.[150] Noh dr Zittschrìft Billboard ìsch Invasion of Privacy s’ bäscht wiibliga Rap-Àlbum vu da 2010er Joohra gsìì[247] un àui s’ Àlbum vun’ra wiibliga Rapperin, wo àm längschta-n-ìm Chart Billboard 200 blììwa-n-ìsch.[248] ’S ìsch àui s’ Àlbum vun’ra wiibliga Rapperin, womm’r uff Spotify àm maischta g’loost hàt.[249]
D’ Cardi B ìsch d’ ainziga wiibliga Rapperin mìt dräi Liader (Bodak Yellow, Girls Like You, I Like It), wo àls Diàmànt-Schàllplàtta ìn da USA àànärkännt worra sìnn.[250][111][251][252] Üsserdam ìsch d’ Cardi B zwaimol ànna 2017 un 2020 vu dr Zittschrìft Forbes fìrs „Bäscht Liad vum Joohr“ üsszaichent worra.[74][253] Ìhr äärscht Schtüdioàlbum ìsch vu Billboard un Rolling Stone uff Plàtz 13 bzw. 34 vu da bäschta Àlba vu da 2010er Joohra g’lischtet worra — dàs sìnn d’ bäschta Ärgaabnissa fìr a wiibliga Rapperin gsìì.[254][255] Ìn dr RIAA-Ranking „Top Artist (Digital Singles)“ ìsch d’ Cardi B d’ heechschtplàtziarta wiibliga Kìnschtlera gsìì, mìt ìnsgsàmt 54 Üsszaichnungsainhaita.[111] Ìm Oktoower 2022, fìmf Joohra noh dr Veräffentligung vun ìhrem Schtüdioàlbum, hàt sa ìnsg’sàmt 100 Millioona üsszaichna Verkaif ìn da USA ghàà.[256]
Ìn da USA hàt d’ Cardi B mìt dräi Liader jewills d’ heechschta Verkàuifszààhla ghàà — ànna 2017, 2018 un 2020.[257] Bis 2021 ìsch I Like It s’ Liad vun’ra wiibliga Rapperin, wo d’ Briita-n-ìm Internet àm maischta g’loost hann.[258] Ìm Àuigscht 2021 hàt Bodak Yellow mìt’m Video zem Liad Bodak Yellow uff YouTube mehr àss 1 Milliàrda Züaschàuijer ghàà — dàs hàt sa àui mìt’m Liad I Like It gmàcht ghàà.[259][260] Züadam ìsch d’ Cardi B d’ ainziga wiibliga Rapperin, wo mìt’m Liad Girls Like You ìn dr Billboard-Ranking „Billboard’s Greatest Hot 100 Hits of All Time“ z’ sah ìsch.[261]
D’ Cardi B hàt amol gsajt, àss sa pràktiziaranda Kàthoolikin ìsch.[262] Ànna 2016 hàt sa bekànnt gaa, àss sa ìn ìhra Jugendsjoohra ìn Manner Drooga gaa hàt, fìr’na Gald schtaahla — dàs hàt sa g’màcht, wu sa àls Àbblättertanzera g’schàfft hàt.[263][264][265]
D’ Cardi B hàt gsajt, àss sa bisäxüäll ìsch.[266][267] Ìm Rààhma vu dr MeeToo-Beweegung hàt sa bekànnt gaa, àss sa àls Àbblättertanzera mehrmols vergwàltigt worra-n-ìsch.[268][269][270][271][272]
Àb’m Ààfàngsjoohr 2017 ìsch d’ Cardi B ìn’ra Beziihung zem Rapper Offset gsìì.[64][26] Sa hann sìch àm 27. Oktoower 2017 verlobt.[273] Wahrend ìhrem Ufftrìtt ìn dr Farnsahsandung Saturday Night Live hàt d’ Cardi bekànnt gaa, àss sa zitter säcks Moneta schwànger gsìì ìsch.[274] Àm 25. Jüüni 2018 ìsch bekànnt worra, àss d’ Cardi B g’haim dr Offset ìm Septamber 2017 ghiiroota ghàà hàt. Dàs hàt d’ Cardi salsbcht uff da Soziààla Nätzwark b’schtaadigt.[275] Àm 10. Jüüli 2018 ìsch ìhra Tochter uff d’ Walt kumma.[276] Ìm Dezamber 2018 hàt sa bekànnt gaa, àss sa nìt mìt’m Offset düat laawa — s’ Pààr hàt sìch schpeeter verseehnt.[277][278] Ìm Hornung 2019 ìsch sa zamma mìt em uff dr Verläihung vu da Grammy Awards z’ sah gsìì.[279] Ar ìsch mìt ìhra uff d’ Bììhna g’schtììga, wu sa dr Grammy-Priis fìrs Bäscht Rap-Àlbum bikumma hàt.[280]
Ìm Septamber 2020 ìsch bekànnt worra, àss d’ Cardi B d’ Eehaschaidung iig’rìchta hàt,[281][282] àwwer ìm Moneet druff hàt sìch s’ Pààr nochamol verseehnt.[283] Ìm Jüüni 2021 hàt d’ Cardi B bekànnt gaa, àss sa nochamol schwànger gsìì ìsch.[284] Dr Suhn ìsch àm 4. Septamber 2021 uff d’ Walt kumma.[285] Àm fìmfta Joohrestààg vun ìhrer g’haima Hoochzitt hàt sa bekànnt gaa, àss sa a äffentliga Hochzittfiir hàt düa plààna.[286] Ìm Dezamber 2023 hàt sa uff Instagram bekànnt gaa, àss sa nìmm zamma mìt’m Offset labt.[287] Jedoch sa ìm März 2024 a Müüsikvideo mìt em dräijt — ìn dara Zitt hàt m’r nìt g’wusst, ob sa noch mìt em verhiiroota gsìì ìsch odd’r nìt.[288]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
