From Wikipedia, the free encyclopedia
Ankara (offiziell Ankara) isch e Weltstadt im Norde vo de Türkei. Früehner het s Angora gheisse und in dr Antike Ancyra. Sit 1923 isch si d Hauptstadt vo der Türkei und vo dr Provinz Ankara. D Stadt het 4.104.387 Iiwohner (2008) und isch noch Istanbul die zweitgrössti Stadt vom Land.
Ankara | ||
---|---|---|
| ||
Koordinate | 39° 55′ N, 32° 51′ O | |
Basisdate | ||
Staat | Türkei | |
Ankara | ||
Höchi | 938[1] | |
Flechi | 2498 km² | |
Iiwooner | 4.395.888 (2008) | |
Dichti | 1.759,8 Ew./km² | |
Poschtleitzahl | 06 000 | |
Website | www.ankara.bel.tr | |
Politik | ||
Burgermeischter | Mansur Yavaş | |
![]() Satellitebild über Ankara |
Ankara lit öbbe 900 m bis 1050 m über em Meeresspiegel und het e strängs trochnigs Kontinentalklima, wo dur heissi drocheni Summer und chalti schneeriichi Winter brägt isch, mit starken Underschiid in de Johresziite, und zwüsche Dag und Nacht. D Johresdurchschnittstämpratur isch 11,7 °C. Die wermste Mönat si der Juli und der August mit durchschnittlig über 21 °C, die cheltiste der Januar und Februar mit e chli under 0 °C im Durchschnitt. Die meiste Niiderschleg falle im Monet Mai mit durchschnittlig 56 Millimeter, die gringste wärde für d Mönet Juli und August mit je 13 Millimeter im Mittel verzeichnet. D Johressumme vo de Niiderschleg bedräit 417 mm; eso isch Ankara eins vo de drocknigste Gebiet vo der Türkei.