Seile (sterrebeeld)

Die Seile (Latyn: Vela) is ’n sterrebeeld in die suidelike hemelruim. Dit verteenwoordig die seile van ’n skip en was oorspronklik deel van ’n groot sterrebeeld, die skip van "Jason en die Argonoute" (Argo Navis), wat eeue later verdeel is in drie dele – die ander twee is die Agterdek en die Kiel.

Seile
Latynse naam	Vela
Genitief	Velorum
Afkorting	Vel
Waarnemingsdata (Epog J2000)
Regte klimming	9h
Deklinasie	-50º
Grootte	500 vk. grade (32ste)
Kwadrant	SQ2
Besonderhede
Hoofsterre	5
Helderste ster	Gamma Velorum
Naaste ster	Gliese 367
Sterre helderder as 3 m	5
Sterre met planete	7
Messier-voorwerpe	0
Bayer-/Flamsteed-sterre	50
Meteoorreëns	Delta-Velaïede, Gamma-Velaïede, Puppid-Velaïede
Aangrensende sterrebeelde
Agterdek , Kiel, Lugpomp, Kompas, Sentour
Portaal    Sterrekunde

Ruimtevoorwerpe

Die helderste ster in die sterrebeeld is die superreus Gamma Velorum, met ’n oënskynlike helderheid van 1,75^m. Dit is eintlik vyf sterre, waarvan die primêre ster die helderste Wolf-Rayetster in die hemelruim is. Dit word soms Regor genoem.

Dit bevat ook die planetêre newel NGC 3132, wat uit nog 32 planetêre newels bestaan, asook die oorblyfsels van die Vela-supernova. Daar word geglo die ontploffing van die supernova was sowat 10 000 jaar gelede van die Aarde af sigbaar.

Valskruis

Die Valskruis is ’n asterisme wat bestaan uit die sterre Delta Velorum, Kappa Velorum, Iota Carinae en Epsilon Carinae. Dit word so genoem omdat dit soms verkeerdelik vir die Suiderkruis aangesien word en so tot navigasiefoute lei.

Verwysings

• Ian Ridpath and Wil Tirion (2007). Stars and Planets Guide, Collins, Londen. ISBN 978-0-00-725120-9. Princeton University Press, Princeton. ISBN 978-0-691-13556-4.
• Richard Hinckley Allen, Star Names, Their Lore and Legend, New York, Dover.

Eksterne skakels

• The clickable Vela
• Star Tales – Vela
• Wikimedia Commons het meer media in die kategorie Seile (sterrebeeld).
• Hierdie artikel is vertaal uit die Engelse Wikipedia