Amerikaanse ingenieur en medestigter van die rekenaaronderneming Apple Inc From Wikipedia, the free encyclopedia
Stephen Gary Wozniak (11 Augustus 1950) is 'n Amerikaanse ingenieur. Op 1 April 1976 stig hy die rekenaaronderneming Apple Inc. saam met Steve Jobs en Ronald Wayne. Sy bynaam is Woz.
Steve Wozniak | |
|---|---|
 Wozniak in 2018 | |
| Gebore | Stephen Gary Wozniak 11 Augustus 1950 San Jose, Kalifornië, VSA |
| Nasionaliteit |  Verenigde State |
| Beroep | Rekenaaringenieur werk by Apple Inc. |
| Bekend vir | Pionier van die Persoonlike rekenaar-rewolusie saam met Steve Jobs |
Wozniak is Pools-Amerikaans en is gebore as die oudste van die drie kinders van die Amerikaanse ingenieur Jerry Wozniak (wat by Lockheed gewerk het[1]) en Margaret Kern. Hy het in Sunnyvale grootgeword en Steve Jobs op hoërskool ontmoet. Hulle word daar as tegnologie verslaafdes (nerds) beskou omdat hulle albei baie geïnteresseerd was in elektronika. Wozniak het onder meer 'n toestel gemaak om gratis oproepe in 'n publieke telefoonhokkie, 'n sogenaamde blou boks, te maak.
Na hoërskool het hulle albei vir rekenaarondernemings in Silicon Valley gaan werk: Wozniak by Hewlett-Packard en Jobs by Atari. Hulle het kontak behou en intussen het Wozniak sy graad in rekenaaringenieurswese aan die Universiteit van Kalifornië, Berkeley ontvang.
Wozniak was die maatskappy se tegnikus in die vroeë dae van Apple. Hy was verantwoordelik vir die eerste weergawes van die bedryfstelsel en hardeware van die Apple I en die beroemde Apple II, die eerste regte persoonlike rekenaar wat tot en met die koms van die Commodore 64 die suksesvolste rekenaar was.
Wozniak is ook die stigter van die US Festival, wat in 1982 en 1983 gehou is.
Wozniak het Apple in 1983 verlaat (maar het 'n groot aandeelhouer gebly) en daarna 'n paar jaar as laerskoolonderwyser gewerk. Hy word uitgebeeld in die film Pirates of Silicon Valley in 1999[2], waarin hy die verteller is en gespeel word deur die akteur Joey Slotnick.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
