From Wikipedia, the free encyclopedia
Die Ob-Oegriese tale is 'n tak van die Oegriese tale een van die hooftake van die Fins-Oegriese taalfamilie in die Oeraalse taalfamilie. Dit bestaan uit twee tale wat in Westelike Siberië gepraat word naamlik Ostjaaks en Wogoels. Die twee tale word in die gebied tussen die Oeralgebergte en die Ob- en Irtysjrivier gepraat.
| Ob-Oegriese tale | |
|---|---|
| Geografiese verspreiding: |
 Westelike Siberië |
| Genetiese klassifikasie: |
Oeraals Fins-Oegries Oegries[1] Ob-Oegriese tale |
| Onderafdelings: | |
Verspreiding van Ob-Oegriese tale | |
Daar word gemeen dat die Ob-Oegriese tale oorspronklik in die Suidelike Oeralgebergte gepraat is wat ook gesien word as die oorsprong van die Oegriese tale. Hongaars het waarskynlik tydens die 11de eeu v.C. van Ob-Oegries geskei.[2][3] Van ongeveer 500 jaar gelede is die Ob-Oegriese sprekers oos gedryf tot by die Ob- en Irtysjrivier deur die aankoms van Russe. Sommige Ob-Oegriese sprekers het tot so laat as die vroeë 20ste eeu nog oos van die Oeralgebergte vertoef.
Alhoewel die tale verwant is aan Hongaars, is die verbintenis los en is verskil die tale dramaties van mekaar. Ostjaaks en Wogoels daarenteen is nou verwant maar nie onderling verstaanbaar nie. Die Ob-Oegriese tale is later sterk deur Turkse tale, veral Tartaars, beïnvloed.[4] Tot 1930 het die tale geen geskrewe of literêre tradisies gehad nie maar sedert 1937 word 'n aangepaste vorm van die Cyrilliese alfabet gebruik. Daar is egter geen beduidende tekste in die taal nie en dit het weinige amptelike gebruik.[5]
Wogoels het ongeveer 3 800 sprekers terwyl Ostjaaks ongeveer 14 280 het, almal in Rusland.[6]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
