Mark Lawrence

Mark Lawrence (* 16 Junie 1965) is ’n Suid-Afrikaanse internasionale rugbyskeidsregter en oogkundige. Hy het gedurende 1990 begin as skeidsregter nadat hy ’n besering as rugbyspeler opgedoen het. Hy het sy eerste toets in 2000 as skeidsregter beheer (dit was tussen Fidji en Italië) en is gekies om op te tree tydens die 2003 en 2007 Rugbywêreldbekers waar hy as lynregter en televisieskeidsregter diens gedoen het. Lawrence het 7 Sesnasies en 3 Drienasiestoetse beheer. Hy was in beheer van die 2007 Curriebekereindstryd tussen die Vrystaat Cheetahs en die Leeus^[1] en ook in die 2008 Super 14-seisoen se eindstryd tussen die Crusaders en die Waratahs.

Mark Lawrence
Geboortedatum	16 Junie 1965 (1965-06-16) (59 jaar oud)
Geboorteplek	Standerton, Suid-Afrika
Lengte	1,86 m
Massa	87 kg
Skool	Highbury Primêre Skool Beachwood Hoërskool
Universiteit	Witwatersrand Technicon
Loopbaan as skeidsregter
Jare	Kompetisie		Weds
2003 & 2007 2000–11 2000–13 1995–2013	Rugbywêreldbeker Toetswedstryde Superrugby Curriebeker

Lawrence het in September 2011 sy uittrede uit toetsrugby aangekondig en gesê dat hy wil fokus op die opleiding van opkomende skeidsregters.^[2] Hy is sederdien aangestel as Hoof: Prestasie van skeidsregters by die SA Rugbyunie.

Voormalige kollegas

• Jonathan Kaplan
• Craig Joubert
• Marius Jonker
• Lourens van der Merwe
• Stuart Berry
• Jason Jaftha
• Pro Legoete
• Rasta Rasivhenge

Verwysings

1. "Curriebekereindstryde" (in Engels). Geargiveer vanaf die oorspronklike op 14 Februarie 2012.
2. (en) "Mark Lawrence kondig sy uittrede as toetsskeidsregter aan". Geargiveer vanaf die oorspronklike op 15 September 2012. Besoek op 29 Mei 2012.

Eksterne skakels

• (en) www.marklawrence.co.za

Hierdie artikel is in sy geheel of gedeeltelik vanuit die Engelse Wikipedia vertaal.