Luangwa
From Wikipedia, the free encyclopedia
Luangwa is die naam van 'n dorp in Zambië se Lusaka-provinsie wat tot 1964 as Feira bekend gestaan het. Dit is die hoofdorp van 'n distrik wat ook Luangwa heet en is geleë by die samevloeiing van die Luangwa-rivier en Zambezirivier. Die dorp se geskatte bevolking was 3 420 in 2009.
Luangwa | |
|---|---|
  Luangwa | |
| Koördinate: 15°37′0″S 30°23′0″O | |
| Land |  Zambië |
| Provinsie | Lusaka-provinsie |
| Distrik | Luangwa |
| Hoogte | 380 m (1 250 ft) |
| Tydsone | UTC+2 (SAST) |
Feira was waarskynlik die eerste Europese nedersetting in wat vandag Zambië is, maar die datums is nie behoorlik opgeteken nie. Wat wel bekend is, is dat die Portugese hulle omstreeks 1720 op die oorkantste oewer van die Luangwa by Zombo in Mosambiek kom vestig het ten einde met die Bwila-stam handel te dryf en teen 1820 het party hulle op Feira kom vestig.[1]
Na onafhanklikwording is die naam, saam met talle ander uit die koloniale era gespruit het, inheems gemaak. Slegs een pad loop na en van die dorpie, wat 100 km noord by die Great East Road aansluit en vanwaar reisigers na Lusaka in die weste en Chipata in die ooste kan reis.
Die dorp se ligging is van strategiese belang. Dit lê in die mees suidoostelike uithoek van die Lusaka-provinsie, waar sowel Mosambiek as Zimbabwe aan Zambië grens. Die Luangwa vorm die grens met Mosambiek en die Zambezirivier dié met Zimbabwe. Tydens Mosambiek se onafhanklikheidsoorlog en die daaropvolgende burgeroorlog was dit die toneel van guerilla-bedrywighede. Omdat Zambië die nasionalistiese guerillas so te sê ondersteun het, het Rhodesiese en Portugese af en toe die grens oorgesteek op hulle spoor.
Hoewel die distrik Luangwa vêr geleë is van die twee nasionale wildtuine wat dieselfde naam dra, beskik die omgewing oor sy eie natuurskoon en wildlewe. Die Benede-Zambezi-wildtuin wes van die dorp is 'n onherbergsame wildernis met ongerepte natuurskoon.[2]
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
