Florida, Johannesburg
From Wikipedia, the free encyclopedia
Florida is 'n woongebied in Gauteng, Suid-Afrika. Dit is omtrent 10 myl wes van Johannesburg geleë. Die gebied wat as Florida bekend staan is oorspronklik op die plaas Vogelstruisfontein gestig. Vogelstruisfontein en die plase Roodepoort en Paardekraal is vir mynboukampe gebruik nadat goud in 1881 hier ontdek is.
Florida | |
|---|---|
 Florida | |
| Koördinate: 26°10′30″S 27°55′22″O | |
| Land | Suid-Afrika |
| Provinsie | Gauteng |
| Metropolitaanse Munisipaliteit | Stad Johannesburg |
| Oppervlak | |
| • Totaal | 6,32 km2 (2,44 vk. myl) |
| Hoogte | 0,2 m (,8 ft) |
| Bevolking | |
| • Totaal | 20 082 |
| • Digtheid | 3 200/km2 (8 000/vk. myl) |
| Tydsone | UTC+2 (SAST) |
| Poskode | 1709 |
| Skakelkodes | 011 ________________________ |
| Swartes | 35,9% |
Die hoofpad deur Florida, Goldmanstraat vorm die ruggraat vir plaaslike sake-aktiwiteit en burgerlike dienste. Die plaaslike biblioteek is een van die beste van sy soort in Johannesburg. 'n Aantal antieke handelaars wat in Afrikana meubels spesialiseer is aan die oostelike punt van Goldmanstraat geleë.
Florida Meer is 'n groot watermassa suid van die spoorlyn. Dit word omring deur residensiële eiendomme in die noorde en parke na die ooste en weste.
Hoewel Florida aanvanklik as 'n wit woongebied geklassifiseer is, is 30% van die inwoners tans kleurlinge. Die hoofrede hiervoor is die nabygeleë kleurling-townships van Bosmont, Coronationville, Newclare, Westbury en Riverlea.
Die treinstasie is geleë op die Springs na Randfonteinlyn met maklike toegang tot Johannesburg.
Die gebied word bedien deur die Afrikaanse Florida Hoërskool en Florida Laerskool, asook die Engelse Florida Primary School en Florida Park High School. Die plaaslike sportveld by Trezonapark is die tuiste van die Florida-Albion-sokkerklub, met geriewe vir hokkie, krieket, tennis en muurbal. Weens ingrypende demografiese veranderings het die Gereformeerde kerk Florida ontbind en is die NG gemeente Florida op 1 Oktober 2014 en Floridapark vroeg in 2016 by die gemeente Constantiakruin ingelyf. Die gemeente Kriel is reeds jare gelede by die Floridase moedergemeente ingelyf.
Die Florasentrum in Florida Hills is die omgewing se grootste en gewildste winkelsentrum.
Sien ook
Verwysings
Wikiwand - on
Seamless Wikipedia browsing. On steroids.