Die Drievoudige Entente (van die Franse woord vir "welwillendheid") was die naam van die alliansie tussen Frankryk, Brittanje en die Russiese Ryk ná die ondertekening van die Anglo-Russiese Entente op 31 Augustus 1907. Die alliansie tussen die drie moondhede, versterk deur ooreenkomste met Portugal en Japan, was ’n kragtige teenpool vir die Drievoudige Verbond van die Duitse Ryk, Oostenryk-Hongarye en Italië. (Italië het later in die geheim ’n ooreenkoms met Frankryk aangegaan wat hul alliansie met Duitsland nietig verklaar het.)
Historici debatteer steeds oor die belangrikheid van die alliansiestelsel in die uitbreek van die Eerste Wêreldoorlog. Aan die begin van die oorlog in 1914 het al drie lede van die Drievoudige Entente hulle as die Geallieerdes geskaar teen Duitsland en Oostenryk-Hongarye, wat deel was van die Sentrale Moondhede.
Bron
Hierdie artikel is vertaal uit die Engelse Wikipedia
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
