From Wikipedia, the free encyclopedia
Daryll Cullinan (1967-) is 'n voormalige Suid-Afrikaanse krieketspeler wat as spesialis-kolwer vir die Proteas gespeel het. Van 1993 tot 2001 het hy in 70 toetse vir Suid-Afrika uitgedraf en 4 554 lopies teen ’n gemiddeld van 44,21 lopies per kolfbeurt aangeteken.[1] Hy het onder meer tydens die Krieketwêreldbeker 1996 en Krieketwêreldbeker 1999 vir Suid-Afrika gespeel.
| Daryll Cullinan | ||||||
|---|---|---|---|---|---|---|
| Volle naam | Daryll John Cullinan | |||||
| Gebore | 4 Maart 1967 Kimberley, Suid-Afrika | |||||
| Kolfstyl | Regshandig | |||||
| Rol | Kolwer | |||||
| Internasionale geskiedenis | ||||||
| Nasionale span | Suid-Afrika | |||||
| Toetsdebuut (no 253) | 2 Januarie 1993 v Indië | |||||
| Laaste Toets | 23 April 2001 v Wes-Indië | |||||
| EDI debuut (no 25) | 9 Februarie 1993 v Pakistan | |||||
| Laaste EDI | 4 November 2000 v Nieu-Seeland | |||||
| Loopbaanstatistiek | ||||||
| Kompetisie | Toets | EDI | 1e rang | A-lys | ||
| Wedstryde | 70 | 138 | 246 | 330 | ||
| Lopies aangeteken | 4 554 | 3 860 | 16 261 | 8 824 | ||
| Kolfgemiddeld | 44.21 | 32.99 | 44.79 | 9/49 | ||
| 100s/50s | 14/20 | 3/23 | 44/79 | 127 | ||
| Hoogste telling | 275 | 124 | 337 | 378 | ||
| Aflewerings geboul | 120 | 174 | 992 | 8 | ||
| Paaltjies | 2 | 5 | 10 | 38.62 | ||
| Boulgemiddeld | 35.50 | 24.80 | 48.60 | 0 | ||
| 5 paaltjies in 'n kolfbeurt | 0 | 0 | 0 | n.v.t | ||
| 10 paaltjies in 'n wedstryd | 0 | n.v.t. | 0 | 2/20 | ||
| Beste boulontleding | 1/10 | 2/30 | 2/27 | 2/30 | ||
| Vangskote/Stonkings | 67/- | 62/- | 145/- | 155/- | ||
| Bron: Cricinfo, 2 Junie 2008 | ||||||
As regshandige topordekolwer was hy lank as die "tweede Graeme Pollock" bekend. Hy het egter twee van Pollock se belangrikste rekords verbeter: as jongste krieketspeler wat ’n eersterangse honderdtal aanteken (op die ouderdom van 16 jaar en 304 dae), en as speler wat die hoogste individuele telling in ’n toets (275 nie uit nie) behaal. Al twee rekords is intussen verder verbeter, laasgenoemde in 2012 deur Hashim Amla teen Engeland, waartydens Amla 'n telling van 311 (nie uit nie) aangeteken het.[2]
In 1995 het Cullinan vir 'n lang onderbreking in spel gesorg toe hy 'n bal in 'n braaipan vol kalamarie ingeslaan het. Cullinan het 'n ses teen SA se internasionale Roger Telemachus geslaan, waarna die bal in die kombuis ingevlieg en in die pan beland het. Dit het omtrent tien minute geneem voor die bal koud genoeg was vir die skeidsregter om die vet af te vee. Selfs toe was die bal te glibberig om vas te hou, en moes dit uiteindelik vervang word.[3]
Hy was ook 'n lid van die Proteaspan wat tydens die Kampioenetrofee 1998 Suid-Afrika se eerste internasionale kriekettitel kon inpalm.[4]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
