Copperton

Copperton is 'n voormalige myndorpie in die Karoogebied van die Noord-Kaap. Dis geleë in die Pixley ka Seme-distriksmunisipaliteit en die Siyathemba Plaaslike Munisipaliteit, met sy setel op Prieska.

Copperton
Gehug
Copperton
Koördinate: 29°55′S 22°18′O
Land	Suid-Afrika
Provinsie	Noord-Kaap
Distriksmunisipaliteit	Pixley ka Seme
Plaaslike Munisipaliteit	Siyathemba
Stigtingsdatum	1971
Oppervlak
• Totaal	70,55 km2 (27,24 vk. myl)
Bevolking
• Totaal	57

Dit is in 1971 gestig in verband met die kopermyn op die plaas Vogelstruisbult. Dit was van 1975 tot 1987 die middelpunt van die NG gemeente Vergesig, wat van die NG gemeente Prieska afgestig het en weer daarby ingelyf is. Die dorp het in 'n stadium 3 000 inwoners gehuisves en 'n skool en verskeie ontspanningsgeriewe gehad, onder meer 'n gholfbaan. Anglovaal het die myn, wat in 1972 geopen is, in 1991 gesluit. Die meeste van die geboue is intussen gesloop en net enkele huise word nog gebruik deur Denel, wat 'n missieltoetssentrum hier bedryf.

Die dorpie se oppervlak is 70,55 km². In 2011 was die inwonertal 57, van wie 49 wit, ses bruin en een swart was. Dis vergeleke met 'n inwonertal van 36 in 2001, van wie 27 bruin en nege wit was.

Garob Wind Farm (Pty) Ltd het in Junie 2013 omgewingsgoedkeuring gekry^[1] om 'n windplaas in die omgewing, wat besonder winderig is,^[2] op te rig.

Sien ook

• Alkantpan
• Lys van dorpe in Suid-Afrika

Verwysings

1. "Savannah Envirtonmental". Geargiveer vanaf die oorspronklike op 1 November 2014. Besoek op 9 November 2014.
2. "A tale without a moral op News24.com". Geargiveer vanaf die oorspronklike op 14 Mei 2017. Besoek op 9 November 2014.