NG gemeente Vergesig (Copperton)

Die NG gemeente Vergesig was 'n gemeente van die Nederduitse Gereformeerde Kerk op die Noord-Kaapse myndorpie Copperton.

Vroeg in 1969 is koper op die plaas Vogelstruisbult ontdek. Teen Oktober en November daardie was daar reeds soveel lidmate hier dat die NG gemeente Prieska besluit om ’n ekstra wyk hier te stig. Teen 1972 was die sieletal van die kerk op Copperton sowat 500. Die skoolgebou was toe nie meer geskik vir dienste nie. ’n Derde leraar word beoog en in Oktober 1974 is die pastorie voltooi. In 1975 begin ds. Ben Smit sy werksaamhede te Copperton. Die gemeente Vergesig is op 9 Maart 1975 gestig. In 1985 was hier net 176 doop- en 285 belydende lidmate.

Vergesig-gemeente ontbind op Sondag 22 November 1987 en skakel in by Prieska.

Enkele leraars

• Barend Hermanus Smit, 1975 - 1980

Sien ook

• NG gemeente Vergesig, Johannesburg

Bron

• Inligting oor Prieska se gemeente en ingelyfde gemeente op die Noord-Kaaplandse Sinode se webtuiste Geargiveer 5 Oktober 2015 op Wayback Machine.