Abdul Karim Kassem (Arabies: عبد الكريم قاسم `Abd al-Karīm Qāsim, populêr ook bekend as "az-Za’im"- "die leier"; 21 November 1914, Bagdad - 9 Februarie 1963, Bagdad) was 'n Irakkese militaris en politikus van gemengde Soennitiese, Sjiïtiese en Koerdiese afkoms.
| Abdul Karim Kassem | |
 | |
Eerste Minister van die Republiek Irak | |
| Ampstermyn 14 Julie 1958 – 8 Februarie 1963 | |
| Vise | Ahmad Mukhtar Baban (Koninkryk Irak) |
|---|---|
| President | Soewereiniteitsraad |
| Voorafgegaan deur | Ahmed Hassan al-Bakr |
Persoonlike besonderhede | |
| Gebore | 21 November 1914 Bagdad, Irak |
| Sterf | 9 Februarie 1963 Bagdad, Irak |
| Politieke party | Onafhanklik, ondersteun deur die Nasionale Demokratiese Party |
| Religie | Soennitiese Islam |
Kassem volg sy militere opleiding aan die militêre akademie in Irak. Hy veg in die Arabies-Israeliese Oorlog van 1948-1949. Daarna sluit hy aan by die Vrye Offisiere, 'n groep Arabiese nasionalistiese offisiere wat gekant was teen die Irakse monargie en geïnspireerd was deur die Egiptiese president Gamal Abdel Nasser.
Op 14 Julie 1958 werp die Vrye Offisiere onder leiding van generaal Abdul Karim Kassem en die kolonels Abdel Salem Arif en Abdel Rahman Arif, gesteun deur die Ba'ath Party die Irakse regering omver. Koning Faisal II, bykans sy totale familie en die voormalige premier Nuri al-Said sterf tydens die staatsgreep. Daarna word 'n republiek uitgeroep en Kassem word premier.
Hoewel hy die Arabiese nasionalisme en President Nasser se beleid aanvanklik ondersteun het, word hy spoedig 'n teenstander en verbreek hy die kontak tussen die Vrye Offisiere en die Egiptiese president. Kassem soek hierna kontak met die Irakse Kommunistiese Pary wat sterk teenstanders van die Arabiese nasionalisme was.
In 1959 poog vise-premier Arif, enkele lede van die Vrye Offisiere en die Ba'ath Party 'n mislukte staatsgreep. Kassem laat sy teenstanders daarna opsluit (die meeste kry later amnestie of tronkstraf) en gesteun deur die Kommunistiese Party sluit hy 'n vriendskapsverdrag met die Sowjetunie. In Augustus 1960 probeer Koerdiese kommuniste in Kirkoek die mag oorneem. Kassem laat die opstand onderdruk en verbied die Irakse Kommunistiese Party. Daarna fokus Kassem op die verbetering van die lot van die armes, onder andere deur woningbouprojekte.
In 1963 kom daar 'n einde aan die bewind van Kassem, toe die Ba'ath Party die regering oorneem en Kassem laat fusilleer.
In Julie 2004 is Kassem se liggaam ontdek deur 'n nuusspan van Radio Dijla in Baghdad.
Bronne
- Coughlin, Con (2005). Saddam: His Rise and Fall. Harper Perennial. ISBN 0-06-050543-5.
- Dawisha, Adeed (2009). Iraq: a Political History from Independence to Occupation. Princeton University Press. ISBN 978-0-691-13957-9.
- Marr, Phebe (2004). The Modern History of Iraq. Westview Press. ISBN 9780813336152.
- Polk, William Roe (2005). Understanding Iraq. I.B. Tauris. ISBN 9780857717641.
- Simons, Geoff (1996). Iraq: From Sumer to Saddam. St. Martin's Press. ISBN 9780312160524.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
