From Wikipedia, the free encyclopedia
Potchefstroom is 'n stad in die Noordwesprovinsie van Suid-Afrika. Dit was die tweede oudste dorp in die ou Transvaalprovinsie naas die naburige Klerksdorp. Dit is in November 1838 deur Voortrekkerleier Hendrik Potgieter aan die oewers van die Mooirivier gestig. Die stad staan ook as die "Stad van Deskundigheid" bekend. Dit beslaan 2 573 km² en het 162 762 inwoners (munisipaliteit 2011).[2] Dit is 'n handel- en nywerheidsentrum vir die omliggende land- en mynboustreek. Potchefstroom is 120 km wes-suidwes van Johannesburg.
Potchefstroom | |
---|---|
Stad | |
![]() Potchefstroom se stadsaal | |
Byname: Potch | |
Leuse(s): Stad van Deskundigheid Motswe Wa Boitseanape City of Expertise | |
Koördinate: 26°42′S 27°05′O | |
Land | ![]() |
Provinsie | Noordwes |
Distrik | Dr. Kenneth Kaunda |
Munisipaliteit | JB Marks |
Stigting | 1838 |
Regering | |
• Gestig deur | Hendrik Potgieter |
Oppervlak | |
• Totaal | 185,4 km2 (71,6 vk. myl) |
Hoogte | 1 350 m (4 430 ft) |
Bevolking (2011)[1] | |
• Totaal | 149 230 |
• Digtheid | 805/km2 (2 080/vk. myl) |
Rasverdeling (2011) | |
• Wit mense | 20,7% |
• Indiërs/Asiërs | 1,0% |
• Bruin mense | 7,1% |
• Swart mense | 70,7% |
• Ander | 0,4% |
Taal (2011) | |
• Tswana | 41,1% |
• Afrikaans | 27,9% |
• Suid-Sotho | 10,9% |
• Xhosa | 9,5% |
• Ander | 10,6% |
Poskode (strate) | 2520 |
Poskode (posbusse) | 2520 |
Skakelkode | 018 |
Webwerf | http://www.potch.co.za/ |
Daar was 'n poging deur die ANC-beheerde munisipale owerheid om die dorp se naam na Tlokwe te verander, maar baie inwoners het in opstand gekom teen die besluit – hierdie opstand is deur die organisasie Aksie Potchefstroom gelei. Die stadsraad staan tans bekend as JB Marks Plaaslike Munisipaliteit, nadat dit in 2016 met Ventersdorp saamgesmelt het.
Potchefstroom is 'n groot akademiese dorp. Die Teologiese Skool van die Gereformeerde Kerke in Suid-Afrika, wat in 1869 op Burgersdorp gestig is, is in 1905 na Potchefstroom verskuif. In 1919 het "Het Potchefstroom Universiteitskollege voor Christelike Hooger Onderwijs" ontstaan uit die Literariese Departement van die Teologiese Skool. In 1951 is die PUK erken as 'n selfstandige universiteit wat bekend sou staan as die Potchefstroomse Universiteit vir Christelike Hoër Onderwys (PU vir CHO).
Die PU vir CHO het in 2004 met die University of the Northwest in Mahikeng saamgesmelt om die Noordwes-Universiteit te word en sou voortaan bekend staan as die Potchefstroomkampus van die Noordwes-Universiteit. Hierdie multikampus en multidiverse universiteit het tot stand gekom nadat die regering verreikende veranderings in tersiëre onderwys aangebring het en wetgewing deurgevoer het wat die aantal tersiêre inrigtings in die land verminder het.
Die Potchefstroomkampus het 33 000 studente.
Die universititeit met sy groot aantal studente speel 'n belangrike rol in die dorp se bestaan en gee aan Potchefstroom sy universiteitsdorp-karakter.
Potchefstroom se woonbuurte sluit die volgende in:
Dit is 'n jaarlikse optog ten bate van liefdadigheid waar al die eerstejaars van die Potchefstroomkampus van die Noordwes-Universiteit, in hul koshuisverband, deur die strate van die dorp loop met vlotte wat hulle self gebou en versier het.
Die Aardklop Nasionale Kunstefees word jaarliks aan die einde van September in Potchefstroom aangebied.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.