sterrebeeld From Wikipedia, the free encyclopedia
Die Noordelike Waterslang (Latyn: Hydra) is teen 1 303 vierkante grade die grootste van die 88 moderne sterrebeelde. Dit is ook een van die 48 konstellasies wat deur die 2de-eeuse sterrekundige Ptolemeus beskryf is.
Noordelike Waterslang | ||||
![]() | ||||
Latynse naam | Hydra | |||
Genitief | Hydrae | |||
Afkorting | Hya | |||
Waarnemingsdata (Epog J2000) | ||||
Regte klimming | 8-15h | |||
Deklinasie | -20º | |||
Grootte | 1 303 vk. grade (1ste) | |||
Kwadrant | SQ2 | |||
Besonderhede | ||||
Hoofsterre | 17 | |||
Helderste ster | Alpha Hydrae (Alphard) | |||
Naaste ster | LHS 3003 | |||
Sterre helderder as 3 m | 2 | |||
Sterre met planete | 16 | |||
Messier-voorwerpe | 3 | |||
Bayer-/Flamsteed-sterre | 75 | |||
Meteoorreëns | Alpha Hydrids, Sigma Hydrids | |||
Aangrensende sterrebeelde | ||||
Lugpomp, Kreef, Klein Hond, Sentour, Kraai, Beker, Leeu, Weegskaal, Wolf (hoek), Eenhoring, Agterdek, Kompas, Sekstant , Maagd | ||||
|
Ondanks sy grootte, bevat die Noordelike Waterslang net een redelik helder ster, alpha Hydrae of Alphard ("die enkelster") met ’n helderheid van 1,98 mag. Dit is eintlik ’n dubbelster. Die ander hoofster met ’n naam in die sterrebeeld is Sigma Hydrae, wat ook Minaruja genoem word (Arabies vir "slang se neus"). Teen ’n helderheid van 4,54 mag is dit taamlik dof.
R Hydrae is ’n veranderlike ster met ’n helderheid wat wissel tussen 3,5 mag, wanneer dit met die blote oog gesien kan word, en 10,9 mag, wanneer ’n teleskoop nodig is.
Daar is verskeie dubbelsterre, asook die radiobron Hydra A.
Die Noordelike Waterslang bevat drie Messier-voorwerpe. Messier 83, ook bekend as die Suidelike Windmeul-sterrestelsel, is geleë op die grens van die Noordelike Waterslang en die Sentour; Messier 68 is ’n bolvormige sterreswerm naby M83; en Messier 48 is ’n oop sterreswerm aan die westekant van die sterrebeeld.
NGC 3314a en NGC 3314b is twee sterrestelsels wat lyk of hulle bo-op mekaar lê, hoewel hulle nie verwant of op enige manier interaktief is nie. Eersgenoemde lê die naaste aan die Aarde, 140 miljoen ligjare weg. Laasgenoemde se kern lyk rooi vanweë NGC 3314a se stofplaat.[1]
Die Noordelike Waterslang word geïdentifiseer met ’n verhaal in die Griekse mitologie waarin ’n kraai Apollo bedien en gestuur word om water te gaan haal. Op pad rus die kraai lank en nadat hy eindelik die water in ’n beker opgeskep het, neem hy ’n waterslang terug as verskoning omdat hy so lank gevat het. Apollo besef egter wat gebeur het. Hy is woedend en werp die kraai, beker en slang in die lug in. So het die sterrebeelde Kraai, Beker en Noordelike Waterslang ontstaan.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.