From Wikipedia, the free encyclopedia
Die Koerilemeer (Russies: Кури́льское о́зеро, Koerilskoje ozero) is 'n kaldera en kratermeer op die Kamtsjatka-skiereiland, Rusland. Dit is ook as die Koerilskojemeer bekend.[1] Dit is deel van die Oostelike Vukaansone van Kamtsjatka wat saam met die Sredinni-reeks een van Kamtsjatka se vulkaangordels vorm. Dié vulkane ontstaan vanweë die subduksie van die Pasifiese Plaat onder die Ochotsk- en die Eurasiese Plaat.
Koerilemeer | |
---|---|
Ligging | Rusland |
Hoogte | 81 meter bo seevlak |
Reeks | Oostelike Bergreeks, Kamtsjatka |
Koördinate | 51°27′0″N 157°7′12″O |
Bergtipe | Vulkaanmeer |
Die Koerilemeer se ligging in Rusland. |
Voordat die Koerilemeer-kaldera gevorm het, was die Pauzjetka-kaldera aktief tydens die Pleistoseen en was dit die oorsprong van die 443 000 jaar oue Goligin-ignimbriet. Die Koerilemeer-kaldera het 41 500 jaar gelede uitgebars, en nog 'n klein uitbarsting het tussen 9 000 en 10 000 jaar gelede plaasgevind. Teen 6460-6414 v.C. het 'n baie groot uitbarsting voorgekom. Dit het die hedendaagse kaldera en die Koerilemeer-ignimbriet gevorm, en as tot 1 700 km van daar versprei. Die tefra het 'n volume van sowat 140-170 km3 gehad, wat dit 'n magnitude van VEI 7 gee. Dit was een van die grootstes tydens die Holoseen.
Die vulkane Diki Greben en Iljinski het om die kaldera ontwikkel; die laaste uitbarsting van Iljinski was in 1911. Die kaldera is gevul met water van sowat 76 km2 en sowat 316 m diep. Dit bevat die grootste voorraad blourugsalm in Asië.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.