![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/dd/Karkloof_Forest01.jpg/640px-Karkloof_Forest01.jpg&w=640&q=50)
Karkloof-natuurreservaat
From Wikipedia, the free encyclopedia
Die Karkloof-natuurreservaat, insluitend die Karkloofwoud, is 22 km noord van Howick, KwaZulu-Natal, Suid-Afrika geleë.
![Thumb image](http://upload.wikimedia.org/wikipedia/commons/thumb/d/dd/Karkloof_Forest01.jpg/640px-Karkloof_Forest01.jpg)
![Thumb image](http://upload.wikimedia.org/wikipedia/commons/thumb/4/46/RegionPMB_1898_Karkloof_Falls.jpg/640px-RegionPMB_1898_Karkloof_Falls.jpg)
Dit bestaan uit 'n groot (936 ha) misgordelwoud met inheemse geelhout- (Afrocarpus falcatus, Podocarpus latifolius en Podocarpus henkelii) en stinkhoutbome (Ocotea bullata).
Wildlewe sluit in samango-ape, blouduiker en bosbokke. Kroonarende (Stephanoaetus coronatus) broei hier, [1] en die bedreigde Kaapse woudpapegaai (Poicephalus robustus robustus) kom ook hier voor.
Endemies aan die gebied is 'n subspesie van die kuifkoptarentaal (Guttera edouardi symonsi),[2] en 'n dwergverkleurmannetjie (Bradypodion sp.) wat verwant is aan die Natalse Middellandse dwergverkleurmannetjie en die swartkopdwergkameleon.
Ander voëls wat hier aangetref word, is onder meer die Knysnaloerie (Tauraco corythaix), gestreepte kanarie (Crithagra scotops), witkoljanfrederik (Pogonocichla stellata), oranjelyster (Zoothera gurneyi), draaihals (Jynx ruficollis), goudstertspeg (Campethera abingoni) en breëkoparend (Polemaetus bellicosus). [3]