Calais, Vermont
From Wikipedia, the free encyclopedia
Calais is 'n dorp in die distrik Washington, Vermont (noordoostelike Verenigde State) met 'n bevolking van 1 529 volgens die sensus van 2000. Alhoewel die dorp na die Noord-Franse stad Calais vernoem is, word sy naam in Engels soos palace uitgespreek en nie soos chalet nie. Die dorp bestaan uit die wyke East Calais, North Calais, Kent's Corner, Maple Corner en Pekin.
Calais | |
|---|---|
Stad | |
 Die raadsaal van Calais (Calais Town Hall) | |
 Ligging van Calais in Vermont, VSA | |
| Koördinate: 44°21′48″N 72°27′59″W | |
| Land |  Verenigde State |
| Deelstaat | Vermont |
| County | Washington |
| Oppervlak | |
| • Totaal | 99,9 km2 (38,6 vk. myl) |
| • Land | 98,5 km2 (38,0 vk. myl) |
| • Water | 1,5 km2 (0,6 vk. myl) |
| Hoogte | 338 m (1 109 ft) |
| Bevolking | |
| • Totaal | 1 529 |
| • Digtheid | 15,5/km2 (40,2/vk. myl) |
| Tydsone | UTC-05:00 (EST) |
| • Somertyd | UTC-04:00 (EDT) |
| ZIP-kode | 05648; (Oos-Calais, 05650) |
| Skakelkodes | 802 |
| Webwerf | calaisvermont.gov |
Calais het vroeër 'n buurdorp met die naam Sodom gehad - blykbaar 'n verwysing na die feit dat hierdie dorpie nie oor 'n kerk besik het nie, maar wel oor 'n aantal steengroewe. Die inwoners het in 1905 'n petisie opgestel waarmee hulle die owerhede van Vermont versoek het om die dorp se naam na Adamant ("hard") te wysig - 'n verwysing na die harde granietgesteente van die omgewing.
Die Wheelock- en Parker-gesinne was in die laat 18de eeu die eerste setlaars in die gebied. Die omgewing van Calais is tot by die middel van die 19de eeu grootskaals ontbos om skaapweivelde vir die plaaslike wolbedryf aan te lê. Tydens die Amerikaanse Burgeroorlog (1861-1865) het baie vrywilligers van Calais in die Unie-regimente gedien.
Ná die oorlog het die landbouaktiwiteite in Calais op melkboerdery gekonsentreer, en nuwe boeregesinne het op die plase begin boer wat deur die families en weduwees van oorlogsveterane te koop aangebied is.
Calais was tot by die 1960's en 1970's soos 'n groot deel van Vermont 'n vesting van die Republikeinse Party, maar het intussen 'n oorwegend Demokratiese kiesafdeling geword. Die politieke verandering word toegeskryf aan nuwe burgers uit ander deelstate wat hulle hier gevestig het en ontevredenheid oor die Republikeinse Party se groeiende sosiale konserwatisme.
Volgens die Sesnsusburo van die Verenigde State het Calais 'n totale oppervlakte van 99,9 vierkante kilometer (38,6 vierkante myl), waarvan 1,5 vierkante kilometer (0,6 vierkante myl) water.
Van die dorp se bevolking is volgens die sensus van 2000 96,08 persent Blankes, 0,33 persent Swartes, 0,26 persent lede van die Eerste Nasies (Indiane), 0,2 persent Asiërs, 0,39 persent ander etniese groepe en 2,75 persent van gemengde etniese afkoms. 0,39 persent was, ongeag hulle ras, van Latyn-Amerikaanse afkoms. Die gemiddelde inkomste van 'n huishouding was 46 083 VSA-$ (331 200 ZAR, wisselkoers in Februarie 2007).
 |
Deelstaat Vermont |
|---|---|
| Onderwerpe |
Grondwet | Kultuur | Geografie | Regering | Geskiedenis | Ekonomie | Stede | Nedersettings in Vermont |
| Hoofstad | |
| Streke |
Champlainvallei | Groen Berge | Mount Mansfield | Northeast Kingdom |
| Distrikte |
Addison | Bennington | Caledonia | Chittenden | Essex | Franklin | Grand Isle | Lamoille | Orange | Orleans | Rutland | Washington | Windham | Windsor |
| Stede |
Barre | Burlington | Montpelier | Newport | Rutland | South Burlington | St. Albans | Vergennes | Winooski |
| Dorpe |
Bennington | Calais | Stowe | Williston |
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
