魚翅
From Wikipedia, the free encyclopedia
魚翅係中國傳統嘅名貴食材之一,喺《宋會要》度記載,係山珍海味中嘅一種,「鮑參翅肚」中嘅「翅」所指嘅正係魚翅。魚翅用鯊魚嘅鰭製成,通常同雞湯等煮成魚翅羹。
有講法話中國人食用魚翅嘅習慣源於鄭和,《明宮史》記載,明熹宗鍾意用魚翅、燕窩、蛤蜊整嘅「一品窩」,《本草綱目》載「(鮫魚)背上有鬣,腹下有翅,味並肥美,南人珍之」。香港係目前全球最大嘅魚翅轉口站同銷售點,港人食魚翅嘅風氣大概喺19世紀中開始。
魚翅本身無特別嘅味道,煮好後形成透明嘅絲狀。香港亦有人用粉絲、豬肉絲、木耳絲扮魚翅羹嘅街頭平價小食「碗仔翅」。日本亦有生產人造魚翅(素翅)。