From Wikipedia, the free encyclopedia
鄭和(1371年—1433年),原名馬和,乳名馬三寶或者馬三保,阿剌伯名حجّي محمود ,係中國航海家,響1405年到1433年之間七次下西洋。佢係大明國(中國明朝)嘅太監,所以叫三寶太監或者三保太監。佢係雲南昆陽出世,家族係回人,姓馬。佢三十三歲因戰功,賜咗姓鄭。
![]() |
因為鄭和嘅所有背景(有戰功嘅波斯裔嘅穆斯林太監)同主導大明政治嘅士大夫圈子格格不入,因此鄭和首度下西洋之所以可以成功,係由於朝廷內同儒家價值對立嘅派系成功合作嘅成果,依啲派系包括[1]:
响外交同軍事方面,鄭和下西洋嘅功蹟包括推翻斯里蘭卡王朝同蘇門答臘君主、懲治海盜並扶植麻六甲一小漁村將佢變成一強大國際貨品轉運站[1]。
鄭和係回族人,佢個波斯名為حاجی محمود شمس الدين(Hajji Mahmud Shamsuddin),六世先祖賽典赤•贍思丁係大元初期來自中亞嘅色目貴族,係布哈拉國王穆罕默德嘅後裔,曾任雲南行省平章,後追封為咸陽王。曾祖父伯顏响元大德十一年(1307年)任中書平章,曾祖母馬氏。祖父哈只米嘅納,祖母溫氏。父親原名米里金,漢名馬哈只(馬姓係漢化嘅阿拉伯語“穆罕默德”),襲封滇陽候,母溫氏。族人自稱咸陽世家[2]。
鄭和出生於明洪武四年(1371年),係馬哈只第二子,鄭和有姐妹四人[3]。洪武十三年(1381年)冬,大明軍隊進攻雲南,馬和僅十歲,被明軍副統帥藍玉掠走至南京[4],閹割成太監之後,進入朱棣嘅燕王府。永樂元年(1403年),姚道衍和尚收馬和為菩薩戒弟子[5],法名福吉祥[6]。
响靖難之變中,馬和响河北鄭州(今河北任丘北,非河南鄭州,另一說為「燕京鄭村壩」,今日北京東壩村[7]為燕王朱棣立下戰功。永樂二年(1404年),明成祖朱棣响南京禦書“鄭”字賜馬同鄭姓,去紀念戰功,史稱「鄭和」。並升任為內官監太監,官至四品,地位僅次於司禮監。鄭和有智略,知兵習戰,明成祖對鄭和十分信賴[8]。宣德六年(1431年),欽封鄭和為三寶太監。
根據明代御用相士中書舍人袁忠徹記述:「鄭和身長九尺,腰大十圍,四嶽峻而鼻小,眉目分明,耳白過面,齒如編貝,行如虎步,聲音洪亮。」下西洋前夕,明成祖有意選派鄭和領兵出洋,曾徵詢袁忠徹,袁回答:「三保姿貌、才智,內侍中無與比者,臣察其氣色,誠可任。「遂令統督以往,所至威服[9]。」
宣德八年(1433年)四月,鄭和响印度西海岸古裡去世,賜葬南京牛首山[10]。
鄭和收納長兄馬文銘之長子為嫡,名鄭文銘,字恩來,世襲錦衣衛千戶[11],居南京三山街(今馬府街)馬府。大清太平天國時期,馬府毀於戰火,室家蕩然無存[12]。鄭和後裔至今已傳至第21代。
鄭和係回族人,但同時信仰佛教,明史專家吳晗先生指出,由於南洋嘅許多國家,伊斯蘭教和佛教為主要信仰,大明政府選派回教徒“可以減少隔閡,辦好事”,而當時下西洋嘅隨行人員中信奉伊斯蘭教信徒有馬歡、郭崇禮、西安羊市大清真寺掌教哈三、泉州蒲壽庚後裔蒲日和同泉州清淨寺伊瑪目(教長)夏不魯罕丁嘅次孫夏文南等[13]。做為外交官,鄭和對第二啲宗教採包容和尊重嘅手法[1]。
鄭和出身於伊斯蘭教世家,祖父和父親都係虔誠嘅穆斯林朝聖者,曾到麥加朝聖。鄭和曾經响泉州靈山回教先賢墓行香,到泉州南安九日山清真寺祈禱。永樂十一年(1413年),鄭和重修西安清真寺[14]。
鄭和係道衍和尚菩薩戒弟子,自稱:「大明國奉佛信官內官太監鄭和,法名速南吒釋,即福吉祥[15]。」「大明國奉佛信官內官太監鄭和,法名福吉祥。謹發誠心施財命功,印造大藏尊經一藏,計六百三十五函,喜舍于雲南五華寺,永遠長生供養[16]。」下西洋途中,鄭和每逢佛教國家就向寺院佈施財物[13]。
由於水手多半信仰道教與中國民間信仰,尤其係對海神媽祖特別虔誠。流風所及,鄭和時常捐獻銀錢予媽祖廟,並且增修殿宇[17][18][19]。
鄭和自身角色認定,有世界史學者覺得,係結合帝國擴張、貿易促進同知識拓展,好似佢死前一年1432年所立嘅石碑題文,除了有擴張宣稱「皇明混一海宇,超三代而軼漢唐,際天極地,罔不臣妾。」亦有對商人搵到地理學家嘅敬重語:「其西域之西,迤北之國,固遠矣,而程途可計[1]。」
鄭和航海生涯,始于永樂元年,先係出使暹羅,永樂二年出使日本,年底會朝覆命。跟著係奉敕七下西洋。前後共出洋九次。
永樂元年(1402年),太監鄭和等奉差出使暹羅國。經廣州大星洋,忽遇風濤,鄭和祈天妃保祐,風平浪靜[20]。出使過程中鄭和船隊舟師沿途累次校正針路,牽星圖樣,海島水勢山形,畫成圖樣[21]。鄭和番嚟後,奉命整理天妃廟。
1402年明成祖派遣使臣分赴四方。永樂元年(1403年)琉球、日本、暹羅各國使節到中國朝貢,建立了宗藩與冊封關係。
永樂二年(1404年)倭寇騷亂直隸、浙江,明成祖派遣中官鄭和往日本,奉敕討賊[22],由寧波附近嘅桃花渡出海[23]。1405年日本王源道義遣使,獻响壹歧,對馬等島所俘獲嘅倭寇;乃命來使按佢本國法處置,令一人生火,將倭寇上蒸籠蒸殺。明成祖嘉獎源道義勤誠,遣鴻廬寺少卿潘賜,內官王進等齎璽書冕服,賜日本王,令十年一貢[24]。
鄭和統督水師十萬到達日本,向室町幕府第三任將軍足利義滿宣旨:「使佢自行剿寇,治以本國之法[25]。」足利義滿同時受大明封賞,並派遣使節獻上抓獲嘅倭寇,與大明正式建立了外交關係。雙方簽訂了《勘合貿易條約》,日本以屬國嘅名義對大明進行朝貢貿易。大明賜足利義滿「日本國王」金印一枚,足利義滿回書自稱「日本國王,臣源義滿」。
有人對「鄭和出使日本」嘅真實性存疑,尤其係「水師十萬到日本」嘅講法[26]。
1405年7月11號(明永樂三年)明成祖命鄭和率領龐大嘅二百四十多海船、二萬七千四百名船員組成嘅船隊遠航,訪問了30多個响西太平洋和印度洋嘅國家和地區,加深了中國同東南亞、東非嘅相互瞭解。每次都由蘇州劉家港出發,一直到1433年(明宣德8年),佢一共遠航了有七次之多。最後一次,宣德八年四月番到古裡時,响船上因病過世。民間故事《三寶太監西洋記通俗演義》將佢嘅旅行探險稱之為三寶太監下西洋。
鄭和下西洋中所做嘅海外政治幹預中,以長遠影響來看,最重要嘅係操縱麻六甲海峽(往來中國同海洋貿易嘅要道),選擇扶植強盜頭子拜裡迷蘇剌,於1409年鄭和授與其國璽同皇袍。拜裡迷蘇剌曾親自往中國朝貢,使其响麻六甲沼澤地嘅據點成為日漸富庶繁榮嘅商業中心 [1]。
鄭和曾到達過爪哇、蘇門答臘、蘇祿、麻六甲、彭亨、真臘、古裏、暹羅、榜葛剌、阿丹、天方、左法爾、忽魯謨斯、木骨都束等三十多個國家,最遠曾達非洲東岸,紅海、麥加,並有機會到過澳大利亞。據記載,鄭和嘅船隊曾到達非洲東岸赤道以南嘅麻林地、慢八撒[27]以及拉穆[28]等地。
永樂三年六月十五(1405年7月11號)奉詔出使西洋。同年冬,從南京龍江港啟航,經太倉出海,永樂五年九月初二(1407年10月2號)番番國家。第一次下西洋人數據載有27800人。
永樂五年九月十三日(1407年10月13號)出發,到達汶萊、泰國、柬埔寨、印度等地,响錫蘭山迎請佛牙,隨船帶番,永樂七年夏(1409年)番番國家。第二次下西洋人數據載有27000人。
永樂七年九月(1409年10月)太監鄭和、王景弘、候顯等統率官兵二萬七千餘人,駕寶舟四十八號出使西洋[29]。九月從太倉劉家港啟航,費信、馬歡等人會同前往,到達越南、馬來西亞、印度等地,番嚟國家途中訪錫蘭山,永樂九年六月十六(1411年7月6日)番番國家。
永樂十一年十一月(1413年11月)出發,隨行有通譯馬歡,繞過阿拉伯半島,首次航行東非麻林地,永樂十三年七月初八(1415年8月12號)回國。同年11月,麻林迪特使來中國進獻“麒麟”(即長頸鹿)[30]。第四次下西洋人資料載有27670人。
永樂十五年五月(1417年6月)出發,隨行有僧人慧信[31],途經泉州,到占城、爪哇,最遠到達東非木骨都束、蔔喇哇、麻林等國家,永樂十七年七月十七(1419年8月8號)番番國家。
永樂十九年正月三十日(1421年3月3號)出發,往榜葛剌(孟加拉),史載「於鎮東洋中,官舟遭大風,掀翻欲溺,舟中喧泣,急叩神求佑,言未畢,……風恬浪靜」,中道番去,永樂二十年八月十八(1422年9月2號)回國。永樂二十二年,明成祖死咗,仁宗朱高熾即位,因經濟空虛,下令停止下西洋嘅行動。
宣德五年閏十二月初六(1431年1月)由龍江關(今日嘅南京下關)開船,開始返航後,鄭和因為勞累過度於宣德八年(1433年)四月初响印度西海岸古裡死嘅,遺體埋葬於古裡[32],船隊由太監王景弘回程,宣德八年七月初六(1433年7月22號)番去南京。第七次下西洋人數據載有27550人。
南京天妃宮喺鄭和第一次下西洋返到南京後建造,有近600年歷史。1937年日軍佔領南京,南京天妃宮全部建築被毀,蕩然無存。為紀念鄭和下西洋600周年,南京市喺2004年7月開始重建天妃宮,2005年5月3號,天妃宮落成,5月4號對外開放。
鄭和墓位於南京南郊牛首山麓,經修整後完全保留原有嘅歷史特徵同埋穆斯林葬儀嘅習俗、規格同風貌,墓園下有28級臺階,象徵鄭和航海28年,每個平臺7級臺階,象徵佢七下西洋,此外重建有碑亭同埋「南京鄭和墓史料陳列館」。牛首山鄭和墓有機會係衣冠塚。南洋華僑傳說,鄭和葬喺印尼爪哇三寶瓏。
馬哈只之嘅墓雖然早已有,但喺永樂九年,鄭和奉命重修,由李志剛撰寫新墓誌銘。而家馬哈只墓同墓碑保存喺雲南省晉甯縣昆陽街道鄭和公園內,係全國重點文物保護單位。
鄭和北京故居喺今日德勝門內大街路西三不老胡同[36]。
鄭和收大佬嘅大仔為嫡後,遷居南京三山街一所大宅[37][38],為紀念先祖,名之為「馬府」;馬府原有房屋72間,但响太平天國戰爭中被夷為平地。1983年考古學家响南京太平公園(舊稱馬家花園)出土鄭和府第遺物,有龍泉窯瓷器、宜興紫砂、景德鎮青花等。
「婁東劉家港天妃宮石刻通番事蹟」碑或「天妃宮石刻通番事蹟記」碑,簡稱「通番事蹟」碑,由鄭和、王景弘等人喺明宣德六年(1431年)撰鐫,立於江蘇太倉瀏河天妃行宮嘅牆壁中。後來湮沒,下落不明。而家已重建。
為祈求搵到感謝天妃媽祖嘅保佑,鄭和、王景弘等人喺第七次下西洋之際,喺福建長樂南山重修天妃宮,並立下「天妃靈應之記」碑。
福建南平市文化館收藏一口鄭和喺明宣德六年(1431年)祈保下西洋往返平安雙龍紋銅鐘,上有銘文:「永遠長生供養,祈保西洋往回平安,吉祥如意者。大明宣德六年歲次辛亥仲夏吉日,太監鄭和,王景弘同官軍人等,發心鑄造銅鐘一口」[39]。
斯里蘭卡鄭和碑用中文、泰米爾文同波斯文三種文字寫成,1911年喺斯里蘭卡南部海港城市加勒搵到,而家保存喺斯里蘭卡國家博物館。[40]。
2005年10月,喺南京江寧區韓府山東麓發掘出鄭和副手楊慶墓[41]。
南京祖堂山搵到鄭和副使明都知監太監洪保墓[42]。
海內外有好多鄭和寺廟[43]
經中華人民共和國國務院批准,自2005年起,每年嘅7月11號被定為中國嘅航海節,並規定全國所有船舶鳴笛掛彩旗,係取鄭和首次下西洋之日期1405年7月11號。
為紀念鄭和下西洋600周年,中央電視臺、鄭和下西洋600周年紀念活動籌備領導小組、江蘇廣播電視臺聯合制作一部電視紀錄片:《1405:鄭和下西洋》。
為紀念鄭和下西洋600周年,中央電視臺同長樂市委、等單位聯合出品59集大型電視劇《鄭和下西洋》。主演:羅嘉良、唐國強、杜雨露、於小慧。
為了紀念航海家鄭和,南沙群島入面有一群礁名為鄭和群礁。
東南亞一帶嘅華人相信,鄭和將軍係所有華人嘅驕傲,也有人把佢當成神來膜拜。佢哋覺得鄭和很了不起,而且擁有超自然嘅神力,好似神祇一般。更有人當鄭和係「財神爺」,有些旅行團嘅導遊特地安排旅客們去親手摸摸佢嘅雕像,以招來財運。[44]。
响弗諾•文奇嘅小說天淵入面,貿易者組織比人叫做鄭和。