From Wikipedia, the free encyclopedia
馬騮（粵拼：maa5 lau1），書面語嗌做猴（粵拼：hau4），係靈長類動物。馬騮有成 264 種，佢個樣同猿好相似，兩樣都好似無乜分別，所以多數人都會當某啲猿係猴。但係事實上，猿係無尾嘅，加上身型比較大隻，唔同馬騮。
馬騮同人一樣，係雜食動物，以生果，雀蛋，昆蟲為主，睇佢咩品種。馬騮進食後吐出或屙出嚟嘅種子，可以喺第啲林地生長，而馬騮亦係大型食肉動物（例如：豹）嘅食物來源，對森林生態好有貢獻。
馬騮可以話係亞洲嘅產物。分布印度、東南亞（泰國，馬來西亞，越南）、中國大陸（海南島，廣東，廣西）、臺灣，香港等地。可分3個亞種。
喺印度等地方，因為馬騮所住嘅森林大受破壞，令佢哋被迫走入市區搵食，結果令佢哋變成賊仔，識得打開雪櫃，搶飯盒，造成滋擾。中國一啲農地，亦都係因為森林逐漸減少，吸引唔少馬騮走去偷食，造成猴患。
喺香港郊野公園所見嘅品種，主要以恆河猴為主，另外重有長尾獼猴同佢哋嘅雜種，以前香港係恆河猴嘅原產地之一，但相信已經絕種。現時啲人見到嘅馬騮，聽講係後期有人刻意放生，再變成而家嘅野生品種。
野生馬騮最多出現喺「馬騮山」。人養而開放畀公眾嘅有嘉道理農場，而家舊「鹿苑」改建為馬騮籠，有三隻馬騮，二仔一女。而以前荔園動物園亦都有養馬騮。
馬騮係中國嘅12生肖之一，排第九。
關於馬騮個名點蒞，有唔同講法：
據講以前馬舍有瘟疫，之後放馬騮喺馬籠度養，跟著啲馬就無事啦。所以後來就用「馬騮」嚟代表「猴」。
同馬冇乜關係，馬騮係古代中文「猱」嘅反切音[未記出處或冇根據]，猱即係猴[1]。馬騮舊時又叫「馬留」[2]或「馬流」[註 1]。 壯語以maxlaeuz【ma˦˨ lau˧˩】指「猴」[4]，讀音接近粵語「馬留」文讀音，所以「馬騮」應該係壯語音譯。
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
