From Wikipedia, the free encyclopedia
香港快運航空(英文:Hong Kong Express Airways Limited,簡稱HK Express)係香港第2間同埋依家唯一一間廉價航空公司,以香港國際機場作為樞紐,提供來往亞太地區主要城市嘅航空客運服務。
![]() |
---|
呢篇文係香港航空系列之 一 |
|
|
|
其他香港系列 |
如果唔計已經執咗嘅舊香港航空,香港快運航空係香港第四間航空公司。
1995年,富商何鴻燊創辦香港聯合直升機公司。
1997年,攞到航空營運許可證牌照,提供來往香港同埋澳門嘅直昇機服務。
2004年,決定投資飛機民航業務,以發展香港至中國二級城市嘅航線為目標,並改名做港聯航空公司。
2005年4月,港聯航空攞到空運牌照局嘅空運牌照,喺同年5月攞到來往香港至廣州、杭州、重慶、南京同埋寧波嘅航線經營權;廣州航線喺同年9月首航,而杭州航線就喺同年10月首航。
港聯航空之後租咗四架由巴西航空工業公司生產嘅ERJ-170噴射式客機。第一架喺2005年7月接收,其餘三架就喺2006年4月前接收。
後期海航集團同港聯航空達成協議,買咗港聯航空45%股權;何鴻燊家族就持有另外嘅55%股份。
2007年1月29號,港聯航空正式改名做香港快運航空。(實際上已經喺2006年11月29號改咗[1])同年4月起,香港快運航空陸續將機隊裏便嘅ERJ-170噴射式客機退租,並由波音737-800型客機取代。
2008年7月,何鴻燊賣咗15%畀鼎洋投資主席蒙建強,因為佢同海航集團關係密切,令海航做咗實際嘅大股東[2]。
2013年6月,宣布轉型做低成本航空,以迎合香港同埋亞太市場對廉價旅行日益增長嘅需求。
2013年7月3號,一度改名做「香港嘉速航空有限公司」,但係同月15號就改番原名[3]。
2016年1月18號,宣布同海航集團旗下3間廉航組成「廉航聯盟」,新成立聯盟叫「優行聯盟」。除咗香港快運,首批成員重有西部航空、祥鵬航空同埋烏魯木齊航空。
2016年12月12號,接收香港同埋北亞地區第一架Airbus A320neo飛機。
2019年3月27號,國泰航空宣布以港幣49.3億收購香港快運航空。喺同年12月31號(或之前)完成交易後,將成為國泰旗下全資子公司[4]。
2019年7月19號,國泰航空公布,已完成收購香港快運航空全數股權。
2014年1月,正式公布全新企業形象。全新嘅機身塗裝同埋企業標誌融入咗香港維多利亞港同埋城市輪廓嘅元素,大量用紫色同紅色,取代原本嘅紅色同金色,並由3月底起,陸續推廣去成個香港快運嘅品牌裏便。另外,喺廣告同埋宣傳上面亦都用 HK Express,以彰顯全新嘅營運精神[5]。目前佢喺香港公司註冊處記錄中嘅原中、英文名繼續保留[6]。
香港快運喺2015年推出全新嘅機艙服務員制服。新設計沿用企業主導嘅紫色,並喺呢個基礎下新增繪圖特有嘅銀色,帶出雙重色調同呼應品牌嘅連貫性。制服用咗靚啲嘅布料縫製,女裝制服以紫色外套同暗淡嘅銀色淡光同品牌嘅主色互相配搭,雙色調嘅銀色裙以紫色線加喺領同埋腰做點綴。而男裝就以深灰色外套,西裝袋同口袋邊、配以白色短袖嘅領口同埋前胸,都加上紫色線條元素,同女裝制服達致首尾呼應效果[7]。
新制服旨在帶出佢嘅品牌特色:有個性、專業而且充滿趣味。但喺新設計下,空服員同乘務長用埋同一套設計嘅制服,職級淨係可以靠個名牌顯示,同以前用唔同顏色嘅頸巾識別職級嘅做法唔同。呢個做法可以慳番整制服嘅錢,符合低成本航空高效率嘅營運原則。
(已取消)香港快運係優行聯盟(U-FLY Alliance)嘅首批成員,聯盟其他成員重有西部航空、祥鵬航空、烏魯木齊航空同埋易斯達航空(en:Eastar Jet)。
香港快運用空中巴士A320窄體客機,平均機齡為4.6年。客機以單一經濟艙佈局,亦都方便喺中、小型機場升降。
機隊數量計劃喺未來4年裏便增加到30架客機,客機包括:
機型 | 數量 | 訂咗 | 引擎 | 載客量 | 飛機編號 | 備註 |
---|---|---|---|---|---|---|
空中巴士A320-214 | B-LPB B-LPF B-LPG B-LPH B-LPE |
| ||||
空中巴士A320-232 | B-LCA B-LCB B-LCC B-LCD B-LCE B-LCF B-LCG B-LCH B-LCI B-LCJ |
B-LCA-「燒賣」 "Siu maai" | ||||
空中巴士A320-271neo | B-LCL B-LCM B-LCN B-LCO B-LCP |
B-LCL-「鯊魚」 "Shark" (Say no to Shark Fin) | ||||
空中巴士A321 | B-LEA |
B-LEA - 2016年10月29號交機,係第一架A321 | ||||
夾埋 |
香港快運嘅A320-200客機採用座椅間平均間距為28英寸(71cm)嘅設計,呢兩款機種最大載客量為 174 / 180。[8][9]
2015年10月,宣佈喺2016年加入4架A320neo型客機同埋2架A321型客機[10],並喺其後至2018年期間,每年接收唔少過4架A320neo型客機[11]。
香港快運航空由波音737-800轉用同級嘅空中巴士A320-200,以提高服務同埋慳番維修嘅錢。
香港快運[12]航點如下:
樞紐機場 | |
包機航點 | |
將來航點 | |
已終止航點 |
航點 | 國家 | IATA | ICAO | 機場 | 備註 |
---|---|---|---|---|---|
香港 | ![]() |
HKG | VHHH | 香港國際機場 | |
東京 | ![]() |
HND | RJTT | 東京國際機場 | |
東京 | ![]() |
NRT | RJAA | 成田國際機場 | [13] |
大阪 | ![]() |
KIX | RJBB | 關西國際機場 | |
名古屋 | ![]() |
NGO | RJGG | 中部國際機場 | [14] |
福岡 | ![]() |
FUK | RJFF | 福岡機場 | |
廣島 | ![]() |
HIJ | RJOA | 廣島機場 | [15] |
高松 | ![]() |
TAK | RJOT | 高松機場 | [16] |
鹿兒島 | ![]() |
KOJ | RJFK | 鹿兒島機場 | [16] |
石垣 | ![]() |
ISG | ROIG | 新石垣機場 | [16] |
熊本 | ![]() |
KMJ | RJFT | 熊本機場 | |
首爾 | ![]() |
ICN | RKSI | 仁川國際機場 | |
釜山 | ![]() |
PUS | RKPK | 金海國際機場 | [17] |
濟州 | ![]() |
CJU | RKPC | 濟州國際機場 | [18] |
臺中 | ![]() |
RMQ | RCMQ | 臺中清泉崗機場 | |
花蓮 | ![]() |
HUN | RCYU | 花蓮機場 | [19] |
馬公 | ![]() |
MZG | RCQC | 馬公機場 | |
清邁 | ![]() |
CNX | VTCC | 清邁國際機場 | |
清萊 | ![]() |
CEI | VTCT | 清萊國際機場 | [20] |
布吉 | ![]() |
HKT | VTSP | 布吉國際機場 | |
曼谷 | ![]() |
BKK | VTBS | 蘇凡納布國際機場 | |
曼谷 | ![]() |
DMK | VTBD | 廊曼國際機場 | |
峴港 | ![]() |
DAD | VVDN | 峴港國際機場 | [21] |
芽莊 | ![]() |
CXR | VVCR | 金蘭國際機場 | [22] |
仰光 | ![]() |
RGN | VYYY | 仰光國際機場 | [23] |
曼德勒 | ![]() |
MDL | VYMD | 曼德勒國際機場 | [23] |
暹粒 | ![]() |
REP | VDSR | 暹粒-吳哥國際機場 | |
長灘島 | ![]() |
KLO | RPVK | 卡利博國際機場 | |
檳城 | ![]() |
PEN | WMKP | 檳城國際機場 | |
亞庇 | ![]() |
BKI | WBKK | 亞庇國際機場 | [24] |
古晉 | ![]() |
KCH | WBGG | 古晉國際機場 | |
昆明 | ![]() |
KMG | ZPPP | 昆明長水國際機場 | |
寧波 | ![]() |
NGB | ZSNB | 寧波櫟社國際機場 | [25] |
銀川 | ![]() |
INC | ZLIC | 銀川河東國際機場 | |
鄭州 | ![]() |
CGO | ZHCC | 鄭州新鄭國際機場 | |
黃山 | ![]() |
TXN | ZSTX | 黃山屯溪國際機場 | |
蘭州 | ![]() |
LHW | ZLLL | 蘭州中川國際機場 | [26] |
無錫 | ![]() |
WUX | ZSWX | 蘇南碩放國際機場 | [27] |
敦煌 | ![]() |
DNH | ZLDH | 敦煌機場 | |
包頭 | ![]() |
BAV | ZBOW | 包頭機場 | |
關島 | ![]() |
GUM | PGUM | 安東尼奧·汪帕特國際機場 | 淨係來往名古屋 |
塞班 |
![]() |
SPN | PGSN | 塞班國際機場 | [28] |
據獨立飛行資訊網Flightstats.com統計,香港快運航空被評做香港最準時嘅航空公司,佢嘅航班可以喺公布時間十五分鐘內起飛同埋去到目的地嘅比率高達88%。
香港快運航空設有24小時訂位服務熱線,幫旅客全天候處理票務同埋更改航班等事宜,同時旅客都可通過流動版網站,用手提裝置訂機票同埋瀏覽資訊。
喺2015年中加咗網上修改訂單功能,旅客唔使打電話就可以自己改。
香港快運航空喺各地機場提供多項顧客服務。喺總樞紐同埋基地香港國際機場,香港快運航空登機櫃檯同埋服務櫃位設喺一號客運大樓H段,幫旅客做登機手續同埋行李寄倉,但要搭旅客捷運系統,番到中場客運廊(閘口201-230)上機。此外,旅客如有需要,可以於喺做登機手續嗰陣同地勤買舒適空間位。呢啲位喺機艙前面同埋緊急出口附近,有大啲嘅椅距同埋空間,但係緊急岀口附近嘅座位唔可以拉後,重要求乘客完全同意航空公司所制定嘅乘坐緊急出口座位時嘅一切規則。
依家,香港快運航空官方網站有三種價錢畀人揀,分別叫《自由飛》、《自由飛+》同埋《輕鬆飛》。
《自由飛》除機票本身附有嘅運送旅客同埋手提行李外,唔跟寄倉行李、預先揀位等增值服務,所以旅客要因應自己嘅需要自己揀。旅客可以喺買機票嗰陣一齊買,或者喺買機票之後打客戶服務熱線、用官方網站中嘅行程管理功能喺指定嘅時間裏便加番寄倉行李等增值服務。上述三種購買方式所需嘅費用係唔同,喺現行規定下,喺買機票嗰陣一齊買係最抵。官方網站上列明嘅增值服務費用係單程嘅,要買多程增值服務嘅話就要畀各程增值服務費嘅總和。旅客亦可因應需要喺每一程買唔同組合嘅增值服務。買咗嘅增值服務唔畀改同埋冇得退款。如果寄倉行李超過之前買咗嘅重量,會當做超重行李處理。寄倉行李喺合符指定尺寸規格同埋總重量唔超過之前買咗嘅重量之下,唔限件數,而每一件行李嘅重量唔理喺咩情況,都唔可以過32公斤。
買咗《自由飛》機票嘅旅客喺未有買寄倉行李但喺做登機手續嗰陣時俾地勤要求張行李寄倉嘅情況下,需決定即場畀錢買寄倉行李或自己以其他方式(包括另行郵寄、放棄等)處理。所收取嘅寄倉行李費用比較事前畀錢購買時嘅收費為高。
《自由飛+》定價比自由飛高,但係有下列除自由飛所包括嘅服務外嘅增值服務:
《輕鬆飛》定價喺三者之中最高嘅,但可享有下列除自由飛所包括嘅服務外嘅增值服務:
而經代理買嘅機票,寄倉行李嘅重量限制可能會唔同或者唔跟。
2016年4月14號,HK Express 宣佈調整託運行李費[29]。
寄倉行李費由2016年11月3日開始改咗。 http://www.hkexpress.com/zh-hk/plan/our-fares/our-fees
2016年4月14號,香港快運航空宣布推出名為「HK Express reward-U」嘅獎勵計劃[30]。
呢個計劃容許以個人或者由最多5個人組成嘅小組(稱為「reward-U 小隊」)因應喺香港快運航空買機票(唔包括 喺買機票時所徵收嘅稅項同埋其他費用)同埋由航空公司所指定嘅增值服務所消費嘅金額累積積分,換購機票同埋各種增值服務。每駛咗港幣1蚊,就賺到10分 reward-U積分。
要儲夠 40000分,先至可以開始兌換機票畀任何人。你可以揀全數用分換,或者只用部份分再加錢換機票。40000分可以當HK$200使。
積分由出發日或者活動日期起計,有效期為3年,所有積分都喺每個月月尾結算。呢個計劃亦都比會員喺畀咗手續費HK$250之後,將積分過畀其他會員。
香港快運航空喺飛機上提供各種自選同埋收費嘅飛機餐、凍/熱野飲同埋酒精飲品,包括香港點心同埋亞洲美食以至其他各種特色食品。
《UO雜誌》係香港快運航空整嘅雜誌,由文墨出版有限公司出版,喺2013年12月創刊[31]。
《UO雜誌》以時髦、型格同最實質嘅香港作為基調,特別針對年輕、具悟性同埋冒險嘅讀者而設,按月以旅遊、休閒、購物、美食、探險同人做封面主題。同其他雜誌唔同嘅係,《UO雜誌》歡迎讀者分享佢嘅旅遊經歷同埋相,被揀中嘅會喺雜誌上刊登。雜誌除咗喺香港快運航班上免費畀乘客睇,亦可透過網上睇電子版。
2015年11月起,香港快運航空機上雜誌改為由Hopewill Marketing & Service Ltd.編輯製作,改名做《Uexplore》。[32]
《UO雜誌》《Uexplore》嘅最新一期同埋舊刊可以喺香港快運航空官方網站上以電子書形式免費睇。
香港快運航班上設有商品銷售服務,產品嚟自全球最大機艙免稅商DFASS,機艙免稅雜誌"U" Order"就匯聚46個國際牌子畀旅客選購。"U" Order"用顏色編碼做產品分類,方便旅客輕鬆快捷瀏覽同埋揀心儀產品。此外,香港快運更推出一系列自家品牌產品喺"U"Order"獨家出售,迎合唔同旅客嘅需要。
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.