政府飛行服務隊

政府飛行服務隊係隸屬香港政府保安局嘅紀律部隊之一，喺1993年4月1號成立，前身係皇家香港輔助空軍。現時請咗 227 個公務員。佢哋主要嘅職責係執行搜索同埋拯救任務。另外，佢哋亦都會幫政府影空中相，用來整地圖、測量填海工程、支援偏遠山區同離島嘅各項政府服務。

呢篇文係香港航空系列之 一
官方機構 民航處 機場管理局 政府飛行服務隊 香港義勇軍航空部隊 皇家香港輔助空軍
民間飛行組織 香港飛行總會
航空配套 港機工程
香港機場 赤鱲角機場 石崗機場 啟德機場 （啟德發展計劃） 粉嶺機場 沙田機場
香港航空公司 國泰航空／HK Express 香港華民航空 香港航空 香港貨運航空 大灣區航空 空中快線 香港執咗笠嘅航空公司一覽 國泰港龍航空
其他香港系列
文化 - 經濟 - 教育 地理 - 歷史 - 政治 香港主題首頁

飛行服務隊嘅總部位於香港國際機場入面，佔地 八萬四千平方米，包括一幢辦公連工場嘅大樓、一座單層嘅飛機庫、重有幾座附屬建築物、停機坪同埋其他相關嘅設施。

現時政府飛行服務隊嘅總監係胡偉雄，佢亦係服務隊嘅最高指揮官，直接向保安局局長負責。

理想

香港政府飛行服務隊嘅理想係成為「被舉世公認為優秀嘅空中搜救及飛行支援部隊」。

架構

香港政府飛行服務隊可以分為五個主要小組：行政組、行動組、訓練及標準組、品質保証組、同埋工程組。

服務範圍

佢哋嘅主要任務係為香港政府各個部門提供每個星期七日、每日廿四小時嘅直升機同定翼機緊急支援服務。其中包括：

• 搜索及拯救
• 空中救護服務
• 警務支援服務
• 滅火服務
• 空中測量服務
• 一般政府支援服務

警務支援服務

服務隊不時會支援其他紀律部隊執行維持香港內部嘅保安職務。香港警務處嘅特警隊同埋警察機動部隊經常借用服務隊嘅直升機來進行訓練同埋參與行動。由於捷流 41 型定翼機嘅設備先進、可以用喺長途飛行，因此警務處同香港海關經常借用來作秘密巡邏，以偵緝走私、非法入境同埋販毒嘅活動。

滅火服務

超級美洲豹L2直升機可以運載大量嘅水，救山火特別啱用。服務隊會聯同漁農自然護理署同埋消防處聯合進行滅火行動。超級美洲豹 L2 直升機除咗有一般嘅消防桶裝置之外，亦可以喺機肚下面裝上單缸滅火系統同埋滅火泡沫釋放系統，加強滅火功能。

空中測量服務

所有捷流 41 型定翼機都經過改裝，加裝新型嘅高質素空中測量攝影機，用來影相同埋繪製地圖、測量填海工程之類嘅工作。

一般政府支援服務

服務隊嘅直升機亦會為各個政府部門提供支援服務，包括接載貴賓遊覽香港、接送太平紳士前往某啲偏遠地區、幫建築工程影相，以及運送工作人員同設備去支援位於山上同埋離島嘅多項政府設施。

重要拯救事件

2005年

• 2月14號，拯救大埔林村梧桐寨瀑布被繩索纏繞受傷嘅昏迷人士
• 6月16號，擔杆島拯救兩名人士
• 7月29號，香港漁船「珠萬四181」離岸搜救行動
• 7月29號，貨輪 "Behice" 離岸搜救行動
• 9月18號，工程船「穗港起重2號」離岸搜救行動
• 11月11號，貨船搜救行動

現役機隊

定翼機隊

• 捷流（Jetstream）41 定翼機：兩架
  • B-HRS
  • B-HRT

直升機隊

AS-332L2 MkII「超級美洲豹」直升機

• AS332 L2 「超級美洲豹」（Eurocopter Super Puma）直升機：三架。外號「超級美洲豹」，配備單缸滅火系統，可以喺火場掟水彈。編號分別係：
  • B-HRL
  • B-HRM
  • B-HRN

EC-155 B1 直升機

• 歐洲直升機公司 EC155 B1（Eurocopter Dauphin）直升機：四架。外號「海豚」，因為機頭外型似。原本有五架，編號 B-HRX 喺2003年8月執行任務期間墜毀。主要負責短程搜救行動以及為警方提供空中支援及運輸服務。編號分別係：
  • B-HRU
  • B-HRV
  • B-HRW
  • B-HRY

未來機隊

歐洲直升機公司 H175 型7架。

退役嘅機

• 三架美國西科斯基S-70A-27 黑鷹直升機（即軍用 UH-60L）；八架美國西科斯基 S-76（包括A++同埋C型）；兩架Beechcraft King Air巡邏定翼機。由於機體老舊及性能未能滿足任務嘅需要而陸續退役。

職級

以下係香港政府飛行服務隊嘅各個職級，括弧入面係表示職級人員嘅階級徽章。

• 總監（1洋紫荊1禾花）
• 機師
  • 總機師（1洋紫荊2軍星）
  • 高級機師（1洋紫荊1軍星）
  • 一級機師（1洋紫荊）
  • 一級機師（3軍星）
  • 二級機師（2軍星1橫槓）
  • 二級機師（2軍星）
  • 見習機師（1軍星）
• 飛機工程師
  • 總飛機工程師（1洋紫荊2軍星）
  • 高級飛機工程師（1洋紫荊1軍星）
  • 飛機工程師（1洋紫荊）
  • 飛機工程師（3軍星）
  • 飛機工程師（2軍星1橫槓）
  • 總飛機技術員（2軍星）
  • 高級飛機技術員（1軍星）
• 空勤主任
  • 高級空勤主任（1洋紫荊1軍星）
  • 一級空勤主任（1洋紫荊）
  • 一級空勤主任（3軍星）
  • 二級空勤主任（2軍星1橫槓）
  • 二級空勤主任（2軍星）
  • 三級空勤主任（2軍星）
  • 三級空勤主任（1軍星）
• 飛機技術員
  • 總飛機技術員（2軍星1橫槓）
  • 高級飛機技術員（2軍星）
  • 高級飛機技術員（1軍星）
  • 飛機技術員（1軍星）

請睇職級徽章

合作部門

• 香港海事救援協調中心
• 香港民航處
• 香港消防處
• 地政總署
• 香港警務處
• 香港天文台
• 電訊管理局

爭議事件

12名港人被捕事件

内文：12港人案

喺2020年8月23號，12名曾經參與反送中運動抗爭嘅人，坐快艇流亡台灣，喺香港東南嘅海域被內地公安拘捕。當時有報道指，飛行服務隊嘅定翼機曾經喺相關水域上空盤旋，被質疑係協助警方行動。去到2020年12月22號，美國商務部公布制裁一批同中國軍方有聯繫嘅實體，限制佢哋購買美國商品同埋技術，以防止佢哋不恰當轉移美國技術，其中就包括咗政府飛行服務隊^[1][2]。

出面網頁

• 香港政府飛行服務隊官方網頁
• 政府飛行服務隊條例

參考

1. 〈美國商務部把香港飛行服務隊列入黑名單 - RTHK〉。news.rthk.hk (臺灣中文)。喺2020-12-22搵到。
2. 〈美國限制逾百中俄企業部門購買技術產品 包括香港飛行服務隊 | 立場報道 | 立場新聞〉。《立場新聞 Stand News》 (英文)。原著喺2021-07-08歸檔。喺2020-12-22搵到。