![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/2/2a/Amarube_bridge_20110812.jpg/640px-Amarube_bridge_20110812.jpg&w=640&q=50)
餘部橋梁
From Wikipedia, the free encyclopedia
餘部橋梁,日本一橋,行火車,歸入火車橋一類,一九一二年啟用,喺兵庫縣美方郡香美町香住區餘部。原為鐵橋,二〇一〇年改建石屎橋。舊橋大部份已拆,留有西端部份留做空之驛。條橋為西日本旅客鐵道一部份,歸山陰本線。橋底有長谷川同國道一百七十八號[1]。
![Thumb image](http://upload.wikimedia.org/wikipedia/commons/thumb/2/2a/Amarube_bridge_20110812.jpg/640px-Amarube_bridge_20110812.jpg)
由於戰後一度廢除部份唐字,餘化為余,故此亦寫做余部橋梁。之不過戰後橋頭開咗新站,為咗唔撞名,寫成餘部驛,用返原字[2]。橋有新有舊,史上有好多叫法,如鐵橋,如高架橋,如陸橋等。梁字為樑本字,日本戰後一度廢除,故此曾改用平假名。
鐵橋來自明治時期,當時同俄國打仗,亦即日俄戰爭。山陰即山北面,南面日光有山遮住叫陰,日本來講,中部對住日本海嗰邊。橫渡日本海,另一邊就到俄國。鐵道院想打通依邊鐵路。鐵橋就屬依一環。由於唔想起長橋,亦唔想起長隧道,決定餘部起鐵橋。鐵橋技術由美國引入,故此有啲美國風格。起好多座鐵架,承擔上面鐵路。一九〇九年起橋時,法令唔用得無技術大清勞工,然而同朝鮮簽約,起用咗唔少朝鮮勞工。
不過鐵架要承受海風,風中水份鹽份,會侵蝕鋼鐵。外面要油油防鏽。第二次世界大戰,唔夠料油,侵蝕加劇。戰後逐步換過晒啲鋼材,換造工字鐵,防鏽油都用啲勁。四五年就油一次。不過長年保養亦所費不菲,會落喺地方之上。
一九八六年,有單嚴重意外,有班車唔理大風照過,跌咗落橋,責冧間廠,同部份住宅。話就無搭客,不過車上人員同下面廠房就有死。事後建碑安慰死者。件事令風速要求更嚴格,周不時停駛。
事實上橋附近一向有唔好經歷,一來好嘈,二來周不時跌有嘢落來,行車零件沙石雨雪之類固然有,車上廁所跌屎尿落來又有,風吹爆火車玻璃都有,甚至有人跳橋自殺。
保養、交通同安全等因素,就促成換新石屎橋。新橋東端有個屈曲位,新舊交替痕迹。舊橋仍然運行時,新橋喺側邊起。換用新橋就要屈一屈。