From Wikipedia, the free encyclopedia
貧民窟 (粵音:pan4 man4 fat1,英文:Slum),又好多時叫貧民區,係一個人口密度好高嘅窮人社區,一般啲質素都係非常之差,好多時只係鐵皮屋[1]。
「貧民窟」本身嘅意思純粹係好多窮人住埋一齊嘅地方。不過,因為特別係二戰前嗰幾年,納粹德國開始將好多猶太人放哂入歐洲嘅唔同少數族群區,而呢啲地方亦確實好窮,所以有機會造成混淆。
.... 住喺同一塊屋頂下面,而又唔能夠接觸到足夠嘅乾淨水、有清潔系統、同埋有房屋嘅安全
其中一個主要原因,就係自從18世紀以嚟開始咗嘅工業革命,令好多原本住喺郊區嘅人搬咗去大城市,搞到城市嘅人口密度升得好快。不過,因為唔係一定都夠地方或者錢去起樓,所以比較窮嘅人就唯有住喺質素差嘅地方[3][4]。
到依家,好多貧民窟仍然維持嘅原因,可以包括:經濟增長放慢、高失業率、跨代貧窮、自然災難、同埋社會問題等等[1][5][6]。
佢哋一般都係喺市區附近,不過質素就非常之差[7],連基本嘅需要,例如水同電,都基本上唔會有。喺某啲社會主義國家,政府曾經起過一啲低質素嘅住宅,不過依家已經殘哂,都會落入貧民窟嘅一部分[8]。
到依家,好多發展中國家仍然喺大城市有貧民窟,不過發達國家其實一樣都有[9][10]。喺所有貧民窟之中,全世界最大嘅係喺巴基斯坦嘅卡拉奇[11][12][13]。
對於呢個問題,有唔同嘅方法可以去處理,最直接嘅包括剷走呢啲區,不過亦有啲比較長遠啲嘅方法,例如起公屋嚟住貧民區嘅人[14][15]。
雖然貧民窟嘅例子全世界都有,不過尤其係喺粵語區,最出名嘅都莫過於香港嘅九龍寨城。呢個寨城曾經由1840年代開始起,到最後1993年清拆,成為咗一個非常完全獨立運作又自給自足嘅貧民窟。
入面嘅社會,雖然的確受到好多犯罪同黑社會而影響住,不過又事實上維持到一個聚居地所需要嘅基本資源,包括住宅、水源、同嘢食等等[16]。
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.