南非

南非naam4 fei1，全名南非共和國，係位處非洲大陸最南面嘅國家，東、西、南三便分別望住印度洋、大西洋同埋南冰洋，有「彩虹之國」嘅稱譽。因為歷史因素，南非有三個首都，係世界上獨一無二：行政首都（中央政府所在地）係比勒陀利亞，司法首都（最高法院所在地）係布隆方丹，立法首都（議會所在地）係好望角鎮。

30°S 25°E

  呢篇文章講嘅係非洲國家。想搵非洲南部地區，請睇「非洲南部」。

南非共和國 官方外文名 英文： Republic of South Africa 祖魯文： iRiphabhuliki yaseNingizimu Afrika 荷沙文： iRiphabhlikhi yoMzantsi Afrika 南非荷蘭文： Republiek van Suid-Afrika 北索托文： Repabliki ya Afrika-Borwa 索托文： Rephaboliki ya Afrika Borwa 茨華拿文： Rephaboliki ya Aforika Borwa 聰加語： Riphabliki ya Afrika Dzonga 斯威士文： iRiphabhulikhi yaseNingizimu-Afrika 運達文： Riphabuḽiki ya Afurika Tshipembe 南恩德貝萊文： iRiphabliki yeSewula Afrika
旗 徽
格言：!ke e: ǀxarra ǁke （卡姆語：殊途同歸）
國歌：南非國歌
屬地（實轄）
幅員 國土：1,219,912平方公里（世界第24名）
首都	*行政首都：普利托里亞 司法首都：布隆方丹 立法首都：好望角鎮
至高地	塔巴納山
至長河	奧蘭治河
時區	UTC+2
國民
人數	人數：43,647,658人 人口密度：39/km2/km2
官方語言	南非荷蘭語、英語、祖魯語、科薩語、斯威士語、恩德貝萊語、(北索托語、南索托語)、聰加語、札那語、文達語、塞佩蒂語。
主要節日	獨立日
政制
主要領袖 國家元首（總統）：拉馬福薩 政府首腦（總統）：拉馬福薩
經濟
中央銀行	南非共和國儲備銀行
貨幣	蘭特
資訊

南非因為佢優美嘅風景同生態系統出名旅遊業，有非常多睇動物嘅旅客。

2010年，南非負責舉辦FIFA世界盃，成為非洲第一個舉辦世界盃嘅國家。

簡史

15世紀尾，葡萄牙人到咗南非，17世紀荷蘭人又移民埋嚟呢度定居。英國人就响1795年到。1866年同埋1886年，南非分別發現鑽石同埋黃金，引起英國人同埋布爾人之間嘅對立，爆發兩次南非戰爭（1880年-1881年同埋1899年-1902年）。

到1910年，南非成為聯邦，1961年再成立共和國。

由1940年代開始，「種族隔離」曾經係南非嘅政策，嗰度嘅法律將人分咗做四等：白人、有色人種、印度人同埋黑人，搞到黑人嘅生活都受到歧視，因為噉南非俾國際社會普遍抵制。到1990年代，「種族隔離」政策先至被取締，曼德拉當選做第一個黑人總統，黑人地位大大提升，世界各國亦相繼解除對南非嘅經濟制裁，重紛紛提昇、恢復或者建立同南非嘅外交關係。

民族

粵人源考

考古學家發現，南非嘅原始人喺10萬年前出現，喺南非有一遊獵部落——桑族人，分佈喺南非北部河流，渠地啲語言，被專家考證後認爲，同粵語相近，桑族嘅祖先可能來自廣東^{[未記出處或冇根據]}。

粵人移民

據記載，第一位踏足南非土地嘅廣東人叫「萬舟」（Wancho），喺1660年搭荷蘭「阿納姆」號由巴達維亞（印尼首都雅加達舊稱）出發到達南非。

自18世紀40年代開始，喺好望角有十零個華人居住，經營餐館同販賣蔬菜。由1849年到1882年，英國殖民地開普敦同納塔爾從中國輸入契約勞工。

19世紀70年代到南非嘅第一批華人就係廣州嘅。19世紀，呢啲廣東移民嘅後裔成爲咗南非華人，一直持續到20世紀70年代。

1904年5月到1910年6月間，共有63695個華裔工人喺金礦做嘢。喺「金山」（南非）華人主要係廣州南部農村同埋廣東東北部梅縣嘅鄉村。廣州人就住喺約翰內斯堡、比勒陀利亞同威特沃特斯蘭呢啲廣大地區。而梅縣人就住喺伊麗莎白港同東倫敦，喺開普敦同德班就得一啲零星分佈^[1]。

政治

内文：[[:南非共和國嘅政治（英文版）]]

南非係非洲國家入面少數幾個運作良好嘅多黨制民主國家之一。佢哋嘅議會係採用兩院制，上下兩院嘅議員任期都係5年，上院係全國省議會（90人），下院係國民議會（400人）。國家元首即係南非共和國總統，由國民議會選出。

• 喺2018年2月15號，國民議會（下院）選出非洲民族議會（ANC）嘅西里爾·拉馬福薩做總統。

喺2019年南非大選中，非洲民族議會贏得過半數議席^[2]。

南非採用多都制，立法機關設喺開普敦市都市圈，行政機關設喺茨瓦內都市圈（比勒陀利亞），司法機關就設喺布隆方丹。

睇埋：[[:南非共和國嘅憲法（英文版）]]

立法

内文：南非共和國嘅議會

議會大樓（開普敦）

種族隔離制度廢除之後舉行過7次大選，領導反對種族隔離鬥爭嘅非洲民族議會（ANC）喺2004年大選嗰陣以近7成得票率大勝，但係之後嘅選舉因為經濟停滯同高失業率，得票率逐漸下跌^[3]。喺2019年大選入面得票率跌到57.50%，低過六成，到2024年大選更加跌到40.18%，低過一半。雖然仲係執政黨，但係要同民主聯盟（DA）^[4]同因卡塔自由黨（IFP）等政黨組成聯盟^[5]。
支持布爾人同自由派嘅民主聯盟（DA）、因為貪污而辭職嘅前總統雅各布·祖馬喺2023年12月成立嘅民族之矛（MK）、由曾經係非洲民族議會（ANC）青年同盟領袖嘅朱利葉斯·馬勒馬喺2013年7月離開ANC之後成立嘅經濟自由鬥士（EFF）、以及以夸祖魯-納塔爾省做票倉嘅因卡塔自由黨（IFP）緊隨其後，但係ANC仲係佔咗國會議席嘅4成左右。因為要修改憲法需要國會議員3分2以上贊成，所以非洲民族議會要修改憲法就一定要同包括聯盟政府喺內嘅其他政黨合作^[3]。

睇埋：南非共和國嘅政黨

南非議會嘅黨團組成

政黨名	全國省議會 （上院）		國民議會 （下院）
	常任議員	特別議員
非洲民族議會（ANC）	29	25	159
民主聯盟（DA）	13	7	87
民族之矛（MK）	－	－	58
經濟自由鬥士（EFF）	9	2	39
因卡塔自由黨（IFP）	1	1	17
愛國同盟（PA）	－	－	9
自由陣線加（FF Plus）	2	1	6
行動南非（ActionSA）	－	－	6
非洲基督教民主黨（ACDP）	0	0	3
統一民主運動（UDM）	0	0	3
崛起姆贊西（RISE）	－	－	2
建設統一南非（BOSA）	－	－	2
非洲轉型運動（ATM）	0	0	2
伊斯蘭黨（ALJAMA）	0	0	2
全國有色人種大會（NCC）	－	－	2
泛非主義者大會（PAC）	0	0	1
非洲人聯合轉型（UAT）	－	－	1
好黨	0	0	1
總計	54	36	400

※全國省議會（上院）嘅議席數係2019年5月22號嗰陣嘅數字。所以喺呢日之後成立嘅政黨議席數就係「－」。

行政

内文：[[:南非共和國政府（英文版）]]

行政部門嘅辦公大樓聯盟大廈（比勒陀利亞）

行政中心喺比勒陀利亞（茨瓦內市都市圈）。國家元首兼行政部門首腦嘅總統由議會選出，並組織內閣（總統制、議會內閣制）。

司法

内文：[[:南非共和國嘅司法（英文版）]]

除咗1994年設立嘅憲法法院之外，仲有以最高法院為首嘅三級審判制司法制度。司法部門設喺布隆方丹。

重要城鎮

• 好望角鎮
• 普利托里亞
• 布隆方丹
• 彼得斯堡
• 約翰尼斯堡
• 爹濱

睇埋

• 南非聯邦
• 南非共和國總統一覽
• 好望角
• 2010年FIFA世界盃

參考

1. 南非人祖先來自廣東？南非桑族語言與粵語相似，2010-06-11
2. 〈與黨贏咗大選，現任總統好大可能連任（南非共和國）商業簡訊―日本貿易振興機構（JETRO）嘅海外新聞〉。喺2022-10-19搵到。
3. 牧野久美子 (2019)。〈2019年大選前南非嘅政治形勢〉。《非洲報告(Africa Report)》 (日本語)。亞洲經濟研究所。57: 47–51。doi:10.24765/africareport.57.0_47。喺2020-05-16搵到。{{cite journal}}: CS1 maint: unrecognized language (link)
4. 笹子美奈子 (2024-06-16)。〈南非唔加入包圍俄羅斯陣線仲要中立，聯合政府外交政策或轉向全球南方〉。《讀賣新聞》 (日本語)。喺2024-06-16搵到。{{cite news}}: CS1 maint: unrecognized language (link)
5. 的場真太郎 (2024-06-17)。〈ANC同DA同意組建聯合政府（南非共和國）〉。獨立行政法人 日本貿易振興機構（JETRO）。喺2024-06-30搵到。

出面網頁

您可以喺元維基搵到更多與呢個項目相關嘅訊息：

南非（英文）

• "Republic of South Africa" (英文). 非洲聯盟.
• 〈国家概况 — 中华人民共和国外交部〉 (簡體中文)。中華人民共和國外交部。
• 〈南非共和國 Republic of South Africa - 非洲地區 - 中華民國外交部 - 全球資訊網 Ministry of Foreign Affairs, Republic of China (Taiwan)〉 (繁體中文)。中華民國外交部。
• "South Africa - United States Department of State" (英文). 美國國務院.
• 南非喺中央情報局《世界概況》嘅資料 （英文）
• 〈南アフリカ共和国 ｜ 外務省〉 (日文)。日本外務省（日文：外務省）。
• "South Africa - Department of Foreign Affairs and Trade" (英文). 澳洲外交貿易部（英文：Department of Foreign Affairs and Trade (Australia)）.