組織
From Wikipedia, the free encyclopedia
喺呢個定義下,一間企業、一個非牟利機構、甚至係一個犯罪組織等嘅物體都屬於「組織」:一間好似任天堂噉嘅牟利企業涉及咗大量嘅人員,而呢啲人員(最少理論上)都有個共同目的-要令任天堂繼續營運落去而且賺有咁多得咁多嘅利潤,以保住佢哋自己份工;一個志願環保組織都係涉及咗大量嘅人員(包括義工等),目的係要(例如)為環保籌募最多嘅資金;一個賣白粉嘅犯罪組織都係涉及一班人員,而佢哋會合作達到一啲目的(賺錢同迴避法律嘅制裁)[2][3]。
組織可以話係社會嘅根基,係好多社會現象不可或缺嘅一部份,所以商學同社會科學領域都好睇重對組織嘅研究。理論性質嘅管理學同組織論嘅研究會對組織呢個概念作出分析,會嘗試諗出能夠準確噉描述「組織係點樣運作」嘅理論模型同郁手做實證研究驗證呢啲理論;跟手佢哋仲會運用呢啲知識,指導人喺實用上處理「個組織要點管先會有效率」等嘅問題[1][4]。