竹料站 (地鐵)

竹料站（粵拼：zuk1 liu5 zaam6；英文：Zhuliao Station）係廣州地鐵14號綫嘅車站，2018年12月28號開通，喺白雲區良田，廣從五路近白沙村同大綱嶺之間（105國道嘅K2529+330標記位）。

竹料 Zhuliao
竹料站嘅站名
概覽
冧巴	1405
位置	白雲區良田，廣從五路近白沙村同大綱嶺之間 105國道嘅K2529+330標記位
座標	23°21′04.49″N 113°21′46.65″E
車站色
經過路線	14
啟站	2018年12月28號
月台數	1
站口數	3
營運資訊
車站服務時間	06:08～23:14
列車服務時間	06:13～23:09
廣州地鐵14號綫 嘉禾望崗　◄太和 （6km） （4.6km）鐘落潭►　東風

結構

外觀

File:ZukLiuZaam Surface.jpg

從出面睇竹料站嘅樣

同其它14號綫嘅高架站一樣，竹料站外觀似高鐵嘅高架站多啲，其中2樓部份睇落似玻璃牆。但佢有個地方同琶洲嘅會展中心唔一樣嘅係，呢個站最頂冇大隻紅字印住個站名響度。

樓層

呢個站一共有3層樓嘅地上區域，其中地上1樓係出入口，有設備房同市政設施；地上2樓係站廳，有票務設施，客務中心同商鋪；地上3樓係14號綫月台。站內既有休息室，又有廁所，更加有母嬰室。其中休息室有4個，喺14號綫月台範圍入面，每個月台各有兩個。而廁所同母嬰室喺站廳收費區入面近東邊牆邊範圍，其中母嬰室喺廁所嘅女廁門口隔籬。

打掂

地上 三樓	側式月台，開右邊門（限慢綫）
	2月台	← 14號綫列車去太和站（行嘉禾望崗嗰邊）
	1月台	14號綫列車去鐘落潭站（行東風嗰邊） →
	島式月台，開右邊門（限慢綫）
地上 二樓	站廳	售票機、客服中心、商舖、警務室、安檢設施
地面		出入口、設備房、市政設施

打橫

竹料站嘅站廳

竹料站嘅月台

站廳

鐘落潭站嘅站廳收費區喺車站東北邊，西南邊係過街通道。收費區有好多部扶手電梯同樓梯、專用𨋢往返月台都得。

月台

呢個站有兩個島式月台，喺廣從五路近白沙村同大綱嶺之間嘅上空。

商舖同自助服務

呢個站冇商舖，但得臺自助服務。自助服務凈得部共享雨遮響度。

自助服務 共享雨遮

出入口

竹料站冚唪唥嘅出入口
A出入口 A出入口  B1出入口 B1出入口  B2出入口 B2出入口

呢個站有3個出入口，分别係A、B1同B2。

冧巴	標記	方位	去到邊度
出入口A	廣從五路	東北
出入口B	廣從五路	北
出入口C	廣從五路	西南

頭尾班車信息同配線圖

配線圖
█ 14號綫 ▲鐘落潭站
	新白廣城際軌道交通
▼太和站

行去邊頭	頭班車	尾班車
每日
14號綫
嘉禾望崗站	06:13	23:09
東風站	06:15	23:06
注意： 喺晚黑最後一班車開走之前嗰5分鐘之內， 係唔畀入閘坐車（包括埋買車飛）。

車站歷史

規劃

喺2003年份地鐵規劃方案入面，嗰時嘅新華綫^{[註 1]}由花都汽車城出發，先經過人和同太和，再跟住廣從公路去到從化街口為止，嗰時路線經過廣從公路嘅鐘落潭大鐘一帶。但2005年，新華綫嘅西段（花都汽車城⇆高增）被列入咗9號綫一部分^{[註 2]}，而廣從路段（太和⇆街口）直到2008年份規劃先至重新提出。

2010年，爲咗落實廣州市嘅「北優」發展戰略同埋支持從化同埋知識城嘅發展，嗰時份規劃話起14號綫，路線要起成「人」字樣。呢個站同位置維持唔變。雖然路線提出咗快綫嘅需求，但唔經呢個站^[1]。

施工

• 
  2017年2月15號，車站周邊淨鋪咗橋墩，重未出現正式結構。
• 
  2017年12月31號，車站重喺度起緊，棚架重未拆。
• 
  2018年3月11號，車站重喺度起緊，不過加緊速。
• 
  2018年4月8號，車站嘅施工範圍去到附近嘅軌道邊。
• 
  2018年9月4號，車站外牆已經起好嗮。
• 
  2018年11月15號，車站基本都起好嗮，不過有部份施工棚架重未拆嗮。
• 
  2018年12月8號，呢個站上空開始有主綫列車調試。

• 2015年8月底，車站正式喐手起。
• 2016年2月28號，太和到呢個站之間嘅盾構隧道正式開挖。
• 2017年4月30號，車站正式封頂。
• 2018年1月26號挨晚，太和到呢個站之間嘅雙綫盾構隧道貫通嗮。
• 2018年4月29號，随住最後一組軌道排喺呢個站到鐘落潭區間搞掂連接口，路線亦順利實現短軌貫通。
• 2018年8月31號，太和到鐘落潭之間及呢個站嘅各兩個區間（計埋車站本身）同佢地鐵本身嘅橋樑構件預制已經順利通過工程驗收。
• 2018年9月26號，呢個站正式三權移交而開始營運前調試^[2]

開通

2018年12月28號晏晝，由於14號綫一期主綫部份正式開通，呢個站亦正式開放。

利用狀況

呢個站嘅主要周邊乘客都係以附近嘅竹料、良田一帶啲村民同返放工啲廠房、工地啲職員、鐘落潭地區讀書啲學生為主。除咗上落班高峰同晚黑比較多人上落之外，其它時段都比較少人上落。

附近嘅建築同景區

學校

• 廣州大同中學
• 白雲區成龍中學

住宅

• 雅園新村

村莊

• 大綱嶺村
• 白沙村

註同攷

註

1. 喺2003年份地鐵規劃入面，嗰時嘅新華綫定嘅路線冧巴好亂，試過用咗「9號綫」同「14號綫」呢兩隻名。
2. 同年亦將9號綫向西延長到飛鵝嶺嗰頭做總站。原先計劃二期延長到清遠，但因唔夠錢而冇繼續再搞西延長計劃。

攷

1. 〈广州地铁14号线一期及知识城支线获批 站点公布〉。原著喺2016年3月5號歸檔。喺2019年1月27號搵到。
2. 〈地铁十四号线一期嘉禾望岗至马沥段开始运营调试〉。《广州市人民政府》。2018-10-29。原著喺2018-12-22歸檔。喺2019-01-27搵到。

上一站·下一站

上一站⇚⇚　　　　廣州地鐵　　　　⇛⇛下一站
太和站 嘉禾望崗站←	竹料站 14號綫（主綫慢車）	鐘落潭站 →東風站