無國籍
From Wikipedia, the free encyclopedia
無國籍係一個喺國際法嘅概念,代表一位冇一個國家承認佢為自己嘅公民嘅人[2]。有唔少無國籍嘅人亦同時係難民,但係唔一定係全部,因爲亦有唔少無國籍嘅人其實從來冇穿過國界[3]。截至2022年底,聯合國難民署估計世上有大約440萬位無國籍嘅人,比起之前一年數目高咗2%。
Quick Facts 無國籍人士, 總人口 ...
Close
歷史上,自從有國嘅出現,就已經有無國籍人士,因爲喺古時候通常都係一種懲罰,例如驅逐出境。喺20世紀期間,有啲國家用剝奪國籍嚟實行種族歧視,例如納粹德國針對嘅猶太人。到二次大戰完咗之後,國際社會開始通過公約,避免出現無國籍嘅情況繼續出現。但係呢個到依家仍然係問題,例如緬甸政府唔容許羅興亞人成爲公民。
一位無國籍嘅人嘅身份,其實好視乎個國家對佢或者佢嘅民族嘅睇法,有啲係表明排除國籍,其他就比較隱秘。如果唔清楚,就可以用“Prima Facie”嘅概念嚟做證據,決定呢位或者呢班人係咪可以假定為無國籍[4]。