From Wikipedia, the free encyclopedia
滿文(粵拼:mun5 man4*2;滿文:ᠮᠠᠨᠵᡠ
ᡤᡳᠰᡠᠨ,穆麟德:manju gisun),亦稱為
而家大部份嘅滿族人都係講官話嘅,寫嘅亦係漢字[1],滿族人口一千幾萬,當中識滿文嘅人最多70人以下[1]。同滿文好似嘅錫伯話而家有四萬左右嘅人用,主要分佈喺新疆伊犁州,係好珍貴嘅滿洲語言遺存,不過錫伯人同滿族人係兩個唔同嘅族[3]。
滿文有元音和諧律,語言類型係黏著語。滿文係女真文嘅後裔,不過有好多蒙古文、中文嘅外來詞。滿文寫嘅滿文字母係改自蒙古字母嘅,係左到右打豎寫嘅。滿文同好多嘅印歐語系語種一樣有性嘅概念,即係啲詞有陰陽之分,呢個區分係睇詞幹元音嘅陰陽性,比如話「a」係陽性元音,「e」係陰性元音,「ama」嘅意思係老豆,「eme」嘅意思係阿媽。
而家滿洲話喺滿族嘅祖地中國東北重有人用緊。雖然滿族人口達1070萬人(2000年)[1],但據1990年統計能夠將滿洲話講得地道、完整、具備完全母語能力嘅人得20個。而據2007年美國紐約時報報道,就得18個,而且都係80歲打上嘅老人[2]。家下滿洲話就得黑龍江省少數村鎮嘅老人同一啲語言學家識講[1],其中最集中嘅係三家子村[2]。而家三家子村喺搶救滿洲話嘅熱心人士扶助下,開咗間滿文學校,啲老師就要向呢啲重講得掂母語嘅老人學嘢,盡力傳承返語言文化[2]。2011年,黑龍江省開設滿文關聯語言學科,並以滿洲話教學研究。
察布查爾聚居2萬6千幾人嘅錫伯族,佢哋講嘅錫伯話同滿文好接近,同滿文係同一語支,三家子村保存嘅滿文係北滿音系,而錫伯話係南滿音系,所以睇成係滿文遺存。但錫伯話嘅音韻、語彙始終同滿文唔同,加埋民族區分,唔將錫伯話睇成滿文方言[註 2],所以滿文依然係好少人講嘅瀕危語言。另外有啲達斡爾人以滿文做第二語言[1]。
滿族係女真人嘅後裔,女真話係滿州話嘅祖語,亦都接近家下嘅滿州話。
17世紀時建立滿清之後,就定滿州話爲官方語言,而喺之前無耐滿文就創製出嚟,並且用喺正式文書,之後先至追加返官話同漢文。之後嘅文書就滿漢合璧。
建立滿清後就鼓勵滿洲人移居關內,同時又封禁滿洲。內遷滿人繼續實行八旗制度,畀內地旗人一啲特權,旗漢分隔,一開始關內滿洲人重識滿州話嘅(亦因此滿州話叫做旗話、旗人話)。但畢竟漢人多過佢哋,而且畀漢人包圍,漢文化又發達過佢哋,漢文化壓低咗滿洲文化,慢慢噉內地滿洲人就遺忘母語。清朝滅亡後,滿州話就一日日喺日常消失,包括東北滿族都漢化咗。
滿州話所用嘅滿文係改良自蒙古文,啲字母係同蒙古字母好似嘅滿文字母。滿文係從左向右打豎寫嘅。因為唔係部部電腦都支持顯示滿蒙文字,所以家下網上會以拉丁字母代為書寫。
拉丁滿文用嘅方案係穆麟德(Möllendorff)嘅拉丁轉寫方案,方案中對應嘅萬國音標會補足說明。
下面係6個短元音。
a e i o u ū
字母e係發/ɤ/而唔係發/e/,字母ū通常喺字母g、k、h後面,發音係/ʊ/,其他:a發/ɑ/、i發/i/、o發/ɔ/、u發/u/。呢啲字母可以組成雙元音,有ai、ei、oi、ui、io、oo。(組合oo表示嘅係字母o嘅長元音。)元音分陽性、陰性、中性三性,之間有元音調和。
陽性元音 | a,o,ū |
---|---|
陰性元音 | e |
中性元音 | i,u |
唇音 | 齒齦音 | 硬顎音、舌葉音 | 軟顎音、細脷音 | |
---|---|---|---|---|
塞音,塞擦音 | p b | t d | c j | k g |
鼻音 | m | n | ng | |
擦音 | f | s | š | h |
顫音 | r | |||
邊音 | l | |||
半元音 | w | y |
滿洲話嘅音素配列有呢啲特徵。
滿州話嘅詞有好多種,唔同類嘅詞之間嘅差異可能會比較微,總體上有七類詞佔主:名詞、代詞、數詞、動詞、形容詞、副詞、後置詞。好多時候副詞可以生離出連詞、嘆詞,呢個時候就係新詞類而唔係副詞。冇冠詞、前置詞、關係代詞。當名詞、代詞、數詞詞尾有表示變格嘅粘著成份時,可作名詞性。
滿州話嘅構句同韓文、日文一樣,都係「主語+賓語+謂語」(SOV)。修飾語放喺被修飾語前面。
si | manju bithe | tacimbi. | 「粵文:你學緊滿文書」「滿文構句:si你 manju滿洲 bithe書 tacimbi學」對比:「日文:汝は満洲の書を学ぶ。」「韓文:너는 滿洲冊(만주책)을 배운다.」 | ||||
主語 | 修飾語 被修飾語 賓 語 |
謂語 |
另外,滿文冇關係代詞,所以佢同日文、韓文一樣,用歸屬態動詞嚟修飾名詞(而英文有關係代詞同歸屬動詞兩種修飾方式。[註 3])。不過,同韓文唔同在於滿文動詞作謂語時詞形同歸屬態一樣。
soktoho | niyalma | 「粵文:醉酒佬」「滿文構句:soktoho醉咗 niyalma人」對比:「英文:Drunk man」「日文:酔った人」「韓文:醉(취)한 사람」 | |||
動詞歸屬態 | 名詞 |
名詞性詞有格嘅變化,體現喺詞幹後面粘著嘅詞尾。有呢啲格。
此外重有終格-tala/-tele/-tolo:終格已經無乜點用,只喺少部分詞作為化石噉保存落嚟。
複數係靠名詞詞幹之後接複數尾(-sa/-se/-so,-si,-ta/-te)嚟表示。呢啲複數尾大多用喺有情物名詞後面[註 4]。
而無情物名詞嘅複數形經常係再重複多次,比如hacin嘅複數形式係hacin hacin。
名詞作謂語,名詞詞頭要加前綴0-,而動詞要變過去型同聯結型。
人稱代詞嘅變格如下。
主格 | 屬格 | 賓格 | 與格 | 奪格 | ||
---|---|---|---|---|---|---|
第一人稱 | 單數 | bi | mini | mimbe | minde | minci |
複數(除外型) | be | meni | membe | mende | menci | |
複數(包括型) | muse | musei | muse be | muse de | muse ci | |
第二人稱 | 單數 | si | sini | simbe | sinde | since |
複數 | suwe | suweni | suwembe | suwende | sewenci | |
第三人稱 | 單數 | i | ini | imbe | inde | inci |
複數 | ce | ceni | cembe | cende | cenci |
第一人稱複數除外型係話呢個「我哋」唔包括講嘢時聽緊嘅對方;包括型係話呢個「我哋」包埋聽緊話嘅對方。
指示代詞分近稱同遠稱兩個系列。
主格 | 屬格 | 賓格 | 與格 | 工具格 | 奪格 | 沿格 | |
---|---|---|---|---|---|---|---|
近稱 | ere | erei | ere be | ede,erede | ereni | ereci | ederi |
遠稱 | tere | terei | tere be | tede,terede | tereni | tereci | tederi |
此外重有形容詞性、副詞性嘅指示詞。
數詞有由1到1萬。
從11開始,打上嘅數都係十進制,比如「十一」juwan emu,「十二」juwan juwe。不過15特別啲,係tofohon。
序數詞喺數詞後加-ci尾。比如「第一」emuci。以n收尾嘅數詞,要去n再加-ci,比如「第三」ilaci。(不過「第一萬」例外,係tumenci。)
任何表示發生咗嘅過去時態動詞都有兩個系列(-habi同-kabi)嘅詞尾,而兩個系列中又因為元音調和各自有3個詞尾。
命令形,又叫祈使式,亦都係靠接詞尾嚟表示,同時不規則動詞嘅命令形詞尾係特別啲嘅。
有4種詞尾:-ki,-kini,-cini,-rahū。
冠形型喺句尾可作終結型用。另外,冠形型動詞黐上變格嘅詞尾時可作名詞性詞。
若以終結型嚟用,第一人稱平敘句中表示講嘢嘅人嘅意志,第二人稱疑問句表示聽取對方嘅意願,第三人稱表示推測語氣。因為元音調和,有三種詞尾形態。
終結型之中,同樣有-ha同-ka兩個系列,用邊個系列睇上文。兩個系列同樣有元音調和,各分三種形態。
滿文動詞嘅連結型(原型)同韓文、日文、蒙文等其他粘著語一樣有好多類。
另外,冠形型(未完成態-ra/-re/-ro、完成態-ha/-he/-ho或-ka/-ke/-ko)後邊可跟與位格尾-de作連結型,或者喺冠形型動詞後面加後置詞作連結型語法。
滿文嘅形容詞係有活用唔到嘅不變化詞。有時可單獨作謂語,要以歸屬形式。此外,佢可以黐個語尾嚟變格,當名詞來使。呢點就似西歐語言噉,形容詞近似名詞。
句入邊嘅做謂語嘅形容詞若以過去式、連結形(原型)出現,後面就要加個bi-、o-開頭嘅動詞,噉先活用到。
單詞嘅疑問形基本上係黐個-o。
不過有疑問詞時,就毋須黐呢個詞尾。
有啲單詞嘅疑問形係唔規則嘅。
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.