![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/0/0b/Mixtures_and_Pure_Substances_2x2.svg/langzh-yue-640px-Mixtures_and_Pure_Substances_2x2.svg.png&w=640&q=50)
混合物
From Wikipedia, the free encyclopedia
混合物(粵拼:wan6 hap6 mat6;英文:mixture)喺化學上係指兩種或者以上嘅化學物質就噉溝埋一齊,但兩者並無任何化學反應,所以喺原子層面仲係兩種唔同嘅物質,兩者會保持各自嘅物理特性。例如係將幾粒沙倒入水裏面,可以清楚睇到沙同水各自嘅化學特性都冇變-所以喺呢種情況下,兩者形成嘅係一種混合物;混合物嘅最大特徵係可以用唔涉及化學反應嘅方法嚟分返開,例如想像攞個筲箕,假設個筲箕上面啲窿夠細,將混合物倒落去個筲箕嗰度,就可以將沙同水分返開[1]。混合物可以係溶液、懸浮液或者膠體[2]。
![Thumb image](http://upload.wikimedia.org/wikipedia/commons/thumb/0/0b/Mixtures_and_Pure_Substances_2x2.svg/320px-Mixtures_and_Pure_Substances_2x2.svg.png)
亦都有一啲化學物質就噉望落似係一種化合物(compound),但查實係混合物,例如係空氣噉,古時嘅人好多時都諗住空氣係一種單一物質(睇古典元素當中嘅風),但用各種嘅分離過程做嘅研究發現,查實空氣係由氮氣()、二氧化碳(
)同氧(
)等嘅多種氣體化學物質溝埋一齊形成嘅混合物[3]。