行為，望住個月 From Wikipedia, the free encyclopedia
望月，行為一種，用眼去望住個月。未有燈之前，月喺夜晚黑係至重要光源，只要喺戶外，只要擡高頭，就好容易見到。月相變化，同光面亦浮陰影，望月亦有觀賞意義。由於月相變化，同潮汐，同種種生物，皆息息相關。咁遠古嘅人，就有需要望實個月，並以睇到來做天文曆法。並且將月視為神明，有祭月嘅做法，望月化為習俗。
由於月變化不定，文人亦望月寄情。月有盈虧，以示世事無常，有未圓心事。無論古今，無論遠近，月都係嗰一個。文人藉此懷念遠方，懷念故人，發思古之幽情。
望月亦可以冥想。凝視月光可以集中精神。
唔單止人會望月，兔都會望月。故此月同兔引人聯想，有一啲兔同月嘅傳說。
邊一度都容易望到月，然而高處望會更加無阻。古此又會起望月亭、望月樓、望月臺等，起得高過周圍，更加方便望月。
.jpg)
兔望月嘅形象，為東西方都有描繪。野兔本身係夜行動物[2]，若無外在因素干擾，佢會夜晚出來覓食，咁較為安全。免覓食時會四處張望。故此自古以，月同兔就扯上關係。咁畀人寫出好多傳說。
而藥材望月砂，出自為兔屎。亦以玉兔為原形，話玉兔在月，野兔望住月上玉兔，因而得名。
喺西方，兔望月形象亦經常見。
古代傳說有犀牛望月，犀牛為祥獸，身可鎮水，角可通天。犀牛望月為吉祥之象，見於紋飾，亦見於風水，又見於地名。雖則後世人化做成語，變成貶義。
講及望月，至明顯大唐詩人李白，靜夜思寫到「牀前看月光、疑似地上霜、舉頭望山月、低頭思故鄉。」舉頭望山月，引發思鄉之念。
以望月為題嘅詩甚多。大唐時有鄭錫寫望月，李白同宋之問都寫過望月有懷，戴叔倫 寫登樓望月寄鳳翔李少尹，張九齡寫望月懷遠，王建寫十五夜望月寄杜郎中，盧照鄰寫江中望月，不能盡錄。
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
