望月
行為,望住個月 / From Wikipedia, the free encyclopedia
望月,行為一種,用眼去望住個月。未有燈之前,月喺夜晚黑係至重要光源,只要喺戶外,只要擡高頭,就好容易見到。月相變化,同光面亦浮陰影,望月亦有觀賞意義。由於月相變化,同潮汐,同種種生物,皆息息相關。咁遠古嘅人,就有需要望實個月,並以睇到來做天文曆法。並且將月視為神明,有祭月嘅做法,望月化為習俗。
由於月變化不定,文人亦望月寄情。月有盈虧,以示世事無常,有未圓心事。無論古今,無論遠近,月都係嗰一個。文人藉此懷念遠方,懷念故人,發思古之幽情。
望月亦可以冥想。凝視月光可以集中精神。
唔單止人會望月,兔都會望月。故此月同兔引人聯想,有一啲兔同月嘅傳說。