From Wikipedia, the free encyclopedia
周柏豪(Pakho Chau Pak Ho;1984年11月12號—),係香港男歌手同演員,做過模特兒,2007年正式出道。佢喺香港出世,祖籍廣東開平。2016年周柏豪同朱敏君(Stephanie)結婚。2019年12月2號,佢老婆生咗個重6.7磅嘅B女周芯悅[1][2]。
![]() |
佢嘅政治立場反覆。喺2014年佔領中環期間曾經同黃之鋒合照,2019年喺網上悼念因為反修例運動而喺金鐘太古廣場墮樓輕生嘅梁凌杰,同年又喺網上呼籲香港人登記做選民,但係畀中國網民形容為「港獨藝人」,群起杯葛;但係之後改變立場,喺微博發聲明稱自己「生為中國人,熱愛祖國、熱愛香港,從來未支持港獨,亦反對所有違法暴力行為」,又讚賞中國喺武漢肺炎疫情中成功抗疫。而中國網民對相關表態唔收貨,仍然認為佢「支持港獨」,加上一直以嚟中國同世界持續不斷嘅爭拗,佢從來都無表態支持,因此認為佢嘅愛國言論只係基於旁人壓力,而唔係真正改變立場。
另一方面,接受親建制媒體點新聞訪問嘅時候,向片中主持人、藝人陳百祥聲稱,自己一直以嚟反對暴力,又聲稱同黃之鋒合照嘅時候,唔認識亦唔清楚清楚人哋嘅政治立場,又反對黃之鋒「打國際線」以號召外國制裁中國同香港,並將中港矛盾比喻為「自己同媽媽吵架」,所以「無理由去找隔離屋大嬸打自己媽媽」。而相關言論引起唔少網民評擊,批評佢違背良心,指佢係雙面人。而立場親民主派藝人阮民安、杜汶澤、王宗堯等人亦都同佢割蓆。[3] [4][5]
2021年5月29號,無綫電視翡翠台播映慈善節目《萬眾同心公益金》,佢同鄭融合唱《一事無成》,被指係向失業人士 「踩多兩腳」、「落井下石」[6]。呢個環節原意係為失業家庭打氣,事後唔少網民批評佢哋嘲諷失業者一事無成,反問佢哋唱呢首歌係攞景定係贈興。亦有網民認為反嘲呢首歌係周柏豪嘅寫照[7]。正因為呢次事件,周柏豪喺6月8號下晝2:30喺apm舉行嘅fans見面會因為網民喺apm Facebook專頁嘅貼文派過萬「嬲」。雖然apm未表明活動會取消或者繼續,但係為免引起公關災難而將相關貼文刪除。
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.