周慶峻
From Wikipedia, the free encyclopedia
周慶峻(1943年6月28號—2021年6月16號)原名周慶鑽,係臺灣政治活動者,而家係中華愛國同心會會長及中國民主進步黨黨主席,2021年5月因為幫張秀葉參選九合一大選期間,利用餐會行賄,被台北地方法院引用選舉罷免法判監三年半,褫奪公權三年[1],但係喺判刑之後冇幾耐,周慶峻就確診咗武漢肺炎,重因為本身有慢性病而變成重症,捱咗大概一個月之後,周慶峻喺2021年6月16號死咗,享年77歲[2]。
周慶峻喺1970年代前曾經由廣東偷渡到香港,曾經喺1985年香港區議會選舉中代表當時親台啲旺角街坊會競逐旺角區議會議席落敗,之後去咗台灣並入籍中華民國。
佢曾經帶隊到南韓「示威」,要求釋放被羈押嘅卓長仁等「劫機六義士」。
2001年,周慶峻組織群眾襲擊當時正處理緊興票案嘅律師莊柏林。曾多次發起支持兩岸統一嘅活動,例如2003年11月2號,佢率領愛國同心會成員喺圓山大飯店抗議旅美嘅大陸民運人士曹長青發表支持台獨嘅相關言論,雙方發生肢體衝突,曹長青話「他們四個人就這樣按著我打,臉上挨了幾下,胸口這邊也有幾下,完全是中國紅衛兵那一套,似乎在開什麼鬥爭會,用那些字眼,說不到幾句就打你一下……」(佢哋四個人就噉樣撳住我打,塊面捱咗幾下,心口呢邊都有幾下,完全係中國紅衞兵嗰一套,似喺度開緊乜嘢鬥爭會,用嗰些字眼,講唔夠幾句就打你一下……),事後周慶峻被判20日拘役。
2005年10月1號,為咗向台獨勢力表達「抗議」,喺位於台北市嘅中華民國總統府前升起五星紅旗進行反制。
2005年10月16號,為對抗台灣國民黨嘅備案,向中華民國內政部備案成立中國民主進步黨。