黃國健

黃國健，GBS，SBS，BBS，JP（1952年5月3號—^[2]）係香港工會聯合會副會長，香港立法會地方直選（九龍東）前議員，香港特別行政區行政會議前議員。

尊貴嘅 黃國健 議員
香港特別行政區行政會議非官守成員
任期 2017年7月1號－2022年6月30號
行政長官	林鄭月娥
香港立法會議員
任期 2008年10月1號－2021年12月31號
選區	九龍東選區 (1998年版)
香港工會聯合會副會長
會長	林淑儀 → 吳秋北
第十、十一屆港區全國人大代表
任期 2003年－2012年
個人資料
性別	男
別名	KK、火影健
出世	(1952-05-03) 1952年5月3號（72歲）  英屬香港
籍貫	廣西上林
政黨	香港工會聯合會
其他政黨	民主建港協進聯盟（已退出）
居住地	香港新界上水[1]
母校	香島中學 聖公會基愛小學
職業	行政會議成員

生平

立法會議員黃國健嘅街頭橫額

黃國健祖籍廣西南寧上林，早年喺聖公會基愛小學^[3]同埋香島中學畢業^[4]（中三）。之後任職海員，以供養父母同埋四名弟妹，同時考到「輪機長」牌照。^[5]

2003年起，黃國健擔任第十屆、十一屆全國人大代表，2012年宣布唔會再角逐。

2006年，黃國健獲頒授銅紫荊星章。

2008年香港立法會選舉，黃國健代表工聯會參加九龍東地方直選，排喺名單首位，現任議員、黨友陳婉嫻就排第二位，另外，黨友王吉顯和簡銘東（他們曾經以民建聯、工聯會嘅名義參加2007年香港區議會選舉）亦是黃國健名單嘅最後兩位候選人，結果黃當選^[6]。

2012年同2016年嘅立法會選舉，佢同區角逐連任成功。

2017年7月1日獲時任香港行政長官林鄭月娥委任為香港行政會議非官守成員。

學歷同專業資格

• 上海海運學院國際航運管理課程證書（1994年1月至1996年11月）
• 廣東行政學院現代管理專業課程證書（1998年）
• 中國工運學院社會工作（工會）專業函授課程證書（2000年3月至2003年1月）
• 3000匹馬力以上船舶輪機長證書

屋企

黃國健已婚，個仔2009年4月大學畢業。

爭議

『以薪代假』引導他人犯法言論

2021年5月，立法會審議《2021年僱傭（修訂）條例草案》，黃國健喺草案委員會會議期間，話外傭僱主可以以薪買假，結果被委員會主席、民建聯黃定光直斥「違規違法」，話法定有薪假期唔可以用人工代替假，又質疑佢哋作為工會，應該對有關條例好熟悉。自由黨邵家輝當場亦向勞工處助理處長梁樂文詢問可唔可以，而梁樂文亦即時答覆話《僱傭條例》寫得好清楚，就算員工同意都唔得。之後，黃定光再訓斥黃國健，叫佢唔好誤導啲僱員，唔係就累死佢哋^[7]。

武漢肺炎疫情期間涉嫌違反《預防及控制疾病規例》

喺2020年武漢肺炎疫情期間，網上傳出多張照片，顯示工聯會多名成員黃國健、鄧家彪等，出席黃大仙富臨皇宮一個慶回歸晚宴時，喺進食以外時間脫下口罩四圍交談，仲上台唱歌、致辭、祝酒，社交距離讀埋每枱餐桌間嘅距離亦唔夠1.5米，餐飲業務負責人涉嫌違反法例《預防及控制疾病規例》第599F章。鄧家彪其後聲稱席上無人感染武漢肺炎，法規上無問題，被問到當時有無戴口罩，鄧亦未有正面回應。^[8][9]

得意事

黃國健鍾意喺宴會上儲餐牌^[10]。

個人榮譽

• 銅紫荊星章（2006年）^[11]
• 銀紫荊星章（2014年）^[12]
• 太平紳士（2016年）^[13]
• 金紫荊星章（2021年）^[14]

攷

1. 憲報號外第20卷第22期，香港政府
2. 〈黃國健生日收巨型八達通〉 (PDF)。《大公報》。2017年5月4號。
3. 〈聖公會基愛小學〈舊生成就〉〉。原著喺2020-12-10歸檔。喺2017-11-17搵到。
4. 〈香島中學培育學生明史守法〉。《大公報》。2015年4月18號。原先內容歸檔喺2017-11-17。喺2017-11-17搵到。
5. 〈冇學位一樣做得議員〉。太陽報。2008-10-05。原著喺2020-12-10歸檔。喺2019-06-08搵到。
6. 〈九龍東黃國健當選〉。原著喺2011-02-20歸檔。喺2008-09-10搵到。
7. 〈黃國健稱外傭僱主可以薪買假 遭黃定光斥「違規違法」工會應熟悉法例 | 獨媒報導〉。《獨立媒體》。喺2021-05-21搵到。
8. 〈【知法犯法】與黃國健富臨除罩慶回歸 工聯會鄧家彪拒認違法：冇人染病〉。原著喺2020-07-24歸檔。喺2020-07-24搵到。
9. 〈工聯會黃大仙 7.2 數百人慶回歸宴　無戴口罩歌舞疑違防疫例　鄧家彪：無人確診〉。原著喺2020-07-23歸檔。喺2020-07-24搵到。
10. 〈建制派議員化身「小粉絲」黃國健拎菜單索簽名〉。原著喺2020年3月15號歸檔。喺2016年6月11號搵到。
11. 〈二〇〇六年授勳名單〉 (新聞稿) (繁體中文)。香港政府新聞公報。2006年7月1號。
12. 〈二〇一四年授勳名單　附件：二〇一四年獲授勳銜及嘉獎人士的嘉許語〉 (PDF) (新聞稿) (繁體中文)。香港政府新聞公報。2014年7月1號。頁 5。
13. 〈2016年第25號號外公告 太平紳士條例 (第510章)〉 (PDF) (新聞稿) (繁體中文)。香港政府憲報。2016年7月1號。
14. 〈二〇二一年授勳名單　附件：二〇二一年授勳名單〉 (PDF) (新聞稿) (繁體中文)。香港政府新聞公報。2021年7月1號。頁 4。

出面網頁

• 行政會議 < 參政為勞工 - 香港工會聯合會
• 〈香港特別行政區立法會 - 議員資料庫〉 (繁體中文)。香港特別行政區立法會。
• 黃國健（九龍東) | 2016 立法會選舉專頁 | 香港01
• 〈黃國健- 新傳網〉。
• 〈黄国健（香港特区非官守议员）_百度百科〉。 （簡體中文）
• 香港網絡大典：黃國健
• 黃國健嘅facebook頁