選舉事務處

選舉事務處（英文：Registration and Electoral Office, REO）係香港政府負責選舉工作嘅部門，隸屬政制及內地事務局，亦係選舉管理委員會（選管會）嘅行政支援機構。選舉事務處協助選管會執行《選舉管理委員會條例》所規定嘅法定職能，入面包括協助市民登記做選民、劃分選區、制定選舉條例同選舉活動指引等。行政長官、選舉委員會界別、立法會同區議會選舉工作，都交畀呢個部門負責。不過，選舉事務處喺職能上屬於執行部門，對選舉政策並無決策權，相關權力喺政制局同選管會。

選舉事務處 Registration and Electoral Office
香港特別行政區政府機構
選舉事務處標誌
總選舉事務主任 (部門首長)	陳淑華 [lower-alpha 1]
首席選舉事務主任 (選舉)	陳志成 [lower-alpha 2]
首席選舉事務主任 (策劃及研究)	林暉 [lower-alpha 3]
資訊科技管理主管 (總系統經理)	劉成方博士 [lower-alpha 4]
部門資訊 部門資訊 1994年4月1號 所屬部門 政制及內地事務局 選舉管理委員會 口號 公開、誠實、公平 總部  香港九龍長沙灣東京街西3號庫務大樓8樓
聯絡資訊
網站	www.reo.gov.hk
備註
高級首席行政主任，首長級薪級第2點 首席行政主任，首長級薪級第1點 首席行政主任，首長級薪級第1點 系統分析編程主任職系，首長級薪級第1點 香港特別行政區政治 呢篇文係香港政治系列之一 憲制文件 《英皇制誥》 《皇室訓令》 《中英聯合聲明》 《中華人民共和國憲法》 《香港特別行政區基本法》 行政長官：李家超 行政長官辦公室 行政會議（成員） 維護國家安全委員會 政府（組織架構） 政府總部（所在地） 政治任命官員 公務員 首長級公務員 政務職系 議會：立法會 現屆立法會（議員） 選舉方式： 地區直選 功能界別 區議會（第二） 選舉委員會議席 司法機構 香港法律制度 香港法例 獨立法定機構 廉政公署 審計署 申訴專員公署 公務員敍用委員會 地方行政 香港政區 區議會 民政事務處（專員） 地區管理委員會 市政局 / 區域市政局 相關機構 公營機構 新界鄉議局 選舉 選舉管理委員會 選舉事務處 行政長官選舉（上屆／下屆） 選舉委員會 立法會選舉（上屆／下屆） 區議會選舉（上屆／下屆） 政黨 非親中派 泛民主派（組織同埋人士） 溫和民主派 激進民主派 本土派 自決派 抗爭派 修憲派 非民主派 傳統親中派（組織同埋人士） 激進親中派 商界親中派 中間派 香港民主運動 香港政制改革（1997年之前） 香港政制改革（1997年之後） 港區全國人大代表 港區全國政協委員 中共香港事務機構 中央港澳工作領導小組 粵港澳大灣區建設領導小組 國務院港澳事務辦公室 中共駐香港機構 中共中央香港工委（中聯辦） 中央駐港國安公署 外交部駐港特派員公署 解放軍駐港部隊 香港對外事務機構 政制及內地事務局 港府駐京辦 香港經貿辦（內地） 香港經貿文辦（台灣） 商務及經濟發展局 香港經貿辦（海外） 香港貿易發展局 禮賓處 香港軍事 駐港英軍 駐港解放軍 香港榮譽制度 授勳及嘉獎制度 排名表 太平紳士 其他香港系列 文化 - 經濟 歷史 - 地理 - 教育 香港主題 類:國政 • Portal:政治 睇吓 • 討論 • 編輯 • 歷

選舉事務處喺1994年成為香港政府部門之前屬於布政司署轄下憲制事務科嘅內部機構^[1]。1997年7月1號主權移交之後，選舉事務處隸屬政制事務局，2007年7月1號決策局重組之後被劃入新成立嘅政制及內地事務局。部門首長係總選舉事務主任，由行政長官委任並刊登《政府憲報》，職級係高級首席行政主任（首長級薪級第2點）。作為部門副首長嘅首席選舉事務主任領導選舉部（設有幾個分部），職級係首席行政主任（首長級薪級第1點），下面設有幾名職級屬於總行政主任嘅副總選舉事務主任。

選舉事務處喺2023年7月經立法會審批後，增設兩個首長級公務員職位^[2]，包括一個「首席選舉事務主任 (策劃及研究)」同一個「資訊科技管理主管」^[3]。首席選舉事務主任 (策劃及研究)由首席行政主任出任，領導委員會及研究部同埋選民登記部；資訊科技管理主管由總系統經理出任，領導資訊科技管理部；原本嘅首席選舉事務主任改名做「首席選舉事務主任 (選舉)」，繼續領導選舉部。選舉事務處總部原本喺灣仔港灣道25號海港中心10樓，2023年2月13號搬到長沙灣東京街西3號庫務大樓8樓^[4]。

選舉事務處架構

選舉事務處

總選舉事務主任

高級首席行政主任

首席選舉事務主任 (策劃及研究)

資訊科技管理主管

首席選舉事務主任 (選舉)

首席行政主任

總系統經理

首席行政主任

委員會及研究部

選民登記部

行　政　部

資訊科技管理部

選　舉　部

傳媒關係組

副總選舉事務主任

副總選舉事務主任

副總選舉事務主任

高級系統經理

副總選舉事務主任

總新聞主任

選管會秘書處 委員會及研究組

選民登記、加強查核 功能界別、地方選區

行政組 物料供應組

資訊科技應用同保安 新選舉及選民登記系統

選舉部１－５

傳媒聯絡 新聞及宣傳

歷任總選舉事務主任

内文：總選舉事務主任

• 職級係高級首席行政主任或者署理高級首席行政主任（首長級薪級第2點）。

1. 邱霜梅博士（1993年7月－1996年6月）
2. 張英才（1996年6月－1997年8月）
3. 李榮（1997年8月－2004年12月30號）
4. 林文浩（2004年12月30號－2007年10月11號）
5. 丁徐慧明（2007年10月11號－2011年5月17號）
6. 李柏康（2011年5月17號－2016年9月26號）
7. 黃思文（2016年9月26號－2019年7月24號）^{[參 1]}
   • 黃文超（2019年7月24號－2019年10月2號，署任）^{[參 2]}
8. 黃文超（2019年10月2號－2020年1月14號）
9. 翁應輝（2020年1月14號－2022年1月12號）
10. 黃文超（2022年1月12號－2024年9月11號）
11. 陳淑華（2024年9月11號－）^[5][6]

歷任首席選舉事務主任

• 2018年5月前係編外職位，後改成常額職位，2023年7月另增設一個編外職位。^{[參 3]}

1. 陳陳瑞儀（2008年4月－2008年10月）^{[參 4]}
2. 陳紹麟（2011年1月－2013年4月）
3. 馬笑虹（2014年7月－2018年3月）
4. 黃文超（2018年3月－2019年9月）^{[參 5]}
5. 李復滿（2019年9月－2020年1月）
6. 黃文超（2020年1月－2021年1月）
7. 何觀玲（2021年1月－2021年11月）
8. 陳竹燕（2021年11月－2022年1月）^{[參 6]}
9. 陳淑華（2022年1月－2024年8月）
10. 陳黃潔明（2023年8月－2024年2月）
11. 林暉（2024年3月－ ）
12. 陳志成（2024年8月－ ）

歷任資訊科技管理主管

• 2023年7月設立嘅首長級編外職位^{[參 7]}，由總系統經理擔任，領導資訊科技管理部。^{[參 8]}

1. 翁慧卿（2023年1月－2024年3月）^{[參 9]}
2. 劉成方博士（2024年4月－ ）

爭議事件

2016年香港立法會選舉期間，選舉事務處嘅職員唔見咗一本入面有大約8000個已登記選民個人資料嘅選民登記冊^[7]。2017年香港行政長官選舉期間，選舉事務處唔見咗兩部分別入面有大約1200個選舉委員會委員同全港超過300萬個已登記選民個人資料嘅手提電腦^[8]。2021年選舉委員會界別分組選舉期間，選舉事務處人員用咗遠超預計時間嘅14個鐘完成點算4千幾張選票同公布結果^[9]。2022年3月同4月，選舉事務處有職員喺發送電郵期間因操作錯誤洩露選民同選委嘅個人資料^[10]。2023年香港區議會選舉期間，電子選民登記冊系統再次出現故障^[11]，行政長官李家超責成選管會成立由選舉事務處資訊科技管理部、政府資訊科技總監辦公室、香港警務處相關部門組成嘅專責小組調查事件^[12]，2024年1月公布嘅調查結果確認事故係選舉事務處資訊科技管理人員技術出錯導致^[13][14]。

睇埋

• 選舉管理委員會 (香港)
• 選舉委員會 (香港)

註

1. 因2016年立法會選舉遺失選民登記冊事件被調職
2. 首席選舉事務主任署理總選舉事務主任
3. 兩名首席選舉事務主任分別負責及策劃研究同選舉
4. 毋須經立法會審批任期6個月的首長級編外職位
5. 2019年7月起署理總選舉事務主任
6. 職銜係「首席行政主任（選舉）」
7. 1月-7月開設毋須立法會審批任期6個月嘅編外職位
8. 2005年1月3號成立，原名「資訊科技管理組」
9. 2023年1月－8月職銜係「資訊科技管理組主管」

攷

1. 〈加強監察選舉刻不容緩〉。《新報人》。浸大新聞系學生作品庫。1991-03-18。
2. 〈選舉事務處擬增兩首長級編外職位 議員關注能否推動境外投票等〉。《Now新聞》。2023-06-28。
3. 〈電子點票曾甩轆 選舉處擬開兩常額 包括提升科技設施〉。《on.cc東網》。2023-05-09。
4. 〈選舉管理委員會及選舉事務處總部遷往長沙灣庫務大樓〉。《香港特別行政區政府》。2023-02-13。
5. 〈去年區議會選舉投票系統故障　總選舉主任黃文超退休　陳淑華接任〉。《香港01》。2024年9月6號。
6. 〈行政長官委任令〉。《香港特別行政區政府憲報》。2024年9月6號。
7. 〈選舉管理委員會就選舉事務處遺失一本選民登記冊發表獨立調查報告〉。《香港特別行政區政府新聞公報》。2019-07-24。
8. 〈選舉事務處遺失兩部電腦〉。《香港政府新聞網》。2017-03-27。
9. 〈選舉事務處就點票問題致歉 透露「用轆」三大原因〉。《香港01》。2021-09-21。
10. 〈選舉事務處兩宗個人資料外洩事故 私隱專員公署發表調查報告〉。《香港個人資料私隱專員公署》。2022-12-29。
11. 〈區議會選舉冧機｜前選管會主席曾倡增首長級D4　具統籌跨部門職能〉。《香港01》 (香港中文)。2023年12月11號。
12. 〈區議會一般選舉點票完成〉。《香港特別行政區政府》 (香港中文)。2023年12月11號。
13. 〈區議會選舉｜選舉事務處連環出錯致系統故障　2主事官員全程緘默〉。《香港01》 (香港中文)。2024年1月26號。
14. 〈選舉管理委員會就二〇二三年區議會一般選舉電子選民登記冊系統故障事件交代調查情況〉。《香港特別行政區政府》 (香港中文)。2024年1月26號。

出面網頁

• 香港特別行政區政府 選舉事務處