機場快綫穿梭巴士

機場快綫免費穿梭巴士喺港鐵為特定機場快綫同高速鐵路乘客提供嘅免費服務，由港鐵公司委託泰豐遊覽車派車營運，全部用車都有機場快綫塗裝。而家已經停辦。

機場快綫穿梭巴士K1線

K4線

歷史

香港地鐵（而家嘅港鐵）喺機場快綫通車後，就已經提供穿梭巴士服務，用嚟方便往返新機場嘅乘客，最初由機鐵站上車要出示下列文件或確認有效八達通，而去機鐵站就乜嘢人都可以搭。但係，運輸署幾次「放蛇」，發現以上違法行為，於是由2006年11月6號開始收緊，由機鐵站上車如果冇八達通機鐵車程都唔畀搭，而去機鐵站就「寧嚴莫鬆」（嚴格喺車到查），唔畀啲人藉住呢個服務去機鐵站買飛，只去新機場玩嘅人都唔可以搭。

2020年4月10號，因為武漢肺炎疫情，機場快綫穿梭巴士暫停營運^[1]。2020年6月30號，機場快綫穿梭巴士因為武漢肺炎疫情同埋客量持續偏低而正式停辦^[2]。

路線

機場快綫免費穿梭巴士線總共開過9條，其中4條往返香港站，5條往返九龍站。

往返香港站

路線	主要服務範圍	服務時間	班次	途經嘅酒店同主要場所
H1	去灣仔、金鐘	06:12 - 23:12	20分鐘	香港會議展覽中心→萬麗海景酒店→香港君悅酒店→世紀香港酒店→太古廣場→香港JW萬豪酒店→香港華美粵海酒店→灣仔皇悅酒店
H2	去港島西			香港蘇豪智選假日酒店→富薈上環酒店→宜必思香港中上環酒店→華麗海景酒店→香港萬怡酒店/香港華大盛品酒店→港島太平洋酒店
H3	去銅鑼灣			銅鑼灣皇悅酒店→香港銅鑼灣維景酒店→富豪香港酒店→香港珀麗酒店→柏寧酒店
H4	去炮台山、港島東			富薈炮台山酒店→港島海逸君綽酒店→城市花園酒店→宜必思北角酒店→北角海逸酒店

往返九龍站

路線	主要服務範圍	服務時間	班次	途經嘅酒店同主要場所
K1	去紅磡同佐敦	06:15 - 23:00	15分鐘	香港西九龍站→佐敦站（柯士甸道）→紅磡站→都會海逸酒店→黃埔花園（德安街）→九龍海逸君綽酒店→香港嘉里酒店→香港逸東「智」酒店→柯士甸站/香港西九龍站[3][4]
K2	去尖沙咀廣東道			太子酒店→港威酒店→馬哥孛羅香港酒店→九龍酒店 / 半島酒店→朗廷酒店→皇家太平洋酒店 / 中國客運碼頭
K3	去尖沙咀麼地道			香港金域假日酒店→香港尖沙咀凱悅酒店→富豪九龍酒店→唯港薈→香港日航酒店→海景嘉福酒店→九龍香格里拉大酒店
K4	去尖沙咀金巴利道			香港喜來登酒店 / 尖東站→百樂酒店→帝樂文娜公館→尖沙咀皇悅酒店→龍堡國際
K5	去旺角同大角咀	06:12 - 23:12	20分鐘	油麻地站/城景國際→九龍維景酒店→帝京酒店→旺角維景酒店→香港旺角帝盛酒店

攷

1. 〈港鐵下周五起暫停香港及九龍站預辦登機　迪士尼綫停駛〉。《香港電台》。2020-04-04。
2. 〈機場快線免費穿梭巴士乘客人數持續偏低　港鐵：6月30日正式停運〉。《香港01》。2020-06-16。
3. 該站亦可享有八達通的「免費港鐵接駁服務」
4. 持有當日高鐵車票的乘客亦可乘搭本綫

出面網頁

• 港鐵公司 - 機場快綫列車服務 - 免費服務 - 免費機場快綫穿梭巴士服務