港鐵車站 From Wikipedia, the free encyclopedia
柯士甸站（粵拼：o1 si6 din1 zaam6；英文：Austin Station）喺香港屯馬綫一個鐵路站，喺尖沙咀[1]柯士甸道西8號，廣東道、同匯民道[2]一帶，好近西九龍文娛藝術區。個站係九龍南綫（西鐵綫嘅延伸段）一部分，喺2008年4月30號平頂[3]。
.JPG)
個站設有行人天橋駁去佐敦道行人天橋，重可以去埋西面嘅港鐵九龍站同埋佢啲上蓋物業，以及佐敦道行人隧道。柯士甸站來回其他站嘅票價同九龍站一樣。
雖然本站位置上好近九龍站，但九龍站同本站並非東涌綫同埋屯馬綫正式嘅轉車站，如果乘客喺兩站之間轉車，無論用八達通定係單程車票，都當兩程車處理，並要畀再入閘收費；乘客要喺南昌站轉車先可以有再入閘收費調減。不過港鐵安排機場快綫嘅「免費港鐵接駁服務」擴展至九龍站同本站之間，乘客可以由本站出閘後經B5出口行去九龍站。
| 1 一樓 |
北面大堂 | B4、B5出口、車站商店 |
| 行人天橋往佐敦道、連翔道、九龍站、圓方 | ||
| 南面大堂 | D4出口、職員專用區域 | |
| G 地面出口 |
北面大堂 | B出口、匯翔道、車站商店 |
| 南面大堂 | D1-D3出口、匯民道[2]、公共運輸交匯處、的士上落客區 | |
| S 行人隧道 |
南面大堂 | F出口、行人隧道去柯士甸道、柯士甸道西、廣東道、港景峰 |
| C 大堂 |
大堂 | A、C、E出口、客務中心、洗手間、車站商店 |
| 行人隧道 | 行人隧道去廣東道、佐敦道、渡船街 | |
| P 月台 |
路軌 | |
 |
往烏溪沙 | |
| 島式月台，右邊嘅車門將會打開。 | ||
 |
往屯門 | |
| 路軌 | ||
 | 呢版要更新，以反映最新情況。加完料之後唔該拎走個模。 |
柯士甸站預留咗30幾個舖位出租。不過喺車站啱啱開，只租出一個自動櫃員機位同埋喺大堂設有自動售賣機服務，大部份鋪位重係空置。港鐵話，等站裏頭嘅人流評估之後啲鋪先會招租，但係未定幾時。
各車站出口駁位佐敦道行人天橋、佐敦道行人隧道、柯士甸道西行人隧道同匯民道。
| 屯馬綫 | ||
| 屯門南 - 第16區 - 屯門 - 兆康 - 洪水橋 - 天水圍 - 朗屏 - 元朗 - 錦上路 - 荃灣西 - 美孚 - 南昌 - 柯士甸 - 尖東 - 紅磡 - 何文田 - 土瓜灣 - 宋皇臺 - 啟德 - 鑽石山 - 顯徑 - 大圍 - 車公廟 - 沙田圍 - 第一城 - 石門 - 大水坑 - 恆安 - 馬鞍山 - 烏溪沙 | ||
| 屯馬綫 | ||
| 屯門南 - 第16區 - 屯門 - 兆康 - 洪水橋 - 天水圍 - 朗屏 - 元朗 - 錦上路 - 荃灣西 - 美孚 - 南昌 - 柯士甸 - 尖東 - 紅磡 - 何文田 - 土瓜灣 - 宋皇臺 - 啟德 - 鑽石山 - 顯徑 - 大圍 - 車公廟 - 沙田圍 - 第一城 - 石門 - 大水坑 - 恆安 - 馬鞍山 - 烏溪沙 | ||
| 東涌綫 | ||
| 香港 - 九龍 - 奧運 - 南昌 - 荔景 - 青衣 - 欣澳 - 東涌 | ||
| 機場快綫 | ||
| 香港 - 九龍 - 青衣 - 機場 - 博覽館 | ||
柯士甸站位於香港九龍油尖旺區西九龍尖沙咀匯民道，附近只設有大型購物商場圓方、高級豪宅、W Hotel酒店、港鐵九龍站及港鐵佐敦站。因此，大部份使用本站嘅人流都係轉車嘅乘客、住喺鄰近屋苑嘅居民或鄰近酒店住客。所以，除咗返放繁忙時間之外，出入閘人流只屬一般。港鐵話，截至首日啟用下晝5點前，柯士甸站有6,500人次使用[4]。隨著接駁巴士線K16永久停駛，同埋匯翔道巴士總站搬遷後，由中港城一帶去新界西，柯士甸站變成獨市位，所以人流已經有所上升。
自2005年8月29號朝早起，《am730》喺西鐵綫（朗屏站除外）各站免費派發，但直至2009年8月23號，重未包括本站。
呢個站原本叫「九龍西站」[5] 同廣深港高鐵將來嘅西九龍總站相近，所以有關方面決定重新幫呢個站改名[6]。
根據港鐵網站，喺2008年9月嘅工程簡介，呢個站已經改咗名做「柯士甸站」，英文就係「Austin Station」。雖然有人認為，柯士甸道都幾長，用柯士甸呢個名唔及得用「佐敦西站」、「官涌站」（官涌係佐敦嘅古稱）及「渡船角站」好，但港鐵話唔考慮再改名。
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
