From Wikipedia, the free encyclopedia
天麩羅，日文：
天麩羅呢個名喺日本江戶時期已經使用[1]，一般認為，天麩羅係喺16世紀時葡萄牙傳教士傳入日本[2]，背景係葡萄牙人喺大齋期[註 1]期間因禁食獸肉，只可以食海鮮，所以用魚代替肉而烹煮嘅一種嘢食。拉丁文「ad tempora quadragesima」就係「守大齋期」嘅意思。呢種食品後來喺日本逐漸流行起嚟。拉丁語系葡萄牙語嘅tempero發音，寫成日本發音てんぷら，就變成天麩羅。
天麩羅首次出現喺日本文獻之中，係寬文9年（1669年）嘅《食道記》。一般認為，最先記載天麩羅製作方法嘅文獻，係1748年出版嘅《歌仙の組糸》或者係1746年出版嘅《裏白精味集》。但係，詳細記載現代嘅天麩羅料理方法就係喺1671年出版嘅料理獻立抄裏面[3]。
傳統嘅日式天麩羅，係將海鮮例如魚、貝類、蝦，或者蔬菜，用小麥粉同埋蛋混合嘅澱粉漿包住油炸，例如炸蝦、炸番薯等。但係喺唔同嘅地方，製作方法甚至個名都會有啲唔同。
關東天麩羅係將魚貝類或者蔬菜等，醮喺用雞蛋同麵粉溝埋嘅脆漿，然後進行油炸而成。特點係海鮮比例高，用芝麻油炸（有時會混入大豆油），油溫唔高，需要炸嘅時間比較長，製作出嚟嘅天麩羅油重色濃得多。
關西天麩羅用嘅醮漿係用水同埋麵粉，蔬菜比例高，用熱油炸，時間短，製作出嚟嘅天麩羅顏色清涼，口味清淡。
除咗一般常見嘅天麩羅，薩摩揚げ[註 2]（音さつま揚げ，英語拼音Satsumaage）呢種用魚肉做成漿、加入調味料同埋碎蔬菜，製成圓餅狀或者長形去油炸嘅食品，喺關西亦都稱為天麩羅（てんぷら），但係同樣嘢食喺關東地方仍然叫薩摩揚げ[5]，喺東海地方就叫做はんぺん[6]（英語拼音Hanpen，意思係「半片」或者「半平」）。食用薩摩揚げ嘅方法，會喺上面撒啲海鹽，或者沾混合醬油、高湯等嘅調味料食用。而傳統嘅天麩羅一般會再配上磨碎嘅蘿蔔泥，而且炸好就趁熱食，亦可以配其他菜製成便當，或者同蕎麥麵一齊做早餐。
臺灣日據時期因為留喺北部嘅人較多，所以西北部地方會直接將天麩羅（てんぷら）音譯成甜不辣。但係隨住關西地方同樣稱為天麩羅嘅薩摩揚げ傳到臺灣，為咗唔同關東地方嘅天麩羅混亂，就將呢一類魚漿製品直接叫做甜不辣或者黑輪，以作區別[7]。加上料理方式同埋南北文化唔同，就出現咗同一種嘢食，但係唔同名稱嘅現象[8]，綜合嚟講：
天麩羅指嘅係日本關東傳統嘅天麩羅，唔係さつま揚げ。市場可以買到未煮炸嘅魚漿製品，無論賣相口感都同臺灣嘅甜不辣、黑輪好相似，但係會叫做魚條、魚手指或者魚餅[9]。
歐洲國家有類似天麩羅嘅料理方法，多數用於甜食，例如用奶油麵糊包裹生果（蘋果、香蕉、菠蘿等），或者用雪糕油炸（參考：fritter）。
葡萄牙仲有嘢食喺Peixinhos da horta，意思係「菜園嚟嘅小魚」，呢種料理方法同天麩羅嘅起源有關。
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
