美國第45任總統 From Wikipedia, the free encyclopedia
當勞莊侵（Donald John Trump，1946年6月14號—）係候任（第47任）美國總統，曾經係第45任美國總統（2017年到2021年）。喺踏入政壇前，當勞侵係企業家、主持人同作家，亦係侵集團董事長同總裁，同創立侵娛樂集團，曾經擔任NBC真人騷《飛黃騰達》主持人。喺佢在任美國總統期間，內政上重新復興美國製造業[2]，為美國人提供就業同投資機會[3]，外交上扭轉美國幾十年嚟對中國共產黨嘅「接觸政策」，積極打擊中共對美國嘅滲透，對日後美中關係乃至世界局勢產生影響。
當勞侵響紐約市皇后區牙買加醫院醫療中心出世[4]，係屋企二仔，有兩個家姐、一個大佬同埋一個細佬，老豆係德國人後代，而阿媽就係蘇格蘭人後代，祖先係蘇格蘭國王占士四世，所以當勞侵都算得上係混血。佢13歲嗰時，佢老豆決定送佢去紐約軍事學院。而佢響學校嘅表現好好，曾經係學校嘅棒球隊隊長，出名棒球手Ted Dobias重當眾讚當勞侵好有天份。響佢四年班嘅時候，佢升到軍校生上尉（即係未來嘅軍官）。
當勞侵喺2015年6月16號宣佈競選2016年美國總統選舉嘅共和黨初選，六月開始，佢喺民意調查之前領先佢嘅對手[6][7][8]。初選期間，當勞侵一路大幅領先，隨住2016年5月頭最後兩位對手宣佈認輸，最後令佢成為共和黨正式參選人，同民主黨嘅希拉莉對決，最後響同年11月打敗希拉莉，當選總統。佢既係歷嚟最大年紀嘅美國總統，亦係頭一位之前無做過任何政府或者軍隊官職嘅美國總統。
2019年7月中，因為佢嘅推文含有被懷疑係嘅種族歧視成份[9][10]，喺幾日後眾議院就讉責佢[11]。
2020年，美國武肺大爆發，佢多次唔肯戴口罩而惹起爭議。終於喺7月，佢戴口罩示人，但去到10月佢仍然染病，其後好快好返。
喺2020年末嘅總統選舉，佢以7千幾萬普選票，高票不敵對手祖拜登。佢指控選舉出現舞弊，但選舉部門同法院唔受理，佢最終同意有序交出權力。臨卸任前，因為佢嘅支持者行咗入去國會，佢成為第一個畀眾議院彈劾兩次嘅總統，但都俾參議院宣告無罪[12]。
總結喺佢第45任美國總統四年任期期間，佢推行咗唔少出格嘅政策，並引起巨大爭議，例如：
2024年7月13號，當勞侵喺賓州 Butler 嘅競選集會上面遇到槍擊，俾人意圖刺殺，耳仔受傷[13][14]。槍擊事件發生咗之後，當勞侵喺特工掩護離開嘅時候，一路講「Wait, wait, wait」，然後佢一路舉起拳頭，一路講講「fight」，呢個動作俾唔少傳媒拍到，令當勞侵形象大升[15][16][17]。佢後來喺當地嘅一間醫院接受治療，證實咗佢一切正常。一個集會嘅觀眾中槍死咗，另外兩個人受傷[18][19]。槍手亦都俾特工當場射殺死咗[20]。 FBI 已經確認咗槍手喺當地嘅20歲青年 Thomas Matthew Crooks[21][22]。
2024年11月6號，當勞侵喺第60屆美國總統選舉當選第47任美國總統，令佢成為繼格羅弗克里夫蘭後第二位贏到唔相連任期嘅總統，同埋成為美國歷史上就職年齡最老嘅總統。[23]
未到
綜觀當勞侵三次參加美國總統選舉，對戰民主黨女對手嘅勝率係100％（兩戰兩勝）；對戰民主黨男對手嘅勝率係0％（一戰一敗）。
祖先：
老婆：
仔女：
香港民間有用粵音直譯當勞侵（粵拼：dong1 lou4*1 cam1）、當奴侵（粵拼：dong¹ nou⁴*¹ cam¹）[24]或者當撈侵（粵拼：dong1 lou1 cam1），目前淨係有《癲狗日報》採用喺新聞報道[25]；而香港無綫電視舊陣時、CUP媒體、端傳媒有用過杜林普（粵拼：dou6 lam4 pou2），亦有媒體惡搞佢個名成「侵侵」；中國大陸就多數用特朗普（粵拼：dak6 long5 pou2），獲多數港澳傳媒跟用；臺灣同美國當地唐人就多數用川普（粵拼：cyun1 pou2）。喺美國總統選舉嘅選票入面，佢全名嘅中文譯名係唐諾德 J. 川普[26]。
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
.svg)
