From Wikipedia, the free encyclopedia
武漢肺炎美國疫情係講武漢肺炎喺美國爆發嘅情況。頭一單確診個案喺2020年1月21號出現。去到2023年1月15號，累積確診個案已經有超過1.01億單（美國疾控中心數字），而美國五十州全部都有確診個案，其他屬地得返美國邊遠島嶼未有確診個案。
 | 呢篇文記述緊一項時人時事。 內容會隨住件事發展而變動或者更新。 |
 | 呢版要更新，以反映最新情況。加完料之後唔該拎走個模。 |
.svg)
美國總統當勞侵喺3月13號宣佈全國進入緊急狀態，同埋調撥500億美金聯邦儲備去對抗疫情。
3月26號，美國超越咗中國大陸，做咗全球最多公佈確診個案嘅國。當勞侵話噉樣代表美國檢測工作做得好，又質疑中國大陸公佈嘅數字做假。
截至3月尾，美國有15個州同兩個海外領地，獲當勞侵總統批准，進入咗重大災難狀態；至少有26個州落柯打要民眾留喺屋企避疫，預計到咗呢個月尾，係有超2.25億人被要求留喺室內，佔咗美國總人口至少三分二。美國勞工部3月27號公佈資料，截至3月21號當周初次申請失業金人數錄得328萬，係上禮拜嘅近十二倍[1]。
美國衞生及公共服務部部長阿薩爾（Alex Azar）喺1月28號發表，美國試過有兩次直接同一次間接提議，話會派遣科學家去中國大陸支援對抗疫情。美國同行評審醫學雜誌American Journal of Managed Care指，美國疾病管制同預防中心（CDC，以下均套用呢個縮寫）1月6號就首次提出咗派遣一支科學家隊伍去中國大陸幫手抗疫，但大陸當局就未有批准。1月27號阿薩爾同大陸嘅衛生部長打電話嗰陣，亦提返呢個意願，不過都係俾拒絕咗[2][3]。
美國白宮喺1月29號宣佈，總統當勞侵成立咗特別工作組應對呢個疫情。同日安排由武漢撤離嘅第一批美國僑民，搭專機返到本土，將會喺加州河濱郡嘅一個舊空軍基地隔離觀察三日，同接受篩檢。美國CDC就喺1月30號公佈，美國出現咗第一宗本土感染肺炎嘅病例，呢陣時美國度累計有六單確診病例。CDC嘅呼吸道疾病暨免疫主任梅森尼爾（Nancy Messonnier）話美國專家會參加世衛組織（WHO）嘅專家團，希望早日去到中國大陸，聯手對抗疫情[4]。
三月中，美國先宣布禁止神根地區旅客入美國，然後再禁埋英國同愛爾蘭旅客入美國。
呢一度係照著各州州名嘅首字母序列排布。截至3月13號，全美聯邦有成41個州同首都華盛頓特區宣佈咗進入緊急狀態[5][6]。
| 西部 | 中西部 | 南部 | 東北部 | 屬地 |
|---|---|---|---|---|
| 阿拉斯加州 | 艾奧瓦州 | 阿拉巴馬州 | 康乃狄格州 | 關島 |
| 亞里桑拿州 | 伊利諾州 | 阿肯色州 | 華盛頓特區 | 波多黎各 |
| 加利福尼亞州 | 印第安那州 | 佛羅里達州 | 特拉華州 | 維爾京群島 |
| 哥羅拉度州 | 堪薩斯州 | 佐治亞州 | 麻薩諸塞州 | 美屬薩摩亞 |
| 夏威夷州 | 密芝根州 | 肯塔基州 | 馬里蘭州 | 北馬利安納群島 |
| 愛達荷州 | 明尼蘇達州 | 路易斯安那州 | 緬因州 | |
| 蒙大拿州 | 密蘇里州 | 密西西比州 | 紐咸西州 | |
| 新墨西哥州 | 北達哥他州 | 北卡羅來納州 | 新澤西州 | |
| 內華達州 | 內布拉斯加州 | 南卡羅來納州 | 紐約州 | |
| 俄勒岡州 | 俄亥俄州 | 田納西州 | 賓夕凡尼亞州 | |
| 猶他州 | 奧克拉荷馬州 | 德薩斯州 | 羅德島州 | |
| 華盛頓州 | 南達科他州 | 維珍尼亞州 | 佛蒙特州 | |
| 懷俄明州 | 威斯康辛州 | 西維珍尼亞州 |
2020年3月5號，州政府宣佈咗進入緊急狀態[7]。
2020年2月3號，密歇根州衛生與公共服務部啟動咗社區衛生應急協調中心，以應對疫情[8]。
截至2月28號，州長凱特·布朗組建咗專門嘅應對小組，協調州政府同埋地方政府去應對疫情。應對小組由州內12個機構代表或指揮組成，以便最快向州長報告疫情嘅最新情況，同埋畀啲建議[9]。
2月27號，州長Greg Abbott開記招，介紹咗德州準備應對疫情嘅情況[10]。
3月2號，因一位患者出院後覆查結果係陽性，德州第二大市聖安東尼奧宣佈咗進入公共衛生緊急狀態[11]。
3月5號，宣佈州入邊嘅六個實驗室開始有能力檢測武漢肺炎[12]。
3月7號，州首府奧斯丁市長宣佈奧斯丁進入地方性災難狀態（a local state of disaster），同時宣佈cut埋當地年度最盛大嘅西南偏南(South by Southwest)電影、音樂同科技綜合性展會，呢個係西南偏南開幕34年來首度被cut[13]。
3月11號，剛開幕數日嘅休斯頓牛仔牲畜展同競技節被迫提前結束[14]。
3月13號，州政府宣佈咗進入緊急狀態[15]。
3月18號，內華達州州長宣佈咗暫停非必要嘅商業活動一個月，期間州入邊嘅賭場、設施酒吧、影畫院同體育場，都要冚唪唥閂晒[17]。
伊州宣佈由3月21號至4月7號，州居民除咗買生活必需品、去睇醫生同去入油之外，都要留喺屋企度[18]。
康涅狄格州由3月23號晚8點開始，關閉非必要嘅企業，同時間頒令禁止各種非必要嘅公共集會，要求州居民除買食物、睇醫生以外應避免去街[18]。
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
