From Wikipedia, the free encyclopedia
《木蘭辭》（粵拼：muk6 laan4 ci4），又有叫《木蘭詩》，係一首古文詩歌，估計出於北朝，全文大約長300隻漢字。依首詩屬於敘事詩，講嘅係孝女花木蘭代父從軍嘅故事。
_2.jpg)
首辭嘅內容以簡述噉嘅方式敘述花木蘭嘅傳說。個故仔講述一個叫花木蘭嘅後生女，佢女扮男裝頂替佢阿爸上陣打仗，喺軍隊入邊捱咗好多年苦，後嚟建立功
《木蘭辭》原文係用南北朝至唐朝時期嘅文言文寫嘅，原文如下。啲現代少見嘅漢字或者漢字讀法，用粵拼標咗讀音[1][2]。
唧 唧復唧唧，木蘭當戶織。 不聞機杼 聲，惟聞女嘆󠄀息。
問女何所󠄁思？問女何所󠄁憶？ 女亦無所󠄁思，女亦無所󠄁憶。
昨夜見軍帖 ，可汗大點兵， 軍書十二卷，卷卷有爺名。[註 1][註 2][3]
阿爺無大兒，木蘭無長兄， 願爲市鞍馬，從此替爺征。東市買駿馬，西市買鞍
韉 。 南市買轡 頭，北市買長鞭󠄀。
朝辭爺孃去，暮宿黃河邊。
不聞爺孃喚女聲， 但聞黃河流水鳴濺 濺。
旦辭黃河去，暮宿黑山頭。
不聞爺孃喚女聲， 但聞燕山胡騎聲啾啾。萬里赴
戎 機，關山度若飛。朔 氣傳金柝 ，寒光照鐵衣。[註 3]
將軍百戰死，壯士十年歸。歸來見天子，天子坐明堂。 策勳十二轉，賞賜百千強。
可汗問所󠄁欲，木蘭不用尚書郎，
願借明駝千里足，送󠄁兒還󠄁故鄉。爺孃聞女來，出郭相扶將。 阿姊聞妹來，當戶理紅妝。
小弟聞姊來，磨刀霍霍向豬󠄁羊。
開我東閣門，坐我西閣床。 脫我戰時袍，著我舊時裳。
當窗理雲鬢 ，對鏡帖花黃。 出門看火伴，火伴皆驚惶：
同行十二年，不知木蘭是女郞！雄兔腳撲朔，雌兔眼迷󠄁離。兩兔傍地走，安能辨我是雄雌？
《木蘭辭》依首詩嘅故仔用現代粵語表達嘅話，可以理解做以下噉[註 4]。
第一段：木蘭下定咗決心
嘆息聲一聲接一聲噉傳出，木蘭對住房門織布。聽唔到織布機嘅聲，只係聽到木蘭喺度唉聲嘆氣。
問木蘭諗緊乜？問木蘭記掛緊乜？（木蘭答）：「我冇諗緊啲乜，亦冇記掛緊啲乜。
尋晚見到徵兵文書，可汗喺度大力徵兵，咁多卷文書，卷卷都有阿爸個名（可汗想阿爸上陣打）。
阿爸冇大仔，木蘭冇大哥，（木蘭）願意去市集度買馬同馬鞍，代替阿爸去出征。」
第二段：木蘭出發去打仗
喺東面市集買好馬，喺西面市集買好馬鞍墊，喺南面市集買韁繩等御馬之物，喺北面市集買長鞭。
第二朝早同父母講再見，夜晚喺黃河邊宿營。
聽唔到父母呼喚個女把聲，只係聽到黃河水流濺濺嘅聲。
第二朝早離開黃河上路，夜晚到達黑山山頭。
聽唔到父母呼喚個女把聲，只係聽到燕山胡兵戰馬叫聲。
第三段：木蘭連年出征
經過萬里奔赴戰場，翻越重重山峰好似飛緊咁快。北方寒氣傳嚟打更聲，月光映照眾戰士嘅鎧甲。
眾將士身經百戰有啲死咗，有啲就轉戰多年打贏至返嚟。
第四段：木蘭凱旋而歸
打贏返到嚟就去面見天子，天子坐喺殿堂上。木蘭多次記功授爵，仲得到千百金有餘嘅賞賜。
天子問木蘭想要啲乜，木蘭話唔想做尚書郎（冇興趣做大官），
淨係希望借天子嘅一隻千里馬，騎住隻馬返鄉下（見屋企人）。
第五段：木蘭卒之返到屋企
父母聽到個女返嚟，互相攙扶住噉去城外迎接。家姐聽到細妹返嚟，就對住門戶梳妝同打扮。
細佬聽到家姐要返嚟，磨利把刀去殺豬劏羊。
（木蘭返到嚟）打開東閣道門，坐上西閣張床（即係話木蘭四圍行，重遊掛念多年嘅屋企）。
（木蘭）除低佢嘅戰袍，著返舊時啲女仔衫。
對住窗打理頭髮，對住鏡貼返塊花黃。（木蘭）行出門口見一齊打仗嘅伙伴，伙伴都嚇咗跳：
『同行咗十二年，竟然唔知木蘭係個女仔！』
最後嗰句：
（捉住一隻兔對耳仔
秤 起佢）兔公兩腳會時時動彈，兔乸兩眼會眯 埋噉款（所以兩者容易分）。
但係當公乸兩隻兔一齊貼住地面跑，點樣分我係雄定雌？
《木蘭辭》裏面用咗好豐富嘅修辭手法，每句都有修辭咁滯，其中包括[4]：
 |
《木蘭辭》係一首樂府詩，最早紀錄可見於陳朝《古今樂錄》。依首詩源自民歌，作者身份不明難以考究，例如南北朝據講就有文獻係噉樣描述《木蘭辭》嘅[1]：
『按歌辭有《木蘭》一曲，不知起於何代也。』
現代粵語：《木蘭》依一首曲，唔知係起源喺咩時代嘅。
不過一般都認為，花木蘭好可能係真有其人嘅，而且應該係一位北朝人：有學者睇住首詩「旦辭黃河去，暮至黑山頭」同「但聞燕山胡騎聲啾啾」等嘅字句嚟考究返啲地理，主張首詩講嗰場仗應該係北魏同柔然（古時亞洲北部一國，佢哋嘅主要語言屬蒙古語系）之間打嘅；除此之外，北朝同南朝比起嚟不溜都比較尚武，佢哋啲婦女好興得閒會玩吓騎馬射箭，所以如果話佢哋出咗個後生女唔淨只識打仗仲頂替佢阿爸上陣，都唔算係好出奇嘅事[1]。
花木蘭嘅故事，可以話係舉世聞名，一路去到廿世紀都仲有人傳頌。例如迪士尼就喺 1998 年將木蘭個故仔拍咗做一套動畫片，套戲廣受好評，被指係廿世紀其中一套最出色嘅動畫片作品[5]。除此之外，亦可以睇睇粵語詩集嬉笑集入邊有首詩叫《木蘭從軍》，就係講花木蘭個故仔嘅[6]—
亞蘭生得咁風騷，心口誰知有執毛。
老豆當兵偏要替，姑娘擒賊至慌箍。
石獅睇見都流淚，紙馬騎親咪甩鬚。
嫩過藕瓜條手臂，點嚟揸把殺人刀。
—成首詩歌嘅主旨，就係歌頌緊阿蘭（花木蘭）佢幾咁勇敢，為咗阿爸而作出重大嘅犧牲。
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
