中國史上，有好多地方做過京城，即係一國皇帝或者阿頭嘅駐地。中國地域變化好大，時分時合，所以唔同時間、唔同國，都有唔同京城。有時甚至會一國幾個京，積落來都好多城做過京城。
京城通常會加個京字，又或者別名有個京字。京字用法可以追到去西周。京字原本係高嘅山，又係戰死嘅人高墳。所以京引申做大意思，而京師就係大而眾，又大又多人嘅地方，天子就住響度[1]。
周代諸侯國，有宗廟嘅叫都，冇宗廟嘅叫邑[2][3]。所以呢啲國裏面，都同邑都有類以京嘅作用，意思有時會互借，例如京都咁。所以近代譯西方 Capital 做首都，意思係一國諸城之首。
皆因兩岸分治，家下中國有兩個京城，中華人民共和國嘅京城係北京；中華民國嘅實際京城係臺北，無法定京城，傳統上認為係響南京。
古都
有啲史學家中意叫做過幾次，長時間嘅京城做古都，重將幾個重要啲嘅夾埋一齊。
四大古都，即係西安、洛陽、南京同北京。呢個係最早將古都夾埋一齊嘅講法。到咗1920年代，學術界又加埋開封做五大古都，即係西安、洛陽、南京、北京、開封。又到咗1930年代，又有人將杭州加埋入古都之列，叫六大古都，即係西安、洛陽、南京、北京、開封、杭州。呢個講法，流傳至廣。
1988年，地理學家譚其驤提議安陽都係大古都，有人同意之下，又有七大古都之說，即係西安、洛陽、南京、北京、開封、杭州、安陽。2004年11月5號，中國古都學會會長朱士光宣佈，鄭州都係大古都，所以有八大古都，即係西安、洛陽、南京、北京、開封、杭州、安陽同鄭州。
東南西北中中國京都
首都喺中國又叫做京城、京都、京畿、京師等。中國重要王朝嘅京都喺民間被按照方位順序進行分類。
- 東京（今開封，歷史上又叫做「汴京」「汴州」。此外，洛陽周、漢、隋、唐時期亦曾經叫做東都、東京）
- 南京（今南京，歷史上又叫做「金陵」「江寧」「天京」「建業」「建康」「秣陵」。遼代時嘅幽州、金代時嘅開封亦曾經叫做南京。）
- 西京（今西安，歷史上又叫做「長安」「京兆府」。此外，五代、宋朝時期嘅洛陽亦都叫做西京。）
- 北京（今北京，歷史上叫做「燕京」「北平」「大都」。此外，唐朝時期太原、明朝初年開封亦都叫做北京。）
- 中京（今洛陽，東晉、金代時叫做中京。金代嘅北京曾經叫做中都。）
近代以來，少數民族政權被認為係中國歷史內同漢民族政權一樣平等嘅一部分，所以上面所提到嘅東西南北中國首都冇歷史學意義，而係一種民間嘅變稱。
由於各個朝代所管轄嘅具體區域有所不同，所以呢啲稱呼所指代嘅城市亦各有差異。比如，宋代嘅都城係東京汴梁（今開封），另有西、南、北三都：西京洛陽，南京商丘，北京大名。而同時期管轄中國另一部分區域嘅遼代亦有類似嘅稱呼：東京遼陽府（今遼寧遼陽），西京大同府（今山西大同），南京析津府（今北京），中京大定府，上京臨潢府。同一個城市喺唔同朝代亦有唔同嘅名，比如南京喺東吳同埋南宋之初叫做東都，而喺五代十國嘅吳國叫做西都。
從地理位置上面睇，五大古都，洛陽居中，開封居東，西安居西，南京居南，北京居北。洛陽、開封、西安都位於中華文明嘅發源地中原地帶。近古以來嘅中國首都就主要喺南京同埋北京之間轉換。
各大古都
西安（周、秦、漢、隋、唐等十三個王朝）、洛陽（夏、商、周、晉、漢等十三個王朝）、南京（明初、中華民國）、北京（元、明、清、中華人民共和國）、開封（夏、北宋）五大古都等都做過全國性政權嘅中國嘅首都。此外，發現殷墟嘅安陽曾經作為商後期嘅首都，商朝京師搬幾次，有「前八後五」嘅講法。
定都南京嘅東晉同埋南朝宋、齊、梁、陳四個朝代、定都杭州嘅南宋等朝代，係處於分裂時期嘅中國漢族政權，而定都洛陽嘅北魏、定都北京嘅金則係處於分裂時期嘅中國少數民族政權。不過，東晉、南朝、南宋係漢人一般認為喺中國處於分裂時期嘅華夏正統政權。
以下按照歷史地位介紹。
西安
西安，古稱長安，又曾經叫西都、西京、大興城、京兆城、奉元城等，係中國歷史上影響力最大嘅城市之一。先後有西周、秦、西漢、新、東漢（獻帝初）、西晉（愍帝）、前趙、前秦、後秦、西魏、北周、隋、唐等13個王朝喺呢度建都達1000幾年咁耐。又曾經係赤眉、綠林、大齊（黃巢）、大順（李自成）等民變政權嘅都城。
洛陽
洛陽，古時又叫「洛邑」「雒邑」，先後有夏、商、西周、東周、東漢、曹魏、西晉、北魏、隋、唐、後梁、後唐、後晉13個王朝喺呢度建都，歷時1300幾年。洛陽喺明清時期由河南府治，民國時期設有專員公署，並一度係民國行都。1948年置洛陽市，但係由縣級市屬洛陽地區管轄，1956年升為地級市（省轄市）。
北京
北京係五朝帝都（遼、金、元、明、清）：
南京
南京係東吳、東晉、南朝（宋、齊、梁、陳四朝）、南唐、明、太平天國、中華民國首都。
- 三國時叫做建業，係東吳嘅首都。
- 西晉避司馬鄴諱，改名做建康，係東晉京城。
- 南北朝時期，宋朝、齊朝、梁朝、陳朝都以呢個城為都。南朝四朝首都，加埋東吳、東晉首都，所以南京亦叫做六朝古都。
- 六朝以後係南唐國都。
- 朱元璋推翻元朝建立明朝後，南京係大明嘅首都。後來明成祖遷都北京，南京亦成為南都。
- 太平天國時期改名天京，為太平天國都。
- 孫中山領導辛亥革命推翻清朝後建立中華民國，南京被定為中國首都。
隨住北洋政府嘅建立，首都由南京搬去北京。北伐完咗之後再定都南京。（抗日戰爭期間1937年-1945年國民政府搬咗去重慶，重慶係臨時首都-陪都）。1949年蔣介石所領導嘅國民政府撤退到台灣之前，中國首都係位於南京（法理上南京至今仍然係中華民國嘅正式首都）。
開封
開封，簡稱汴，古稱「汴州」「東京」「大梁」。係中國多個重要王朝嘅首都。夏朝時曾經喺度建都，叫做老丘。戰國時期，魏國喺度建都，叫「大梁」，冶鐵業發達，非常繁榮。後來歷經黃河水患同戰亂，幾乎淪為廢墟，極度衰敗。五代十國時期國家四分五裂，開封地理條件非常適宜農業經濟發展，作為一統天下嘅基礎，先後成為後梁、後晉、後漢及後周嘅國都。後周大將趙匡胤發動陳橋兵變代後周稱帝，建立宋朝（北宋），仍以開封為首都，叫做「東京」，終於統一中國漢族嘅本部。北宋時期，開封城市結構突破咗唐代長安「坊市」城市格局嘅束縛，再次走向繁榮，發展成為當時世界上人口最多最繁華嘅城市之一。靖康之難後，北宋滅亡，開封俾金國佔領，繼續俾金朝定為都城。蒙古滅金之後，成為河南省州府。明朝初年曾經叫做「北京」，同稱為「南京」嘅金陵相對。
安陽
上古三皇五帝時代，顓頊、帝嚳兩位帝王喺安陽境內建都。殷商後期係商都殷墟。漢末以後，以鄴城為中心嘅安陽先後成為曹魏、後趙、冉魏、前燕、東魏、北齊六個王朝嘅都城。
杭州
鄭州
鄭州，簡稱鄭。傳說係黃帝嘅故都。喺4000幾年前嘅夏朝，大禹個仔啓建都於陽城即係鄭州。鄭州有3000幾年前嘅商代遺址，部分歷史學家認為佢係商朝嘅亳都。公元前11世紀嘅西周，周王封佢細佬管叔喺度，叫管國。春秋時期，呢度又係鄭國大夫子產嘅封地。春秋同埋戰國時期，新鄭曾先後作為鄭國同埋韓國嘅國都長達500年咁耐。
其他京都
除咗七大古都之外，重有好多城市曾經成為控制中國某地區嘅都城，或者實際割據政權嘅都城，或者政治上全中國嘅首都。
歷代京城
| 朝代 ／國 | 京城 | 年代 |
|---|---|---|
| 夏 | 陽城 | 約前2070年—約前1600年 |
| 斟鄩（斟鄩） | ||
| 帝丘 | ||
| 原 | ||
| 老丘 | ||
| 西河 | ||
| 商 | 西亳 | 約前1600年—約前1046年 |
| 囂 | ||
| 相 | ||
| 邢 | ||
| 庇 | ||
| 奄 | ||
| 殷 | ||
| 西周 | 鎬京 | 約前1046年—前771年 |
| 東周 | 洛陽 | 前770年—前256年 |
| 秦朝 | 咸陽 | 前221年—前207年 |
| 西漢 | 洛陽 | 前202年 |
| 櫟陽 | 前202年—前200年 | |
| 長安 | 前200年—8年 | |
| 新朝 | 長安 | 8年—23年 |
| 東漢 | 雒陽 | 25年—190年 |
| 長安 | 191年—195年 | |
| 許縣 | 196年—220年 | |
| 三國 | 洛陽 | 220年—265年（曹魏） |
| 成都 | 221年—263年（蜀漢） | |
| 建業 | 227年—279年（孫吳） | |
| 西晉 | 洛陽 | 265年—313年 |
| 長安 | 313年—316年 | |
| 東晉 | 建康 | 317年—420年 |
| 北朝 | 平城 | 386年—493年（北魏） |
| 洛陽 | 493年—534年（北魏） | |
| 鄴 | 534年—577年（東魏、北齊） | |
| 長安 | 534年—581年（西魏、北周） | |
| 南朝 | 建康 | 420年—589年（宋、齊、梁、陳） |
| 隋朝 | 大興 | 581年—618年 |
| 唐朝 | 長安 | 618年—904年 |
| 洛陽 | 904年—907年 | |
| 五代 | 開封 | 907年—923年（後梁） |
| 洛陽 | 923年—936年（後唐） | |
| 開封 | 936年—960年（後晉、後漢、後周） | |
| 北宋 | 汴京 | 960年—1127年 |
| 南宋 | 臨安 | 1127年—1279年 |
| 遼朝 | 上京臨潢府 | 907年—1120年 |
| 金朝 | 上京會寧府 | 1115年—1153年 |
| 中都大興府 | 1153年—1214年 | |
| 南京開封府 | 1214年—1234年 | |
| 西夏 | 興慶府 | 1038年—1227年 |
| 元朝 | 哈拉和林 | 1260年—1264年 |
| 大都 | 1264年—1368年 | |
| 明朝 | 應天府 | 1368年—1420年 |
| 順天府 | 1420年—1644年 | |
| 南明 | 南京 | 1644年—1645年 |
| 福州 | 1645年—1646年 | |
| 肇慶 | 1646年—1662年 | |
| 清朝 | 北京 | 1644年—1911年 |
| 中華民國 | 北京 | 1912年—1928年 |
| 廣州 | 1925年—1927年[4] | |
| 武漢 | 1927年[5] | |
| 南京 | 1927年—1937年 | |
| 武漢 | 1937年（抗日戰爭時期） | |
| 重慶 | 1937年—1945年（抗日戰爭時期） | |
| 南京 | 1945年—1949年 | |
| 廣州 | 1949年（國共內戰時期） | |
| 重慶 | 1949年（國共內戰時期） | |
| 成都 | 1949年（國共內戰時期） | |
| 台北 | 1949年—到而家 | |
| 中華人民共和國 | 北京 | 1949年—到而家 |
注
出面網頁
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
