北齊,係南北朝北方其中一朝,550年由高洋立國,577年由高恆亡國,畀北周滅。
北周、北齊、陳、西梁疆土
534年,北魏孝武帝元修同權臣高歡反面,孝武帝走佬去關中,投靠宇文泰。高歡就另立新君,建立東魏。547年高歡過身,之後東魏嘅大權由高歡個仔高澄把持。549年高澄過身,大權就由高澄細佬高洋把持。
550年,高洋迫東魏孝靜帝元善見禪位,東魏滅亡,北齊建立。[1]
北周武帝宇文邕喺575年下詔出兵攻打北齊。[2]577年正月,周軍攻佔北齊首都鄴。冇耐北齊嘅太上皇高緯同幼主高恆都畀周軍俘虜,北齊滅亡。[3]