俄羅斯

 俄羅斯聯邦（粵拼：ngo4 lo4 si1 lyun4 bong1） ^[7]（俄文：Российская Федерация，拉丁轉寫：Rossiyskaya Federatsiya，縮寫РФ，拉丁轉寫：RF），簡稱俄羅斯（俄文：Россия，拉丁轉寫：Rossiya），係歐亞大陸北部一國，横跨歐亞兩大洲，國土面積超過1700萬平方公里，佔地球陸地面積八分之一^[8][9]，係全世界最大，覆蓋成個亞洲北部同東歐嘅大部份，橫跨11個時區，涵蓋廣泛嘅環境同地形。俄羅斯嘅1.47億人口就係世界第九多，主要住喺佢歐洲部份。俄羅斯有全世界最大嘅森林儲備，有約莫世界四分之一嘅淡水湖^[10]。

Российская Федерация 俄羅斯聯邦
旗 徽
國歌：《俄羅斯聯邦頌》
屬地（實轄）
幅員 國土：17,098,246[1]平方公里（世界第1名） 水域：0.5%
首都	莫斯科
最大城市	莫斯科
時區	UTC+2至+12
國民
人數	以下係2021年嘅估計數字 人數：▼ 144,699,673[2]（世界第9名） 人口密度：8.4人/km2（世界第187名）
官方語言	俄文
民族	聯邦制、半總統制、憲法共和
主要宗教	東正教
政制
政制	專制主義 聯邦制半總統制立憲共和國
主要領袖 國家元首（總統）：普京 政府首腦（總理）：米舒斯京
經濟
GDP（購買力平價） 以下係2024年嘅估計數字 總計：▲ $5.473萬億[3]（第6名） 人均：▲ $38,292[3]（第60名）
GDP（國際匯率） 以下係2024年嘅估計數字 總計：▲ $2.057萬億[3]（第11名） 人均：▲ $14,391[3]（第65名）
HDI 以下係2022年嘅估計數字 ▲ 0.821[4]（第56名）－極高
中央銀行	俄羅斯中央銀行
貨幣	俄羅斯盧布（RUB，₽）
堅尼系數	▼ 0.36（中 ，2020年）[5]
資訊
國家象徵	國花：向日葵
國家代碼	RUS
國際域名縮寫	.ru
國際電話區號	+7
現役軍人數	▲ 1,320,000（2023年）[6]

滿洲史
古朝鮮						東胡			濊貊 沃沮		肅慎
燕		遼西郡	遼東郡
秦		遼西郡	遼東郡
西漢		遼西郡	遼東郡	衛滿朝鮮		匈奴
		漢四郡								扶餘
東漢		遼西郡				烏桓	鮮卑				挹婁
		遼東郡							高句麗
		玄菟郡
魏		昌黎郡		公孫軍閥
		遼東郡
		玄菟郡
西晉		平州
慕容鮮卑					宇文鮮卑
前燕		平州
前秦		平州
後燕		平州
北燕
北魏		營州			契丹		庫莫奚（中文：奚族）	室韋		豆莫婁
東魏		營州									勿吉
北齊		營州
北周		營州
隋		柳城郡									靺鞨
		燕郡
		遼西郡
唐		營州			松漠都督府		饒樂都督府	室韋都督府	安東都護府	渤海國		黑水都督府
五代十國		營州			契丹			渤海國
遼		上京道									東丹	女真
		中京道								定安
		東京道
金		東京路
		上京路
東遼									大真國
元		遼陽行省
明		遼東都司			奴兒干都指揮使司
					建州女真			海西女真 （扈倫忽剌）			野人女真
後金
清		滿洲
		東三省							俄羅斯帝國 外滿洲
中華民國 （東三省）									蘇聯 （俄屬遠東）
滿洲國
中華人民共和國 （中國東北地區）									俄羅斯 （遠東聯邦管區/俄屬遠東）
中國朝鮮關係史（日文：中国朝鮮関係史）
Portal:中國

俄羅斯歷史始於歐洲嘅東斯拉夫民族，聚集區域自3世紀至8世紀慢慢擴大^[11]。喺9世紀，瓦良格人武士精英建立咗基輔羅斯呢個中世紀國家。988年，國家從拜占庭帝國採納咗東正教。至此，拜占庭同斯拉夫嘅文化融合成為今日嘅俄羅斯文化。

基輔羅斯最尾分裂為好多公國，畀蒙古人逐一擊破，喺13世紀成為咗金帳汗國嘅藩屬。莫斯科大公後來慢慢崛起並統一周邊俄羅斯諸侯國，由金帳汗國獨立，成為基輔羅斯文化同政治嘅繼承者。18世紀，俄羅斯沙皇國通過征服，吞併同探索，最終成為俄羅斯帝國。俄羅斯帝國係世界史上第三大帝國，疆域自中歐嘅波蘭連綿至北美洲嘅阿拉斯加^[12][13][14]。

1917年十月革命後，俄羅斯蘇維埃聯邦社會主義共和國成為咗蘇維埃社會主義共和國聯盟嘅主體同最大嘅加盟共和國。佢係世界上第一個憲法意義上嘅社會主義國家^[15]。第二次世界大戰時期，蘇聯為同盟國嘅勝利扮演咗決定性嘅角色。戰後佢嘅崛起成為公認嘅超級大國，並喺冷戰時期同美國互相競爭。蘇聯時期產生咗20世紀好多好重要嘅科技成就，其中包括頭一粒人造衛星史撥尼克1號，同埋首次將人類（加加林）送入太空。1990年，蘇聯係世界上第二大經濟體^[16]，並擁有世界上最多嘅常備軍人同埋大殺傷力武器庫存。1991年蘇聯解體後，包括俄羅斯在內嘅15個共和國從原蘇聯獨立。「俄羅斯蘇維埃聯邦社會主義共和國」通過修憲改制為「俄羅斯聯邦」。國體為聯邦半總統制共和國。

2015年，根據國民生產總值俄羅斯經濟係世界第13大經濟體，根據購買力平價為世界第六大經濟體。俄羅斯有世界上最大儲量嘅礦產同能源資源^[17]，係世界上最大嘅石油同天然氣輸出國^[18][19]。俄羅斯係世界大國，擁有核武，係聯合國安理會常任理事國，G20、歐洲理事會、亞洲太平洋經濟合作組織、上海合作組織、歐安組織、世界貿易組織同金磚五國成員。佢亦係獨立國家聯合體、集體安全條約組織嘅領導者同歐亞經濟聯盟創始成員。俄羅斯亦係八大工業國之一，但因為克里米亞危機而被暫停成員身份。

地理

俄羅斯有14個陸上鄰國（由西北方向起逆時針數）：挪威、芬蘭、愛沙尼亞、拉脫維亞、立陶宛、波蘭、白俄羅斯、烏克蘭、格魯吉亞、阿塞拜疆、哈薩克、中華人民共和國、蒙古國同北韓，其中立陶宛同波蘭只係同俄羅斯外飛地加里寧格勒州接壤。同時俄羅斯重同日本、美國、加拿大、丹麥自治領地格陵蘭、冰島同瑞典隔海相望。俄羅斯北面同東面分別畀北冰洋同太平洋包圍，西北同西南就分別可以經波羅的海同黑海去大西洋。

俄羅斯國土面積超過1700萬平方公里，佔地球陸地面積超過八分之一，包括成個亞洲北部，橫跨9個時區，涵蓋唔同環境同地形。

俄羅斯有世界最大儲量嘅礦產同能源資源^[20]，亦係世界最大石油同天然氣輸出國^[18][19]，俄羅斯同時係世界八大工業國之一，擁有世界最多森林儲備同有約世界四分之一嘅淡水湖^[10]

行政區

俄羅斯聯邦由83個唔同種類行政分區組成：

• 22個共和國（республики, "republics"），享有較大自由，通常係少數民族聚居區
• 46個州（области/oblasts, "provinces"）
• 9個邊疆區（края/krais, "territories"）
• 4個自治區（автономные округа/autonomous okrugs, "autonomous districts"）
• 1個自治州（автономная область/autonomous oblast, "autonomous province"）— 猶太自治州
• 3個聯邦直轄市（города федерального значения, "federal cities"）— 莫斯科同聖彼德堡

俄羅斯聯邦嘅一級行政區

另外喺2000年5月13號，總統普京簽發命令決定按地域原則響俄羅斯建立7個聯邦區，包括中央聯邦區、西北聯邦區、南方聯邦區、伏爾加河沿岸聯邦區、烏拉爾聯邦區、西伯利亞聯邦區同遠東聯邦區。到2010年1月19號，總統梅德韋傑夫簽發命令決定自南部聯邦區內分出一個新聯邦區－北高加索聯邦區，令到俄羅斯聯邦區增加到8個。

政治

内文：俄羅斯政治

俄羅斯總理梅德韋傑夫（左），俄羅斯總統普京（右）

俄羅斯聯邦實行聯邦制同埋半總統制，以俄羅斯聯邦憲法同法律為基礎，根據立法、司法、行政三權分立相互制約、相互平衡嘅原則行使職能。

俄羅斯總統係國家元首，任期6年，可以連任一次。2008年修憲前為4年，由人民直接選舉產生。總統有相當大嘅行政權力，有權任命包括總理在內嘅高級官員，但必須經國家杜馬批准。總統同時亦係武裝部隊嘅首領同埋國家安全會議嘅主席。並可以唔經議會通過直接頒布法令。總統唔可以連任多過一次，但總當選次數冇上限。

根據《俄羅斯聯邦憲法》，俄羅斯聯邦會議係俄羅斯聯邦嘅代表同立法機關，採用兩院制，下議院嗌國家杜馬（代表聯邦各主體），上議院嗌聯邦委員會（代表聯邦）。

聯邦委員會（上議院）由俄羅斯聯邦諸聯邦主體各派兩名代表組成：一名嚟自國家代表權力機關，一名嚟自國家執行權力機關，主要嘅職能係批准聯邦法律、聯邦主體邊界變更、總統關於戰爭狀態同緊急狀態嘅命令，決定境外駐軍、總統選舉同埋彈劾，中央同地方嘅關係問題等。

國家杜馬（下議院）嘅職權係同意總統對總理嘅任命；決定對總統嘅信任問題；任免審計院主席及半數檢查員；實行大赦；提出罷免俄羅斯聯邦總統嘅指控；通過聯邦法律。

聯邦行政部門

俄羅斯有15個部同埋同其他部同級嘅總局，其中有5個部比較特殊，有重要權力嘅部門直接向總統負責，嗌強力部門（俄文：силовые структуры），分別係：

• 聯邦內務部
• 聯邦外交部
• 聯邦國防部
• 聯邦司法部
• 聯邦民防、緊急情況及消除自然災害後果部（簡稱緊急情況部）

其餘10個部就直屬總理：

• 聯邦財政部
• 聯邦衛生與社會發展部
• 聯邦經濟發展與貿易部
• 聯邦教育科學部
• 聯邦工業與能源部
• 聯邦農業部
• 聯邦資訊科技與通訊部
• 聯邦自然資源部
• 聯邦文化與傳媒部
• 聯邦交通運輸部

史

内文：俄羅斯史

從國家同國際法律嘅角度嚟睇，現代俄羅斯民族國家喺1917年11月7號出現。1991年12月25號改名為「俄羅斯聯邦」，通稱「俄羅斯」或者「俄國」，係蘇聯同俄羅斯蘇維埃聯邦社會主義共和國嘅繼任者。

俄羅斯地域喺舊石器時代已經有人類居住。862年諾曼人留里克受斯拉夫人嘅邀請去到諾夫哥羅德建立第一個羅斯公國，留里克王朝就咁樣開始。882年，諾夫哥羅德大公奧列格征服基輔，建立基輔羅斯，去到12世紀中以基輔為首都，同東斯拉夫人為主體嘅早期國家。基輔羅斯起源於7世紀上半葉，根據史學史嘅觀點，基輔羅斯被認為係3個現代東斯拉夫人國家（白俄羅斯、俄羅斯同烏克蘭）嘅前身。弗拉基米爾大帝同佢嘅仔智者雅羅斯拉夫嘅統治時期係基輔嘅黃金時期。當時佢哋接納咗東正教，亦創立咗羅斯法典（俄文：Русская правда）。之後，基輔羅斯喺公元13世紀畀蒙古人建立嘅欽察汗國佔領。

中世紀後期，俄羅斯人建立咗莫斯科大公國並逐漸發展成為一個大帝國。俄國喺16世紀起開始向亞洲擴張，到17世紀中成為全球固有領土面積最大嘅國。喺歷代沙皇領導下，俄羅斯帝國喺18世紀開始現代化並到處擴張，成為歐洲列強之一，但係由20世紀初開始，沙皇統治日益腐敗，唔願下放權力畀資產階級，人民對現狀日漸不滿。隨住俄國喺第一次世界大戰慘敗，1917年終於爆發十月革命。無幾耐，列寧領導蘇聯共產黨建立全球首個共產政權「蘇維埃社會主義共和國聯盟」。喺列寧同斯大林領導下，蘇聯由一個農業國迅速工業化，並且實行農業集體化。第二次世界大戰打贏納粹德國後成為冷戰嘅紅色超級大國。1980年代尾，蘇聯進行多項激進改革，但係高度集中嘅政治經濟體制已病入膏肓，斯大林模式亦逐漸僵化，最終喺1991年解體。

1991年12月26號，俄羅斯蘇維埃社會主義聯邦共和國最高蘇維埃宣佈，俄羅斯蘇維埃社會主義聯邦共和國改名為俄羅斯聯邦並成為主權國家。自此，俄羅斯聯邦雖然未具有如蘇聯、美國等超級大國嘅地位，但仍被國際承認係極具影響力嘅世界性大國，亦係世界第二軍事強國。解體後，俄國經濟曾一度面臨困境，政治方面亦出現過1993年憲政危機，家下經濟狀況已經有所改善。

建國歷史嘅變遷

莫斯科地鐵

莫斯科金融區

1. 基輔羅斯（古羅斯國家，862年至1242年）
2. 弗拉基米爾-蘇茲達爾大公國（1157年至1389年）
3. 莫斯科公國（1246年至1389年）
4. 莫斯科大公國（1389年至1547年）
5. 俄羅斯沙皇國（1547年1月16號至1721年1月22號）
6. 俄羅斯帝國（1721年1月22號至1917年9月1號）
7. 俄國臨時政府（1917年9月1號至1917年11月7號）
8. （蘇俄；1917年11月7號成立，1922年至1991年屬於蘇聯）
9. 蘇聯（1922年12月30號至1991年12月26號）
10. 俄羅斯（1991年12月25號至今）

首都嘅變遷

• 862年至882年：諾夫哥羅德
• 882年至1243年：基輔
• 1243年至1389年：弗拉基米爾
• 1389年至1712年：莫斯科
• 1712年5月21號至1728年：聖彼得堡
• 1728年至1732年：莫斯科
• 1732年至1918年：聖彼得堡（1914年8月18號改名做彼得格勒）
• 1918年3月12號至今：莫斯科

軍事

俄羅斯係傳統軍事強國，沙皇俄國時期強調發展軍力，而蘇聯時期嘅軍事水平達到巔峰，成為世界軍事強國。

攷

1. "World Statistics Pocketbook 2016 edition" (PDF). United Nations Department of Economic and Social Affairs. Statistics Division. 原先內容歸檔 (PDF)喺2019-06-18. 喺2024-06-10搵到.
2. Предварительная оценка численности постоянного населения на 1 января 2022 года и в среднем за 2021 год [Preliminary estimated population as of 1 January 2022 and on the average for 2021] (XLS). Russian Federal State Statistics Service (俄文). 2021. 原先內容歸檔喺2022-03-24.
3. "World Economic Outlook Database, April 2024 Edition. (Russia)". www.imf.org. International Monetary Fund. 2024-04-16. 原先內容歸檔喺2024-04-28.
4. "Human Development Report 2023/24" (PDF) (英文). United Nations Development Programme. 2024-03-13. 原先內容歸檔 (PDF)喺2024-03-13.
5. "GINI index (World Bank estimate) – Russian Federation". World Bank. 原先內容歸檔喺2017-04-20.
6. "Putin orders the Russian military to add 170,000 troops for a total of 1.32 million". Associated Press News. December 2023.
7. "The Constitution of the Russian Federation". (Article 1) (英文). 喺2009-06-29搵到.
8. 〈存档副本〉。原著喺2016年4月16號歸檔。喺2017年3月19號搵到。
9. http://www.nationsencyclopedia.com/economies/Europe/Russia.html
10. Library of Congress. "Topography and drainage". 喺26 December 2007搵到.
11. "Russia". Encyclopædia Britannica. 喺31 January 2008搵到.
12. Excerpted from Glenn E. Curtis (ed.) (1998). "Russia: A Country Study: Kievan Rus' and Mongol Periods". Washington, D.C.: Federal Research Division of the Library of Congress. 原著喺2007年9月27號歸檔. 喺20 July 2007搵到. {{cite web}}: |last= has generic name (help)
13. Rein Taagepera (1997). "Expansion and Contraction Patterns of Large Polities: Context for Russia". International Studies Quarterly. 41 (3): 475–504. doi:10.1111/0020-8833.00053.
14. Peter Turchin; Thomas D. Hall; Jonathan M. Adams (2006). "East-West Orientation of Historical Empires" (PDF). Journal of World-Systems Research, Vol. 12 (no. 2). pp. 219–229. 原著 (PDF)喺22 February 2007歸檔.
15. Jonathan R. Adelman; Cristann Lea Gibson (1 July 1989). Contemporary Soviet Military Affairs: The Legacy of？ World War II. Unwin Hyman. p. 4. ISBN 978-0-04-445031-3. 喺15 June 2012搵到.
16. GDP – Million 1990. CIA Factbook. 1991. 喺30 November 2015搵到.
17. "Commission of the Russian Federation for UNESCO: Panorama of Russia". Unesco.ru. 喺29 October 2010搵到.
18. International Energy Agency – Oil Market Report 18 January 2012. Retrieved 20 February 2012.
19. Country Comparison :: Natural gas – production 互聯網檔案館嘅歸檔，歸檔日期2012年9月21號，.. CIA World Factbook. Retrieved 17 February 2012.
20. "Commission of the Russian Federation for UNESCO: Panorama of Russia". Unesco.ru. 喺29 October 2010搵到.

出面網頁

• "СЕРВЕР ОРГАНОВ ГОСУДАРСТВЕННОЙ ВЛАСТИ РОССИИ".
• 〈国家概况 — 中华人民共和国外交部〉 (簡體中文)。中華人民共和國外交部。
• 〈俄羅斯聯邦 Russian Federation - 亞西地區 - 中華民國外交部 - 全球資訊網 Ministry of Foreign Affairs, Republic of China (Taiwan)〉 (繁體中文)。中華民國外交部。
• "Russia - United States Department of State" (英文). 美國國務院.
• 俄羅斯喺中央情報局《世界概況》嘅資料 （英文）
• 〈ロシア連邦 ｜ 外務省〉 (日文)。日本外務省（日文：外務省）。
• "Russia - Department of Foreign Affairs and Trade" (英文). 澳洲外交貿易部（英文：Department of Foreign Affairs and Trade (Australia)）.