2012年，羅琳出版嘅下一部作品《臨時空缺》，呢本同佢嘅成名作完全唔同，係一本面向成人讀者嘅悲喜劇小說。
2013年，羅琳以筆名「羅拔·加爾布賴夫」出版犯罪小說《杜鵑的呼喚》，羅琳表示呢個作品將會發展成為系列小說。
J·K·羅琳嘅人生就好似《灰姑娘》故事咁，喺短短5年裡面由政府援助嘅貧窮單親媽媽變成富有嘅暢銷作家。佢係英國有記錄以嚟最暢銷嘅作家，得到嘅版稅大約有£2,380萬英鎊[9]。喺2008年，《星期日泰晤士報富豪榜》估計羅琳嘅身家有總值大約有£5.6億英鎊，係英國第12位最有錢嘅女性[10]。福布斯就將羅琳評為2007年最有影響力名人嘅第27位[11]；《時代》雜誌亦都以佢「對哈利波特迷喺社會、道德同政治方面嘅影響」，將佢評為2007年「時代年度風雲人物」嘅第二位[12][13][14]。2010年10月，《衛報》將羅琳評為全英國最具影響力嘅女性[15][16]。佢亦投入慈善活動，支持喜劇救濟、大不列顛多發性硬化症協會、薑餅、路摸思等慈善團體。
早年生活與名字
J·K·羅琳喺英國告羅士打郡嘅雅特出世。羅琳成為小說作家之前，佢喺國際特赦組織擔任研究員兼雙語秘書[17]。
羅琳喺寫《哈利波特：神秘的魔法石》果陣，佢正經歷貧窮、母親過身同第一次離婚。雖然羅琳大多數時候都用佢嘅筆名「J·K·羅琳」，但喺1997年出版《哈利波特：神秘的魔法石》果陣就卻直接用佢本名「喬安娜·羅琳（Joanne Rowling）」[18]。出版社考慮呢本書嘅目標讀者群係男仔，驚住佢哋唔會買女作家寫嘅書，所以建議佢改用兩個字母嘅縮寫作為筆名；但係羅琳無中間名，所以揀咗佢嫲嫲嘅名「嘉芙蓮（Kathleen）」嘅「K」作為她筆名嘅第二個縮寫字母[19]。佢簡稱自己做「喬（Jo）」，仲話：「細個果陣無人會叫我做喬安，除非他們發嬲[20]。」結婚之後，她有時會喺處理個人私事果時用冠上夫姓嘅名「喬安·莫瑞（Joanne Murray）」[21][22]。喺利維森調查果陣，她就用「喬安娜·嘉芙蓮·羅琳（Joanne Kathleen Rowling）」呢個名[23]。喺2012年嘅訪問入面，羅琳表示佢並唔介意啲人誤解佢筆名縮寫嘅意思[24]。
羅琳終於喺1997年出版咗《哈利波特》系列小說嘅第一輯，之後續集逐年出版，最後一輯《哈利波特：死神的聖物》喺2007年出版，宣告完結。
經歷
家庭
.jpg)
J·K·羅琳喺1965年7月31日出生喺英國告羅士打郡雅特嘅奇平索德伯里區戰爭紀念小屋醫院[25][26][27][28]，佢阿爸係勞斯萊斯有限公司嘅飛行器工程師彼得·占士·羅琳（Peter James Rowling）[29]，而佢阿媽係科學技術員安妮·羅琳（Anne Rowling），佢哋兩個喺1964年由倫敦英皇十字車站出發開去艾布亞夫嘅列車上相遇[30][31]。彼得同安妮喺1965年3月14日結為夫妻[31]。安妮嘅外公杜加德·坎貝爾係生於蘇格蘭亞蘭島上嘅拉姆拉什[32]；而安妮嘅阿爺路易斯·維蘭特（Louis Volant）係一名法軍士兵，曾喺第一次世界大戰期間因保衛庫爾塞勒勒孔特村有功而得到英勇十字勳章。羅琳起初以為阿爺得到嘅係法國榮譽軍團勳章，佢本人喺2009年果時都獲頒一個；但佢喺英國廣播公司嘅記錄片節目《你以為你是誰》發現到真相[33][34]。
童年與教育
喺羅琳23個月大嘅時候，佢妹妹戴安娜（Dianne）出世。羅琳4歲果時，佢哋全家搬去隔離村溫特伯尼[17][30][35]。羅琳曾經喺村入面嘅聖米迦勒小學（St Michael's Primary School）讀書，果度係一間由前英國下議院議員、廢奴主義者威廉·威伯福斯同埋教育改革者漢娜·摩爾創立嘅學校[36][37]。聖米迦勒小學當時嘅校長阿爾弗雷德·丹（Alfred Dunn）被認為就係《哈利波特》小說入面霍格華茲魔法與巫術學院校長阿不思·鄧不利多嘅原型[38]。
羅琳自細就成日寫奇幻故事，並讀俾妹妹聽。她回憶話：「我仲記得我曾經話佢知一個佢跌落去兔子窩裡嘅故事，裡面嘅兔仔家族仲餵士多啤梨俾佢食嘅故事。而我第一個寫低嘅故事（喺我5或6歲果陣），關於兔仔、題目都叫兔仔。佢患上咗麻疹，啲朋友都嚟睇佢，包括一隻叫作蜂小姐（Miss Bee）嘅巨型蜜蜂[18]。」羅琳9歲果時，全家搬到格洛斯特郡土茲希爾村的教堂小屋，果度離威爾斯切普斯托好近[30]。喺佢青春期果時，佢阿姨俾咗佢一本舊嘅英國社會抗議作家潔西卡·密特福德嘅自傳，密特福德於是就成為咗羅琳心目中嘅英雄，佢睇晒密特福德嘅每一本書[39]。
羅琳喺接受《紐約客》訪談果時提到佢嘅青春期：「我特別唔開心。果個係我人生中最差嘅階段[29]。」佢嘅家庭生活好差，羅琳同佢阿爸相處得唔好，阿媽又病咗[29]。當佢入去懷登學校讀書果時，佢阿媽都喺果間學校嘅科學實驗室做技術員[40]。羅琳話佢自己青春期果陣嘅樣「就是妙麗·格蘭傑嘅原型。佢就係我11歲果時嘅誇張版本，果個係我並唔引以為傲嘅樣[41]。」羅琳喺果間學校嘅英文老師史帝夫·艾迪（Steve Eddy）回憶話羅琳當時並唔係特別傑出，但屬於「一群開朗女仔團體嘅其中一個，英文成績都唔錯」。佢高年級果陣嘅好朋友西恩·哈里斯（Sean Harris）有架藍綠色嘅福特Anglia，佢曾在羅琳筆下出現：「榮恩·衛斯理長得一啲都唔似西恩，但佢完全係西恩式嘅角色[39]。」關於羅琳果陣嘅音樂品味，佢話：「我最鍾意嘅團體係史密斯樂團，當我去到龐克時期就係衝擊合唱團[39]。」羅琳成績優異，當選做女學生主席[29]；佢嘅英語成績攞到「A」，法文同德文就攞到兩個「A」同一個「B」[31][42]。
羅琳喺1982年參與牛津大學嘅入學考試，但未被錄取；之後佢喺雅息特大學讀法文同古典學，果個對她帶嚟衝擊、「預期會同好多相似但思想激進嘅人相處」嘅地方。當佢加入一班志同道合嘅人並開始交朋友果時，佢覺得她喺度做自己[39]。艾希特大學法語教授馬田·索瑞爾（Martin Sorrell）回憶大學果時嘅羅琳：「一個安靜又叻嘅學生，成日著住丹寧外套，留一頭深色頭髮，以學術語言嚟講，佢有著一個好叻嘅外表[29]。」不過，根據羅琳自己嘅回憶，佢覺得自己大學果時「咩都無做過」，仲「畫咗好深嘅眼線，總係喺度聽史密斯合唱團、睇查理斯·狄更斯同托爾金嘅書」[29]。羅琳曾經去巴黎做過一年交換生，仲喺1986年喺艾希特大學畢業[29]；然後佢搬到倫敦，喺國際特赦組織做研究員同雙語秘書[43]。，羅琳喺1988年寫咗一篇有關佢讀古典學果時嘅短文，標題係《那個仙女又叫咩名？或係希臘羅馬研究回顧[44]》，並刊載喺艾希特大學嘅期刊《佩格薩斯（Pegasus）》上[45]。
靈感與阿媽過身
結束咗國際特赦組織嘅工作之後，羅琳與她當時嘅男朋友搬去曼徹斯特[30]。1990年，當佢坐喺一班從曼徹斯特開去倫敦，誤點4個鐘嘅火車上面時，一個喺巫師學校讀書嘅小男孩故事喺佢腦中出現[46]。佢同《波士頓環球報》講：「我真係唔知道靈感喺邊度嚟，它由哈利開始，其他角色同情節慢慢浮出嚟，最後佔滿我嘅心靈[30][46]。」
J.K·羅琳喺佢嘅個人網站上咁樣介紹《哈利波特》：
| 「 | 我喺開去倫敦嘅擁擠列車上展開個人旅行果時，《哈利波特》就咁樣入到我個腦入面。我由6歲開始就無間斷咁寫作，但直到那陣，我從未因為某個想法而咁興奮。當時，我正面對人生最大嘅困境，找唔到一支筆可以寫作，又羞於向人借錢......我無一支用到嘅筆，但我認為果個真係一個好嘅想法。我坐低開始諗，喺4個鐘頭內（列車延誤咗4個鐘）勾勒出所有細節。呢個骨瘦如柴、戴眼鏡、以前從未諗過自己是個巫師嘅黑髮男仔，變得更加真實。如果我捉住靈感，同埋寫喺紙上嘅時候慢咗，或許就扼殺咗佢（有時我會懷疑，自己喺果次旅程中諗到嘅，有幾多喺我實際攞起支筆寫低之前就唔記得咗？）。我開始喺每個傍晚時分寫《神秘的魔法石》，雖然最初寫嘅果幾張紙無一張同後來嘅定稿類似[47] 。 |
」 |
當羅琳一到佢嘅終點站克拉珀姆交匯站，她就即刻開始動筆[30][48]。1990年12月，羅琳阿媽因為發作10年嘅多發性硬化症過身。羅琳話：「我喺阿媽過身果時寫《哈利波特》，但無話佢知有呢本書[22]。」呢個巨變對羅琳衝擊好深，亦影響到佢寫作，佢認為有好多《神秘的魔法石》細節都喺果陣流失，因為她仲記得果陣時嘅感覺[49]。
結婚、離婚與單親生活
1993年，她返到英國陪佢個女，但喺《哈利波特》第三章完成果陣，佢嘅婚姻已經開始惡化。
《衛報》提到，羅琳曾經搬去葡萄牙第二大城市波圖，喺當地教英文[31][17][39]。佢喺夜晚教書，日頭一邊聽住柴可夫斯基嘅《小提琴協奏曲》一邊寫作[29]。佢喺酒吧遇到葡萄牙新聞記者喬治·阿蘭帝斯（Jorge Arantes），佢哋一齊傾簡·奧斯丁，奧斯丁嘅書鵡係兩人嘅共同興趣[31]。
1992年10月16日，羅琳同阿蘭帝斯結婚，呢個時候佢哋已經有咗小朋友，佢叫做潔西卡·伊莎貝爾·羅琳·阿蘭帝斯（Jessica Isabel Rowling Arantes），佢喺1993年出世[31]。喺呢個細路之前，羅琳曾經流產過[31]。不過兩人喺1993年11月17日離婚，結束佢哋13個月零1日嘅婚姻[31][50]。傳記作家寫到羅琳當時曾受到家庭暴力，但對於果段婚姻，旁人仍然無法知道全部詳情[31][51]。喬治·阿蘭帝斯後來喺《每日快報》嘅訪問入面，提到佢哋兩個嘅最後一晚果時，佢曾經將羅琳拖出家門，毆打佢個頭，當時仲係凌晨5點[29]。羅琳同佢個女喺1993年12月搬返去英國蘇格蘭，住喺羅琳妹妹喺愛丁堡嘅屋企附近，呢個時候佢行李箱入面已經裝住三章完成咗嘅《神秘的魔法石》手稿[30][29]。
呢個時候，羅琳已經喺雅息特大學畢業咗7年，佢自嘲為「我所見過最失敗嘅人」[52]。佢嘅婚姻以失敗收場，無工作，仲帶住一個等住餵哺嘅細路；但佢形容果場失敗係一種解放：
| 「 | 」 | |
——J.K·羅琳，〈失敗嘅好處同想像嘅重要性〉 | ||
喺果段低潮期，羅琳被確診患上抑鬱症，仲試過自殺[54]。抑鬱發作果陣嘅黑暗感受成為咗羅琳創造催狂魔呢種生物嘅靈感來源，果個係《哈利波特》入面嘅一種會吸食人類正面情緒，甚至係靈魂嘅黑暗生物[55]。當時羅琳正接受政府的社會救助，她描述果時嘅經濟狀況係「即使係喺現代英國，都稱得上係貧窮，但又未至於無家可歸[29][52]」。
羅琳嘅病情喺佢前夫去英國探佢哋兩母女果時加劇[31]。佢向法院申請保護令，迫使阿蘭帝斯自己一個返去葡萄牙，仲喺1994年8月提出離婚申請[31]。羅琳喺愛丁堡大學莫雷教育學院受訓成為教師嘅期間，完成咗佢嘅第一本小說，又改善咗經濟狀況[56][57]。羅琳曾經喺好多咖啡室寫作，包括尼科爾森咖啡館（Nicolson's Café）[58]同埋大象咖啡屋（The Elephant House）[59]，無論喺邊度佢都帶住個女都係瞓緊教嘅[30][60]。羅琳喺2001年接受英國廣播公司訪問果時，否認佢喺咖啡室寫作係因為佢屋企無暖氣嘅傳聞：「我仲未蠢到會喺愛丁堡嘅寒冬之中租一間無暖氣嘅屋。我屋企有暖氣。」她喺美國電視節目《Biography》入面講，帶著寶寶散步係令寶寶瞓著嘅方法，呢個就係佢點解會揀喺咖啡室寫作嘅原因[60]。
再婚與家庭
2001年12月26號，羅琳同麻醉科醫生尼爾·莫瑞（Neil Murray）喺蘇格蘭阿伯費爾迪舉行私人婚禮[61]。佢哋兩人嘅大仔喺2003年出世，果時羅琳啱啱開始寫《混血王子的背叛》，她無得唔暫停寫作嚟照顧寶寶[62][63]。羅琳嘅細女喺佢專注寫緊《混血王子的背叛》嘅2005年出生[64]。羅琳一家人而家住喺英國愛丁堡[65]。
成功
2004年，福布斯將羅琳列為第一個靠寫作而成為億萬美元富翁嘅作家，亦都係最富有嘅世界排名第1,062位嘅人[66][67][68]。羅琳質疑呢個計算結果，佢話自己雖然好有錢，但仲唔算係億萬富翁[69]。此外，《周日時代富豪榜》喺2008年將羅琳列作全英國第144位富有嘅人[70]；2012年時福布斯將羅琳喺富豪榜上除名，宣稱由於她大量捐款（約1億6千萬美元）同埋英國對她徵收嘅高稅率，令到佢唔再係億萬富翁[71]。2013年2月，英國廣播電台第四台嘅節目《婦女時間》將羅琳評為英國第13位最有權勢嘅女性[72]。
寫作生涯
哈利波特
1995年，羅琳用一部老爺人工打字機嚟完成《哈利波特：神秘的魔法石》原稿[73]。佢嘅作品得到文學經紀人基斯杜化·利特爾（Christopher Little）屬下嘅業務經理布萊恩妮·埃文斯（Bryony Evens）嘅肯定，埃文斯睇過羅琳作品嘅其中三個章節之後，就決定將呢份手稿引薦俾利特爾。呢個之前，羅琳曾經向四間出版社投稿，但都俾人拒絕[31]。利特爾將羅琳嘅作品引薦俾一間倫敦嘅出版社—布魯姆斯伯里出版社，得到果間出版社嘅編輯貝利·康寧漢（Barry Cunningham）賞識，俾咗£1,500英鎊作為羅琳嘅稿費[31][74]。《哈利波特：神秘的魔法石》能夠出版得到，或者應該歸功俾出版社老闆嘅8歲女愛麗絲·紐頓（Alice Newton）；當她睇完第一章之後，即刻就問阿爸有無後續[75]。雖然布魯姆斯伯里同意出版羅琳嘅作品，但康寧漢都係建議羅琳搵一份正職，因為佢並唔認為羅琳可以靠寫細路仔書嚟賺錢[76]。但係，羅琳喺1997年收到蘇格蘭藝術協會所俾嘅£8,000英鎊獎助金，鼓勵佢繼續寫作[77]。
布魯姆斯伯里喺1997年6月正式出版《哈利波特：神秘的魔法石》，首印1,000本，其中500本將會成為圖書館館藏。呢1,000本小說去到今日價值約£16,000英鎊—£25,000英鎊[78]。小說出版5個月之後，羅琳得到第一個獎項：雀巢聰明豆兒童圖書獎，之後又贏咗國家圖書獎年度最佳童書嘅獎項。1998年，《哈利波特：神秘的魔法石》嘅美國版權喺一場拍賣會上由學樂以£10萬零5千美元中標。羅琳話，當佢聽到呢個消息，佢「（開心到）就嚟死咗[79]」。學樂喺1998年10月正式出版《哈利波特：神秘的魔法石》，銷售所得嘅金錢足以俾羅琳搬出公寓，換到愛丁堡一個好啲嘅街區。起初，佢嘅鄰居都沒察覺到《哈利波特》系列嘅作者搬嚟呢個社區，傳記作家康妮·安·柯克寫：「多數人都尊敬佢，俾空間佢，呢個都係佢哋自己想要嘅嘢[80]。」
羅琳喺1998年7月出版續集《哈利波特：消失的密室》，呢本小說為佢贏得第二座雀巢聰明豆兒童圖書獎[81]；1999年12月，《哈利波特：阿茲卡班的逃犯》出版後，再度為佢贏得果個獎項，成為第一位連續三次得到雀巢聰明豆兒童圖書獎嘅作家[82]。羅琳之後婉拒攞果個獎，將機會讓俾其他書籍。2000年1月，《阿茲卡班的逃犯》得到惠特布雷特獎年度最佳童書，但係無得到果個獎嘅當年度最佳圖書獎，果個獎由愛爾蘭作家謝默斯·希尼嘅《貝奧武夫》譯本得到[83]。
《哈利波特》系列嘅第四輯小說《火盃的考驗》喺2000年7月8日喺英美兩國同步發行，佢仲打破咗兩國嘅銷售記錄，英國首日發售就賣出372,775本，幾乎係上一輯小說《阿茲卡班的逃犯》銷售第一年嘅總數[84]。《火盃的考驗》喺美國嘅48個鐘頭內就賣出咗超過300萬本，打破咗圖書銷售嘅記錄[84] 。羅琳坦承寫呢本書果時曾經有個轉捩點：「第四輯寫到一半果陣，我察覺劇情有個嚴肅嘅缺陷......我同呢本書有過最黑暗嘅時刻......有一章，我重寫咗13次，無人看到佢之後能外玷污佢，或明白佢對我嘅計劃造成嘅影響[85]。」羅琳同時名列喺2000年英國圖書獎嘅年度作家之中[86]。
羅琳花咗三年嘅時間去寫第五輯《哈利波特：鳳凰會的密令》。呢段期間曾經令出版社好難唔懷疑羅琳係咪出現寫作閉塞，但就被佢本人否認[87]。羅琳後來承認寫呢本書係一件苦差：「我認為《鳳凰會的密令》應該要再短啲」她同萊夫·葛羅斯曼講：「我知道，寫結尾果時我都用晒時間同精力[88]。」
第六輯《哈利波特：混血王子的背叛》喺2005年7月16號發行，佢再次打破咗銷售記錄：24個鐘內賣出900萬本[89]。寫呢本書期間，羅琳喺網上同書迷講：「第六輯我已經計劃咗幾年喇，但喺我開始認真寫之前，我又花咗兩個月重新計劃，仲向自己做絕對嘅保證：我知道自己喺度做緊咩[90]。」她喺個人網站上註：《混血王子的背叛》開頭，果場魔法部部長同英國首相之間嘅對話，最初計劃過放喺《神秘的魔法石》、《消失的密室》同《阿茲卡班的逃犯》裡面[91]。2006年，《混血王子的背叛》獲選為英國圖書獎嘅年度最佳圖書[81]。
《哈利波特》系列嘅最後一輯《哈利波特：死神的聖物》，佢嘅書名喺2006年12月21日公布[92]。2007年1月11號，羅琳喺愛丁堡巴爾莫勒爾酒店嘅酒店房裡面完成書稿。呢本書喺歐洲西部夏令時間2007年7月21號凌晨00:01開賣，第一日銷售量即時打破往年嘅記錄，喺英美兩國總共賣出1,100萬本[93][94] [95]。羅琳話，寫最後一章果陣，覺得「好似1990年」果時，係成個系列最早寫嘅作品[96]。羅琳喺寫《死神的聖物》嘅過程中，佢俾英國獨立電視台同佢製作紀錄片，並喺2007年12月30日播放，片名係《J·K·羅琳：輝煌的一年[97]》。片段入面，羅琳重返她當初寫《神秘的魔法石》果陣時所住嘅廉價公寓，佢忍唔住流淚話：「（果度）徹底改變咗我嘅人生[98][98]。」而在奧花·雲費嘅訪談入面，羅琳就將《哈利波特》系列嘅成功歸功於佢阿媽[99]。
而家，《哈利波特》已經係有$150億美元嘅全球品牌價值，最後四輯小說接住咁打破書籍銷售記錄[100][95][101][102]。《哈利波特》成個系列喺全球各地發行，被翻譯成65種語言[103][104]。另外，《哈利波特》也被公認係重新引發自細淨係用電腦、電視嘅青少年閱讀風氣嘅小說[105]。不過，書籍市場仍持續衰退，都越來越少嘅青少年繼續睇書[106]。
改編電影
1998年10月，華納兄弟向羅琳買咗《哈利波特》作品首兩輯小說嘅電影改編版權[107]。《哈利波特：神秘的魔法石》同《哈利波特：消失的密室》電影分別喺2001年11月16號同2002年11月15號上映[108]，兩套戲都係由美國導演基斯·哥倫布執導。由墨西哥導演艾方索·柯朗執導嘅第三輯電影《哈利波特：阿茲卡班的逃犯》喺2004年6月4日上映；該系列嘅第四輯電影《哈利波特：火盃的考驗》改由英國導演米克·紐維爾執導，套戲喺2005年11月18號上映。該系列嘅第五輯電影《哈利波特：鳳凰會的密令》喺2007年7月11日上映，呢套戲由大衛·葉斯執導同埋米高·古登伯格做編劇，亦都係第一部唔係由史提夫·克勒伍做編劇嘅《哈利波特》系列電影[108]。系列嘅第六輯電影《哈利波特：混血王子的背叛》喺2009年7月15日上映，呢套戲仍然由大衛·葉茲執導，但轉由史提夫·克勒伍寫劇本[109][110]。
2008年3月，華納兄弟宣布《哈利波特》系列嘅完結篇《死神的聖物》將會拆成上、下集拍攝。《上集》同《下集》呢兩部分電影分別喺2010年11月同2011年7月上映，兩套戲都由大衛·葉茲執導[111][112]。
華納兄弟同羅琳簽訂契約果陣，接受咗她提出相當多嘅要求同意見；包括電影必須喺英國拍攝、演員必須係英國人等等[113]。電影公司都的確遵守佢嘅條件，《哈利波特》電影嘅大多數演員都係喺英國揀出嚟嘅。另外，羅琳仲要求贏得喺《哈利波特》電影打產品廣告權利嘅可口可樂公司，必須捐出$1,800萬美元俾美國兒童識字組織（Reading Is Fundamental），作為一項慈善計畫的一部份[114]。
除咗《鳳凰會的密令》電影之外，其餘《哈利波特》嘅系列電影都係由史蒂夫·克勒伍做編劇，佢寫劇本果陣都受到羅琳唔少嘅幫助，嚟確保劇本唔會同羅琳未來嘅作品內容有抵觸。羅琳曾經講克勒伍喺佢仲未出版《哈利波特》續集之前，係知道最多續集內容嘅人，但佢並未將全部內容都話俾克勒伍知[115]。
《哈利波特》電影入面飾演魔藥學教授賽佛勒斯·石內卜嘅英國男星阿倫·烈卡文、飾演霍格華兹獵場看守人魯霸·海格嘅演員羅比·寇特蘭都曾經得到同佢哋飾演嘅角色有關，但仲未公開出版嘅劇情內容[116]。至於飾演主角哈利·波特嘅英國童星丹尼爾·域卡夫就問過羅琳，哈利·波特係咪會喺小說入面死咗，羅琳就答佢：「你會有死亡鏡頭」，但就未係明確咁去答呢個問題[117]。美國導演史匹堡曾一度有意執導《哈利波特》系列電影，但後來都係算喇。出版社曾多次向外講羅琳參與決定導演嘅過程，但羅琳話佢從未介入導演嘅人選，亦無阻止史匹堡執導《哈利波特》系列電影[118]。羅琳唯一介入揀導演嘅一次係希望由英國喜劇團體踎低噴飯嘅成員泰利·基咸執導電影，因為佢係基咸嘅忠實粉絲；但華納兄弟認為《哈利波特》電影要更闔家歡一啲，所以揀咗由基斯·哥倫布執導[119]。
即使係咁，羅琳都積極參與《哈利波特》系列電影嘅製作過程，唔單只所有劇本都需要經過佢審核，佢仲親自監製《死神的聖物》嘅上、下集。羅琳喺佢嘅個人網站上，佢透露自己曾經考慮喺《神秘的魔法石》入面嘅「意若思鏡」嘅鏡頭中客串演出主角哈利·波特嘅阿媽莉莉·波特；但佢後來認為自己都係唔適合喺大銀幕上演出，所以就咁算啦。莉莉·波特一角最後由英國女星潔拉汀·索瑪菲演出。
著作
兒童書籍
- 《伊卡伯格》（2020年11月10號）
- 《聖誕小豬》（2021年10月12號）
哈利波特系列
- 《哈利波特：神秘的魔法石》（1997年6月26號）
- 《哈利波特：消失的密室》（1998年7月2號）
- 《哈利波特：阿茲卡班的逃犯》（1999年7月8號）
- 《哈利波特：火盃的考驗》（2000年7月8號）
- 《哈利波特：凰凰會的密令》（2003年6月21號）
- 《哈利波特：混血王子的背叛》（2005年7月16號）
- 《哈利波特：死神的聖物》（2007年7月21號）
相關著作
- 《怪獸與牠們的產地》（2001年3月1號）
- 《穿越歷史的魁地奇》（2001年3月1號）
- 《哈利波特前傳》（2008年7月）
- 《吟遊詩人皮陀故事集》（2008年12月4號）
- 《北美魔法史》電子書（2016年3月8-11號）
- 《哈利波特：被詛咒的孩子》故事構想（2016年7月31號）
- 《霍格華茲不完全不可靠指南》電子書（2016年9月6號）
- 《霍格華茲的權力、政治與搗蛋鬼的短篇故事》電子書（2016年9月6號）
- 《霍格華茲關於勇氣、苦難、危險嗜好的短篇故事》（2016年9月6號）
- 《怪獸與牠們的產地》電影劇本（2016年11月18號）
- 《怪獸與葛林戴華德之罪》電影劇本（2016年11月18號）
- 《怪獸與鄧不利多的秘密》電影劇本（2022年4月15號）
成人書籍
- 《臨時空缺》（2012年12月27號）
推理小說
私家偵探史崔克系列
- 《布穀鳥的呼喚》（筆名羅柏特·加爾布雷斯）（英文書名：The Cuckoo's Calling，2013年4月18日）
- 《抽絲剝繭》（筆名羅柏特·加爾布雷斯）（英文書名：The Silkworm，2014年6月19日）
- 《邪惡事業》（筆名羅柏特·加爾布雷斯）（英文書名：Career of Evil，2015年10月20日）
參考
出面網頁
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
