From Wikipedia, the free encyclopedia
《怪獸與牠們的產地》(英文:Fantastic Beasts and Where to Find Them)係英國作家J·K·羅琳用紐特·斯卡曼德做筆名嚟寫嘅一本關於魔法世界嘅魔法生物指南書。原版由作者自己畫配圖,據講呢本係《哈利波特》嘅第一輯小說《哈利波特:神秘的魔法石》入面提到嘅同名教科書副本。書裡面據講有幾項係哈利、榮恩同妙麗手寫嘅筆記,詳細咁敘述咗佢哋自己同一啲怪獸嘅經歷,入面仲包括同原版系列小說相關嘅內部笑話。
羅琳喺2001年同出版商學樂做嘅訪問入面,佢指自己揀咗魔法生物呢個主題係因為佢係一個有趣嘅題目,嗰啲佢已經喺《哈利波特》早期嘅小說入面為呢樣嘢而發展咗好多內容嘅資訊。呢本書係J·K·羅琳用紐特·斯卡曼德做筆名嚟命名—佢喺小說系列入面寫咗呢本教科書,就係哈利喺一年級嘅所需物品清單上面見到嘅咁樣。喺現實入面,羅琳嘅名並無出現喺第一版嘅封面度。同年,呢本書喺全球累積嘅銷售量係509,473本[1]。
作為英國嘅慈善活動,每本作品售出嘅封面價錢80%以上嘅收益會直接咁幫助世界各地嘅貧困兒童,呢本書令BBC嘅附屬慈善機構喜劇救濟得益。根據喜劇救濟嘅講法,呢本書截至2009年7月同佢嘅伙伴書《穿越歷史的魁地奇》嘅銷量已經籌集到超過£1,700萬英鎊[2]。
華納兄弟同羅琳喺2013年9月12號宣佈佢哋將會拍同名電影嘅計劃,而羅琳會擔任電影嘅編劇[3][4]。當華納兄弟提出呢個諗法之後,羅琳就諗到一個電影系列嘅計劃,而呢部電影將會係呢個系列五部曲之中嘅第一部。故事以紐特·斯卡曼德做主角,背景設定喺紐約市,時間設定喺《哈利波特》系列故事開始之前嘅70年[5]。呢部電影喺2016年11月18號上映。
呢本書喺2017年3月14號推出咗新版本,封面插圖由
2018年2月1號,Kindle in Motion推出嘅版本用帶有運動嘅呢啲插圖嚟做特色,適用喺兼容嘅裝置。
《怪獸與牠們的產地》嘅故事背景係一個出生喺1897年嘅著名魔法動物學家紐特·斯卡曼德,呢本係佢喺1926年喺紐約發行嘅書。喺《哈利波特》系列小說入面,
《怪獸與牠們的產地》據講係哈利·波特所擁有嘅一本教科書複製品。慈善機構喜劇救濟以慈善做目的推出咗霍格華茲校長阿不思·鄧不利多嘅前言仲解釋咗呢本書特別版嘅目的。最後佢向麻瓜讀者保證:「以下所描述嘅有趣生物都係虛構嘅,唔會傷害你。」佢重覆講述咗霍格華茲嘅格言:「Draco Dormiens Nunquam Titillandus」,佢嘅拉丁語嘅意思係:千祈唔好招惹一條沉睡咗嘅龍。
《怪獸與牠們的產地》涵蓋咗魔法動物學嘅歷史,仲詳細講述咗世界各地發現嘅85個魔法動物物種。書裡面大部分嘅資訊都係嚟自斯卡曼德多年嚟跨越五大洲旅遊嘅觀察研究所得。呢位虛構嘅作者指出,當初第一版嘅《怪獸與它們的產地》係喺1918年期間由默默然圖書公司嘅
喺魔法世界入面,呢本書係霍格華茲一年級學生嘅必備教科書,佢係自首次出版以嚟一直都係認可嘅教科書,霍格華茲以額外附加嘅價值嚟揀佢作為參考教科書,不過目前仲係未清楚點解霍格華茲嘅一年級新生就需要用到呢本書,呢本書係三年級學生喺奇獸飼育學課堂上先至會用到(但係石內卜好明顯咁並無睇過呢本書,因為河童應該係日本比較多而唔係蒙古,而且呢啲無論係對巫師定係麻瓜嚟講都已經算係常識)。不過,呢本書扮演嘅係一本百科全書嘅地位,特別係喺學習黑魔法防禦術嗰陣。
阿不思·鄧不利多喺呢本書嘅前言入面指出,呢本書除咗喺霍格華茲度用之外,佢仲可以作為巫師家庭提供咗極好嘅參考,幾乎係巫師家庭書架上面必備嘅一本書。呢本書保留咗哈利·波特同榮恩·衛斯理新加上去嘅塗鴉同評論嘅「崩離嘅分析」嚟做特色,呢個明顯係因為佢哋兩個共用過呢本書。喺部份嘅內容入面知道,佢哋嗰啲評論大概係喺第四輯小說《哈利波特:火盃的考驗》嗰陣時寫嘅。呢啲塗鴉為嗰個系列嘅粉絲加多咗啲額外嘅資訊(例如,八眼巨蛛嘅頁面入面有一項評論確認霍格華茲係喺蘇格蘭),同埋一啲漫畫公仔(例如哈利喺傾到匈牙利蜂尾龍係最可怕嘅龍嗰陣時話『你唔係喺度講笑呀嘛』,佢哋講緊嘅係哈利喺第四輯小說裡面所遇到嘅一條龍)。
呢本書第一版嘅封面設計係有一個嚟自不明動物嘅明顯爪印。
呢個版本除咗原來嗰75種魔法生物之外,仲包含6種隱藏嘅新品種生物,分別包括:
呢個版本喺2017年發行。
呢本書嘅虛構作者紐特·斯卡曼德並無出現喺《哈利波特》小說系列裡面。不過佢嘅名出現喺電影《哈利波特:阿茲卡班的逃犯》嘅劫盜地圖上面[6]。佢係怪獸系列電影裡面嘅核心人物,呢個角色由艾迪·烈柏尼飾演。
以下係書裡面提到嘅魔法動物:(星號(*)代表住巫師版本裡面隱藏嘅6種魔法動物)
《娛樂週刊》嘅
呢本書嘅2017年版本喺嗰年被錄製成未刪節嘅有聲讀物。艾迪·烈柏尼以紐特·斯卡曼德嘅角色嚟朗讀呢本有聲書。
2018年,美國圖書館協會將呢本書命名做「十大令人驚嘆嘅青少年有聲書」之一[8]。
《怪獸與牠們的產地》係一部英美奇幻電影,靈感來自J·K·羅琳嘅同名小說。呢部電影由大衛·葉斯執導,係《哈利波特》系列電影入面魔法世界嘅延伸,電影嘅主演係艾迪·烈柏尼、嘉芙蓮·禾達史東、艾歷遜·蘇度、丹·方格、薩曼莎·莫頓、艾薩·米勒、哥連·費路、卡雯·伊祖高、詹·穆瑞、莊·威同朗·柏曼。第一套戲設定將會有四套戲跟喺佢後面。《怪獸與牠們的產地》嘅主體拍攝喺2015年8月17號喺華納兄弟利維斯登工作室果度開始,電影喺2016年11月18號喺英國同美國上映。
佢嘅續集《怪獸與葛林戴華德之罪》喺2018年11月16號上映,而第三套戲《怪獸與鄧不利多的秘密》分別喺2022年4月15號同4月22號喺英國同美國上映。
《
由於倫敦實施更嚴格嘅武漢肺炎限制,嗰個展覽喺開幕一日之後就被迫閂門。嗰個博物館透過佢嘅社交媒體同網站推廣佢嘅線上展覽[11]。
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.