第6屆香港行政長官選舉

2022年香港行政長官選舉，係香港特別行政區嘅第六屆行政長官（特首）選舉，喺2022年5月8號舉行。提名期由2022年4月3號開始，去到4月16號完。由於呢次選舉得李家超一個候選人唔存在任何競爭，再加上本身嘅小圈子性質，因此國際社會普遍認為呢次選舉只不過係一場由中國共產黨操控進一步瓦解一國兩制嘅假選舉^[1][2]。

呢篇文係香港政治系列之一
憲制文件 《英皇制誥》 《皇室訓令》 《中英聯合聲明》 《中華人民共和國憲法》 《香港特別行政區基本法》
行政長官：李家超 行政長官辦公室 行政會議（成員） 維護國家安全委員會 政府（組織架構） 政府總部（所在地） 政治任命官員 公務員 首長級公務員 政務職系 議會：立法會 現屆立法會（議員） 選舉方式： 地區直選 功能界別 區議會（第二） 選舉委員會議席 司法機構 香港法律制度 香港法例 獨立法定機構 廉政公署 審計署 申訴專員公署 公務員敍用委員會 地方行政 香港政區 區議會 民政事務處（專員） 地區管理委員會 市政局 / 區域市政局 相關機構 公營機構 新界鄉議局
選舉 選舉管理委員會 選舉事務處 行政長官選舉（上屆／下屆） 選舉委員會 立法會選舉（上屆／下屆） 區議會選舉（上屆／下屆） 政黨 非親中派 泛民主派（組織同埋人士） 溫和民主派 激進民主派 本土派 自決派 抗爭派 修憲派 非民主派 傳統親中派（組織同埋人士） 激進親中派 商界親中派 中間派 香港民主運動 香港政制改革（1997年之前） 香港政制改革（1997年之後）
港區全國人大代表 港區全國政協委員
中共香港事務機構 中央港澳工作領導小組 粵港澳大灣區建設領導小組 國務院港澳事務辦公室 中共駐香港機構 中共中央香港工委（中聯辦） 中央駐港國安公署 外交部駐港特派員公署 解放軍駐港部隊 香港對外事務機構 政制及內地事務局 港府駐京辦 香港經貿辦（內地） 香港經貿文辦（台灣） 商務及經濟發展局 香港經貿辦（海外） 香港貿易發展局 禮賓處
香港軍事 駐港英軍 駐港解放軍
香港榮譽制度 授勳及嘉獎制度 排名表 太平紳士
其他香港系列
文化 - 經濟 歷史 - 地理 - 教育 香港主題
類:國政 • Portal:政治 睇吓 • 討論 • 編輯 • 歷

第6屆香港行政長官選舉
香港選舉政治專題
‹ 2017 •  • 2027 ›
2022年5月8號
選舉類型				行政長官
選舉制度				由選舉委員會1500位（實際上係1461位）委員投票選出，而且必須至少攞到751票先至可以當選。
選舉統計
選民人數						1,461
總投票數						1,428
‎總投票百分比 有效選票　　　　　　　　1,424 空白選票　　　　　　　　4
							97.74% ▼ 1.59%
			李家超
			政黨聯盟			親共派
			獲得選舉委員票						1,416
									99.44%
香港行政長官
選前 林鄭月娥 親共派						選後 李家超 親共派

根據中共操控嘅全國人大強行通過顛覆香港選舉制度嘅311決定，行政長官候選人須要攞到唔少於188名選舉委員會委員嘅提名，而且喺5個界別當中每個界別須要攞到唔少於15個委員嘅提名，之後須要經過候選人資格審查委員會審查係唔係符合擁護基本法同埋效忠特區嘅要求。今屆行政長官會由選舉委員會1461位委員投票選出，而且必須至少攞到751票先至可以當選。

選前事件

2022年2月，香港嘅武肺第五波疫情惡化，中共中央總書記習近平向香港政府作出重要指示，下令將盡快穩住香港疫情作為當前壓倒一切嘅任務^[3][4][5]。2月18號，行政長官會同行政會議宣佈引用緊急法，押後原定2022年3月27號舉行嘅行政長官選舉到5月8號舉行^[6][7]。

2022年4月6號上晝，香港中聯辦約見選委，傳達李家超係中共唯一支持嘅候選人，呼籲選委支持。會後，部分選委表示將提名李家超為行政長官候選人，但當時李家超仲未宣布參選^[8]。下晝，政府發佈新聞稿表示特首林鄭月娥已經收到政務司司長李家超辭職，並即時開始休假。辭職到4月6號獲得中華人民共和國國務院批准，李家超隨即宣布參加新一屆特首選舉^[9]。李家超原定喺4月8號舉行網上記者招待會，但之後延遲一日進行^[10]。而佢亦攞到786張提名票^[11]，係香港小圈子特首選舉史上，單屆攞到最多提名票嘅參選人。

2022年5月8號，喺歷屆第二低嘅投票率下，李家超作為唯一候選人以1416票當選，係香港小圈子特首選舉史上得票最多嘅當選人，不過李家超當選後得唔到國際社會嘅任何祝賀，而且學者更指李家超嘅所謂「高票當選」就同北韓獨裁者金正恩話自己「高票當選」一樣惹人恥笑^[1][2]。

候選人

正式候選人名單

候選人		出生日期	政治聯繫 （派系）	最近擔任職位	選舉口號	接獲選委提名
	李家超	1957年12月7號（64歲）	無黨籍 （親共派）	政務司司長 （2021年－2022年）	同為香港開新篇 Starting a New Chapter for Hong Kong Together 宣布參選：2022年4月9號[12][13] 報名參選：2022年4月13號 獲確認候選資格：2022年4月18號 選舉網站：johnlee2022.hk	786 / 1,454 （54%）

李家超嘅爭議事項

2022年4月9號，李家超宣布參選特首選舉。喺冇提出政綱嘅情況下，佢就已經得到好多親中派選委嘅支持。而親中派選委呢啲做法就俾一啲人質疑，其中自稱為非建制派嘅立法會議員狄志遠話，有政綱先可以俾人信心，否則唔知憑乜嘢支持，亦唔符合常理。香港民研副行政總裁鍾劍華就話，喺北京政府干預嘅情況下，李家超根本唔會有對手，其他損壞自然心領神會，其他社會議題等事宜都唔重要^[14]。最終李家超當選，但國際社會普遍認為呢次選舉其實係中共欽點，違反民主規範^[15]。

個人競選YouTube頻道界畀人停用

李家超嘅競選辦公室喺短片平台YouTube開設嘅頻道「Johnlee2022」畀人停用，競選辦主任喺2022年4月20號表示，當日朝早接獲Google通知，表示頻道違反美國制裁相關政策。^[16]

入唔到閘嘅人

以下人士都公開表示過參選，但係最後都做唔到候選人。

• 冼國林
• 胡世全
• 賴紅梅
• 傅昌權
• 李稚嘉
• 黃文康
• 壬昕陽
• 蕭德良

選舉結果

候選人：李家超

選項	票數	得票率
Y 支持	1,416	99.44%
N 唔支持	8	0.56%
有效票	1,424	99.72%
廢票	4	0.28%
總投票數	1,428	100%
符合資格選委同投票率	1,461	97.74%

外界評論

李家超5月8日被宣布成為香港特首後，國際多間傳媒以詳盡篇幅報道，多以李家超警察背景，同佢係中共授意人選做切入點，又拒絕使用「選舉」或「當選」詞彙形容^[17]。

英國

• 英國廣播公司報導，回顧李家超出身警察嘅職業生涯，提及喺佢保安局局長任內，香港黑警因大量對示威者出動水炮車、催淚彈、橡膠子彈同實彈而受批評。報導又提到23條立法，指政府喺2003年嘗試為23條立法失敗以嚟，無香港特首再試過，但而家李家超話呢個係新政府嘅「頭等大事」。特別嘅係，報導提到李家超「比卡超」嘅花名除咗姓名諧音，亦解釋有人攞嚟形容李對中共「好似寵物咁忠誠」^[18]。

• 《金融時報》以「中共支持嘅強硬派李家超獲選為香港下一任領導人」做標題。報導解釋李由「僅限愛國者」、主要由親中共嘅政客同商人組成嘅選委會選出，選委會人數佔香港總人口0.02%。報導強調港版國安法關押無辜市民、「愛國者治港」新選舉制度下無競爭嘅選舉情況，形容中共主導顛覆香港選舉制度已經剝奪咗香港市民嘅投票權^[19]。

• 《獨立報（英文：The Independent）》報導嘅標題係「李家超：香港選出中共強硬派同前保安局局長做新領導人」，副題就係「新領導人係港版國安法嘅堅定支持者」^[20]。

美國

• 《紐約時報》形容呢場選舉係「中共喺香港嘅人」嘅「繼承」，標題係「中共嘅人喺香港繼承咗一個被控制嘅城市」，副題形容「李家超週日贏得一場橡皮圖章領導選舉，將對呢個前英國殖民地，實行下一階段中共不可告人嘅任務」。報導介紹李家超係「2019年鎮壓香港反送中運動嘅主要策劃者」、「對中共堅定忠誠，係被『揀選』成為香港下任領導人。《紐約時報》又引述胡佛研究所（英文：Hoover Institution）同史丹福大學費曼‧斯波格利國際研究所高級研究員戴雅門（英文：Larry Diamond）指，中共「將選舉過程進一步扭曲為一場毫無意義嘅競爭」，形容即使喺伊朗，政府首腦嘅競爭都更多^[21]。

• CNN嘅報導題為「香港嘅下一任領導人係一個強硬嘅前警察，曾經暴力鎮壓示威者」，介紹李家超係領導鎮壓2019年反送中運動嘅人、港版國安法嘅代言人，喺佢監督下，捉咗幾十個社運人士並搜查新聞機構。報導又提及，民主支持者對李上任感到絕望，並引數據指舊年有超過10萬香港人申請BNO簽證；另外今年2月同3月，有超過18萬人離開香港，但同時只有約39,000人入境^[22]。

日本

• 《朝日新聞》直斥李家超忠於中共、鎮壓200萬人示威嘅反送中運動、打壓民主派，將香港變成「警察都市」^[23]。

星加坡

• 亞洲新聞台（英文：CNA (TV network)）報導嗰陣，形容監督鎮壓香港民主運動嘅保安局前局長李家超，由忠於中共嘅選舉委員會宣布成為下任香港特首。報導除咗話前保安主管李家超「確認」成為香港下任領導人，內文則指佢作為前保安首長，主導咗「鎮壓」香港嘅民主運動，被忠於中共嘅委員會「宣布」成下任香港特首^[24]。

澳洲

• 澳洲廣播公司報導，親中共選委會「認可」李家超係下任香港特首^[25]。

 印度

• 《聯合新聞》以大字標題報導李家超成為香港下任領袖，係「中國共產黨手中傀儡」^[26]。

參考

1. 〈香港特首選舉唯一候選人閉門造勢 學者批評假選舉令港人厭惡〉。美國之音。2022-05-08。
2. 〈今非昔比：未見外國祝賀李家超成香港新特首 只余歐盟罵聲和台灣警誡〉。法國國際廣播電台。2022-05-09。
3. 〈文汇报：习近平总书记重要指示引领香港打赢疫情防控战〉。《文匯報》。香港中聯辦。2022-02-16。原先內容歸檔喺2022-02-17。（大陸簡體）
4. 〈大公报：不辜负总书记关注关怀 全力以赴战胜疫情〉。《大公報》。香港中聯辦。2022-02-16。原先內容歸檔喺2022-02-17。（大陸簡體）
5. 〈學者：主體責任意味問責〉。明報。2022-02-17。原先內容歸檔喺2022-02-19。喺2022-02-17搵到。（香港繁體）
6. 陳嘉洛 (2022-02-18)。〈港府引用緊急法　特首選舉改至5月8號舉行〉。香港01。原先內容歸檔喺2022-03-15。（香港繁體）
7. 陳言喬 (2022-02-18)。〈香港疫情嚴重 特首選舉延至5月8號〉。聯合新聞網。原先內容歸檔喺2022-02-19。（臺灣正體）
8. 陳嘉洛 (2022-04-06)。〈01消息：中聯辦晤選委　李家超係唯一人選　籲選委支持〉。香港01。原先內容歸檔喺2022-04-06。喺2022-04-06搵到。
9. 〈李家超宣佈參選香港特首 「武官」治港開始？〉。《BBC News 中文》。2022-04-06。喺2022-04-06搵到。
10. 〈特首選戰｜李家超去馬 今午2點半網上記者會交代詳情〉。《星島日報》。2022-04-08。喺2022-04-09搵到。
11. 〈一文看清李家超786張提名〉。《信報網站 hkej.com》。喺2022-09-02搵到。
12. 〈李家超宣佈參選特首：施政以結果為目標〉。2022-04-09。（香港繁體）
13. 〈李家超正式參選特首 FB現專頁 明開記招邀「主流媒體」出席〉。2022-04-09。（香港繁體）
14. 〈李家超握300提名 政綱月底公布 有選委稱「支持其理念」 學者批「西瓜靠大邊」 - 20220411 - 要聞〉。《明報新聞網 - 每日明報 daily news》 (繁體中文)。喺2022-04-12搵到。
15. 經濟日報。〈歐盟：李家超當選香港新特首 違反民主規範 | 港澳話題 | 兩岸〉。《經濟日報》 (中文)。原著喺2022-05-16歸檔。喺2022-05-16搵到。
16. https://news.mingpao.com/ins/%E6%B8%AF%E8%81%9E/article/20220420/s00001/1650438501855/%E7%89%B9%E9%A6%96%E9%81%B8%E8%88%89-%E7%AB%B6%E9%81%B8%E8%BE%A6%E9%A0%BB%E9%81%93%E8%A2%AByoutube%E5%BC%95%E7%BE%8E%E5%88%B6%E8%A3%81%E4%BB%A4%E5%81%9C%E7%94%A8-%E6%9D%8E%E5%AE%B6%E8%B6%85-%E7%BE%8E%E5%88%B6%E8%A3%81%E6%98%AF%E7%84%A1%E7%90%86%E9%9C%B8%E5%87%8C%E8%A1%8C%E7%82%BA-%E5%88%BB%E6%84%8F%E6%96%BD%E5%A3%93
17. 〈國際傳媒拒認香港「選舉」 多個詞彙諷刺北京決定〉。大紀元時報。2022-05-11。
18. "Hong Kong's John Lee: Ex-security chief becomes new leader". BBC. 2022-05-08.
19. "Beijing-backed hardliner John Lee chosen as Hong Kong's next leader". Financial Times. 2022-05-08.
20. "John Lee: Hong Kong elects Beijing hardliner and former security chief as new leader". The Independent. 2022-05-08.
21. "Beijing's Man in Hong Kong Inherits a Tamed City". The New York Times. 2022-05-08.
22. "Hong Kong's next leader is a hardline former police officer who took on the city's protesters". CNN. 2022-05-09.
23. 〈香港政府のトップに李家超氏、得票率99%　民主派弾圧、中国に忠誠〉。朝日新聞。2022-05-08。
24. "Ex-security chief John Lee confirmed as Hong Kong's next leader". CNA. 2022-05-08.
25. "Pro-Beijing committee endorses John Lee as Hong Kong's next Chief Executive". Australian Broadcasting Corporation. 2022-05-08.
26. "John Lee to be Hong Kong's next leader, Puppet in Hands of Communist party of China". The Press United. 2022-05-08.

出面網頁

• 2022年行政長官選舉官方網站
• 星島頭條－2022年行政長官選舉專頁